radheef.info
ރަދީފު


ތީ
އ (1) ތިޔައީ )ދުރުގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް.( މިސާލު: ތީ އަހަރެންގެ ގަލަން. (2) ހިނގީތީ ހިނގިކަން ދައްކައިދިނުމުގެ ގޮތުން ބޭނުންކޮށްއުޅޭ އަކުރެއް. މިސާލު: ނޭންގީތީ ނާދެވުނީ. (3) ޔަތީ މިއަކުރު ކުރުކޮށް ބުނާގޮތް މިސާލު: ނޭންގީތީ ނާދެވުނީ
ކަށިމަތިއެޅުން
މ ބައެއް ކަހަލަ ކުޅިވަރު ކުޅޭއިރު ކަށިމައްޗަށް ގެއްލުމެއް ވިޔަ ނުދިނުމަށް ކަށިމަތީގައި ބަންނަ ދާފަރާ ބަނުން
ކަށިމަސް
ނ (1) ކަރަވެރިމަސް ފާޑުގެ ކަށިގިނަ މަހެއް މިއީ ދިގުކޮށް ފަތިކޮށް ހުންނަ މަހެކެވެ މަހުގެ ބުރަކަށި މަތީގައި ހުންނަނީ ގަދަ ނޫ ފެހިކުލައެކެވެ މަހުގެ ދެއަރިމަތީގައި ރަންރިހިކުލައެއްގެ ދަޅައެއް ހުރެއެވެ (2) )ސ ( މަހުގެ ބޮލާއި ކަށިފައްޗާއި ކަންފަތްގަނޑު
ކަށިތުންފިލޮޅު
ނ ފިލޮޅުގެ ބާވަތެއް މިފިލޮޅުގެ ކަރުތާފަތްގަނޑާއި ބޮލުގެ މަތީބައިގައި ހުޅުނބެއް ނުހުރެއެވެ ކަރުތާ ފަތްގަނޑުގެ މަތީބައިގައި ރަތްކުލައިގެ ލަފެއް ހުރެއެވެ މަހުގެ ކުލައަކީ މަޑު ވައިލެޓުކުލައަކާ ގުޅޭ މުށިކުލައެކެވެ މަހުގެ ތުން ހުންނަނީ ފިޔާތޮށިކުލައިގައެވެ
ކަށިގަނޑު
ނ (1) ކަށީގެ ބައެއް ނުވަތަ ބުރިވަރެއް. (2) އެކިއެކި ބޭނުމަށްޓަކައި އަންގައިލުމަށް ފުމެން ގެންގުޅޭ އެއްޗެހި. މިސާލު: )ހ( ސިފައިންގެ ކަށިގަނޑު. )ށ( ބޯޅަކުޅޭއިރު ފުމޭ ކަށިގަނޑު. )ނ( އާގުބޯޓު ފަހަރުގައި ފުމޭން ގެންގުޅޭ ކަށިގަނޑު. (3) ތަތްފަތާއި ސިނަފަތް ބޯން ގެންގުޅޭ އެއްޗެއް. (4) ދިރޭ ތަކެތީގެ މަސްފިލާފައި އޮންނަ އޮނިގަނޑު. (5) ގުންބާ އުނދުނާއި ބިގަރުފަދަ ތަކެތީގައިޖެހޭ ކުނި ނައްޓާން ހަރާ ނަރުކޮޅު (6) ބިންވަޅު ނަގާ ކުރަހަން ގެންގުޅޭ ތޫނު އާލަތެއް: (7) އިސްކުރު އަނބުރަން ގެންގުޅޭ އާލަތެއް (8) ތުނޑު ދެފަޅިއަށް ހުރެފައި ދެފަށް ދޭތެރެއަށް ދެލިއަޅައިގެން ރޮނގުދަމާންގެންގުޅޭ އާލަތެއް (9) ހަމުގެ ދަރަޖަބަލާން ގެންގުޅޭ އާލަތެއް :)01( ޑަކްތަރުން ބަލިބަލާން ގެންގުޅޭ އާލަތެއް: (11) ވިއްސާރައިގެ އެކިއެކިގޮތްގޮތް ބަލާން ހަދައިފައި ހުންނަ އާލަތް: (21) ކާންގެންގުޅޭ އޫ
ކަށިގޮނު
ނ ގޮނުމަހުގެ ބާވަތެއް. މިމަހުގެ ސިފަ ގޮނާ ވައްތަރުނަމަވެސް މިމަހުގެ ބަނޑުދަށުން ފުޅާވެފައި ބޮލުގެ މަތީގައި ދެދަޅުފަޅައިފައި ހުރެއެވެ މަހުގެ ބުރަކަށި މަތީގައި ވަރަށް ވަރުގަދަ ހަރުކަށްޓެއް ހުންނާނެއެވެ ނިގޫފަތުގެ ކޮޅު ހުންނަނީ ވަށްކޮށެވެ މަހުގެ ކުލައަކީ ދޮންރީނދޫ ކުލައެވެ މުޅި މަހުގައި އެކިގޮތްގޮތަށް ނޫކުލައިގެ ރޮނގުތަކެއް ހުރެއެވެ
ކަށްކޮނި
ނ ލޮނުމެހި މިއީ ބިންމަތީގައި ހަރުކޮނެގެން އުޅޭ ބާވަތެއްގެ މެއްސެކެވެ
ކަނބައިދިކިލެގެކަން
ނ އަންހެނުންނަށް ދެއްވާ މަތީ ދަރަޖައިގެ ކޮލީނަމެއް. މިދަރަޖަ ލިބެނީ ރަސްކަލެއްގެ ނުވަތަ ރަސްކަލެއްގެ އަނބިކަނބަލެއްގެ ދައިތާފުޅަކަށް ނުވަތަ ކޮއްކޯފުޅަކަށެވެ
ކަނބާ
ނ (1) އަންހެނުންގެ މަތީ ދަރަޖައިގެ ނަމެއް އިހުގައި މިނަން ކިޔައި އުޅުނީ ގަނޑުވަރު ތެރޭގެ ބޭފުޅުންނަށެވެ (2) ޅެމުގައި އަންހެނުންނަށް ލޯބީން ކިޔާނަމެއް
ކަނބިލި
ނ އެއްގަމު ދޫނީގެ ބާވަތެއް މިއީ ވަލުތެރޭގައި އުޅޭ ދޫންޏެކެވެ. މިދޫނީގެ ބަނޑުދަށާއި ކަރުދޮށާއި މޫނުމަތި ހުންނަނީ ހުދުކުލައިގައެވެ. ބުރިކަށިމަތި ހުންނަނީ ކަޅުއަޅި ކުލައެއްގައެވެ. ތުނބާއި ފައިގައި ހުންނަނީ ދޮންފެހިކުލައެވެ. ވަކި ޢުމުރަކަށް ދިއުމުން ރަތްރީނދޫ ކުލައަކަށް ފައިގެ ކުލަ ބަދަލުވެއެވެ. ތުނބުގެ މަތީކޮޅުގައި ރަތްކުލައެއް ހުރެއެވެ. ކާ ވަގުތާއި ސިހުން ލިބޭ ވަގުތުގައި ބޮލާއި ފިނދުފަތް ނަގައި ތަޅުވައި ތިރިކޮށް ހަރަކާތް ކުރުމަކީ ކަނބިލީގެ ޚާއްޞަ ސިފައެކެވެ މީހެއްގެ ނުވަތަ އެއްޗެއްގެ ހިލަމެއްވުމުން އަވަހަށް ފިލައި ބޮނދައެވެ
ކަނދިކަމަނާމަސްތެލުލުން
މ )މިސާލުބަހެއް( ތިމާކުރާން އުޅޭ މަސައްކަތުގެ ގިނަބައި ތިމާއިންތާ އިނދެގެން އެހެން މީހުންލައްވައި ކުރުވައިފައި މިކުރިކަމެއް ރަނގަޅުވެއްޖެއްޔާ ތިމާ ކުރިކަމެއް ކަމުގައި ހަދައި ނުބައި ވެއްޖިއްޔާ އެހެންމީހުން މަތީއެޅުވީމާ ދީ އުޅޭ މިސާލެއް
ކަނދިމަސް
ނ މުޙައްރަމް މަސް. މިމަހަށް އެނަން ކިޔުނީ މިމަހު ނުވަނަދުވަހާއި ދިހަވަނަދުވަހު ކަނދިކައްކައިގެން ޞަލަވާތް ކިޔަވައި ކުދިން ކިރައި ހަދާތީއެވެ
ކަނދިދުވަސް
ނ މުޙައްރަމް މަހުގެ ނުވަވަނަ ދުވަހާއި ދިހަވަނަ ދުވަސް މިދެދުވަހަށް ކަނދިދުވަހޭ ކިޔުނީ މިދެދުވަހު ކަނދިކައްކައިގެން ގޭގޭގައި ޞަލަވާތްކިޔަވައި އަދި އެކަންޖާއަޅައި ކުދިން ކިރައި ހަދާތީއެވެ
ކަނދިލި
ނ (1) އެތެރެއަށް ތަށިލައިގެން ދިއްލާ ލޯބަންދުތަކަކުން ޖަބުރޯލެއްގެ ބައްޓަމުގައި ހަދައިފައިހުންނަ ފާނޫޒު ފާޑުގެ އެއްޗެއް. އިހުގައި މިދިއްލައި އުޅެނީ ދަމުއަށީގައެވެ. (2) ހަތްތުތިމަހާއި ތުތިމަސް ބުރިތަކެއް ބޭރުން ފެންނާނޭގޮތަށް ކަންކަނަށް ބަނދެ ބޭރުގައި ތުނިފޮތިޖަހައި ކަރުދާސް ހިއްޕައިގެން ދިއްލާ ފޫނޫޒެއް ކަހަލަ އެއްޗެއް މިއީ ރަށްމާލުދުރޭ ަރަދުން މާލޫދު ހަރުގެއަށް ވަޑައިގަންނަވާ މަގުމަތީގައި ދިއްލާން ކުދިބޭކަލުން ހަދާ އެއްޗެކެވެ (3) އަންނާރުފަތް ފާޑަށް ފަތްހުންނަ ތިރިކޮށްހެދޭ ފަތްޕިލާވެއްޔެއް މީގެ ކިތަންމެ ބާވަތެއް ހުރެއެވެ
ކަނޑަދޭހަ
ނ )ސ ( އައިންމަތީ ދޫންޏެއް މިއީ އަތޮޅު އޮބާހައި ހިސާބުދުރުގައި އުޅޭ ދޫންޏެކެވެ މިދޫނީގެ ބަނޑުދޮށް ކަޅުވާނެވެ މިއީ ހޯގުޅާއާ ވައްތަރު ދޫންޏެކެވެ
ކަނޑި މިޔަރު
ނ ނިގޫފަތުގެ މަތީބައި ކަނޑިޔެއްހެން ހުންނަ މިޔަރެއް. ނިގޫފަތުގެ މިބައިގެ ދިގުމިން މުޅިމިޔަރުގެ ހަށިގަނޑުގެ ދިގުމިންވަރުވެއެވެ އާއްމުކޮަށް މިއުޅެނީ އަތޮޅުން ބޭރުގައެވެ މިއީވަރަށް ބާރަށް ދަތުރުކުރާ ވަރުގަދަ މިޔަރެކެވެ
ކަނޑިންމަ
ނ (1) ބޮޑެތިފުޅާނެރު (2) ޤުދުރަތީގޮތުން ތޮށިން ކެނޑިފައި ހުންނަ ބޮޑެތި ތަނަވަސް ތަންތަން (3) ދ އަތޮޅު ވާނީ ކައިރީގައި އޮންނަ ފަޅުރަށެއް
ކަނޑުކާޅު
ނ (1) އުރަފަށުގައި އުލޭ ތުނބިފާޑުގެ ކަޅުކުލައިގެ މަހެއް. މި މަސް ތުންބަށްވުރެން ތުންކުރުވެފައި ނަގޫފަތުގެ ދެފަރާތުގައި ދެކަށި ހުންނާނެއެވެ (2) ކަނޑުމަތީ ދޫންޏެއް މިއީ މާރަނގައާ ވައްތަރު ކުޑަދޫންޏެކެވެ
ކަނޑުކޮއްޓި
ނ ކަނޑުމަތީދޫންޏެއް މިއީ ކަޅުކުލައިގެ ކުޑަވަރަކު ދޫންޏެކެވެ މި އުދުހޭނީ ތިރިތިރިން ކަނޑުގައިޖެހޭ ހިސާބުންނެވެ މަޑުއިރަށް ކަނޑަށް ފީނައިވެސް އުޅެއެވެ
ކަނޑުއުނިޔަ
ނ ފަރުމަހުގެ ބާވަތެއް. މިއީ ހަށިގަނޑު ފުޅާކޮށް ހުންނަ މަހެކެވެ. މިމަހުގެ ލޯ ބޮޑުވެފައި އަނގަ ކުޑަވާނެއެވެ. މަހުގެކުލައަކީ ރިހިއަޅިކުލައެވެ. މަހުގެ ކަރުތާފަތްމަތީގައްޔާއި ތުންކޮޅުގައި ނޫކުލައިގެ ތިކިތަކެއް ހުރެއެވެ
ކަނޑުމަތިއެޅުން
މ (1) "ކަނޑުމަތީގެ އުނދަގޫފެނުން (2) "ކަނޑުމަތި" ބަލާ!