radheef.info
ރަދީފު


ދޯ
އ އާނބަސް ބުނުވުމުގެ ގޮތުން ސުވާލު ކުރުމަށް ބޭނުންކުރާ ބަހެއް މިސާލު: އަހަރެން މިބުނީ ތެދެއްނޫންދޯ
ތިންތިންމަޑޫ
ނ އޮޑިދޯނިފަހަރު ބަންނައިރުޖަހާ ތިންވަނަމަޑޫ
ތިންގެމައިން
ނ (1) ރަދުން ތަނަކަށް ވަޑައިގަންނަވާއިރު އަރިއަހުގައިދާ ދެދޯނިކޮޅާއެކު ތިންދޯނިވީމާ ކިޔާގޮތް (2) ތިންއަވަށުން
ތިލަގަނޑު
ނ މަސްދޯނިފަހަރަށް ހައްސަ ބޭވުނީމާ އޮޑީގެ ދިރުނބާކޮޅުގައި ޖަހާއެތިގަނޑެއް ގިނަފަހަރު މިގޮތަށް ޖަހައި އުޅޭނީ ފެންފުޅަތްޕެވެ
ތިލަގަނޑުޖެހުން
މ ހައްސަ ބޭވުނުކަން އެންގުމުގެ ގޮތުން މަސްދޯނި ފަހަރުގެ ދިރުނބާކޮޅުގައި ދުރަށް ފެންނާނެހެން އެއްޗެއް ހަރުކުރުން
ތިލޯށި
ނ އޮޑިދޯނިފަހަރުގެ ފުށުވާ ހިފަން އެއްގަމަށް ޖަހައިފައި ހުންނަ އެތި
ތުންމަތި
ނ (1) އޮޑިދޯނި ފަހަރުގެ ދިރުނބާކޮޅުން މައްޔަލުން ބޭރަށް ދައްސޫރަ ދަމައިފައި ދައްސޫރަޔަށް ކަނިއަޅައިފައި ނަގާރިޔާ (2) ޖީބުރިޔާ (3) )ޏ ސ ( މެދުގޯތި ފިޔަވައި ގޯތި ތެރޭގައި އޮންނަތަން
ތުންމަތިނެގުން
މ އޮޑި ދޯނިފަހަރުގެ އެންމެ ދިރުނބާކޮޅަށް ހުންނަ ރިޔާނެގުން
ތުންމަތިރިޔާ
ނ އޮޑި ދޯނިފަހަރުގެ ދިރުނބާކޮޅަށް ދައްސޫރަ ދުއްވައިފައި ނަގާރިޔާ
ތުންގަނޑު
ނ (1) ދޫނިސޫފާސޫފީގެ ތުން (2) މަސްމަހާމެހީގެ ދިގުކޮށް ނިކުމެފައި ހުންނަތުން (3) ވައިޖަހާގުންބާއާއި ވައިޖަހާނޮޅީގެ ކުރީގައި ގުޅައިފައި އޮންނަބައި (4) ބައްތެލި ދޯނީގެ ދިރުނބާކޮޅު މައްޔަލުގައި ބޭރަށް ނެރެފައި ހުންނައެތި މިހަދައިފައި ހުންނަނީ ލޮއިން ނުވަތަ ކުރެދިންނެވެ (5) ދޯނިފަހަރުގެ ދިރުނބާކޮޅު މައްޔަލާ ގުޅައިގެން ހަނިކޮށް ދިގުކޮށް ކުރިއަށް ނެރެފައިވާބައި
ތެވެލިގައު
ނ )އ ( އިރުގެ ދޯދި އެޅިގެން ވިދާ ގައު
ތެޔޮދޯރި
ނ ތެޔޮއަޅަން ނުވަތަ ތެޔޮއަޅައިގެން ގެންގުޅޭދޯރި
ތޭރި
ނ (1) ކުޑަދޮރުގެ ދެއޮޅި ދޭތެރޭގައި ލަކުޑިން ނުވަތަ ދަގަނޑުން ޖަހައިފައި ހުންނަ އެއްޗެހި. (2) ލަކުޑިން ހަދައިފައި ހުންނަ ބައެއް ތަކެތީގެ ދެފައިކޮޅު ދޭތެރެއަށް ލައްވައިފައި ހުންނަ ހިމަދިގު އެއްޗެހި. މި ވަށްކޮށާއި ހަތަރު އަރިއަށާއި ދިގުހަރު އަޅައިގެން ލިޔެފައިވެސް ހުރެއެވެ މިސާލު: )ހ( އަދަރާދަގޮނޑީގެ ތޭރި )ށ( އުނދޯލީގެ ފަޑީގައި ހުންނަތޭރި (3) ފަހާފޮށީގެ ބަރަނި އޮޅަން ހަދައިފައި ހުންނަ އެއްޗެއް (4) ސަރަކައިގެ ރޮދިއޮޅަން ހުންނަ ފޯލި (5) ފޭރާން ވިޔާއިރު އޮޅަން ހުންނައެތި
ތޮންގާ
ނ )ގ ( ދޯނިފަހަރުގެ ހުންގާނު އެޅުވުމަށް މާދާގެ ބަދަލުގައި ރޯނުން ފުރައިފައި ހުންނަ ކުސަގަނޑު
ތޮޅިޔަށްދަރު
ނ ދުއްވައިފައިދާ އޮޑިދޯނިފަހަރުގެ ދަށުން ތޮޅިއެއް ފުންމައިގެންފިނަމަ ދަރުގަނޑެއްފަދައެއްޗެއް އެއްލަމުން ބުނެއުޅޭ ފަންޑިތަބަހެއް
ތޮއްފިލާ
ނ އޮޑިދޯނިފަހަރުގެ އެތެރެފަރާތު ކައިރިފަށުގައި ހަފޮޅާ ޖައްސައިގެން އިންނަ ފަތްތަކުގެ މަތީގައި އެއްކޮޅުން އަނެއްކޮޅަށް އަޅާފިލައެއް މިއީ ފެތިގެން އަޑިއަށް ދިޔަނުދިއުމަށް )ރައްކަލަކަށް( އަޅާފިލައެކެވެ
ތޮއްޕިލާ
ނ )ލ ( (1) އޮޑިދޯނފަހަރުގެ ފަތްގަނޑުމަތީގައި ހަރުކުރާ ތުނިފިލައެއް (2) ފައިދޮށު ކޮޅުފިލާ
ލަކިޖެހުން
މ (1) ތެލަނގަ އެއްލައިފައި ހުންނައިރު ވައިގެ ސަބަބުން ދެފަރާތަށް ހެލޭހެލުން. (2) ލަނބުރާން ނުވަތަ އޮޑިދޯނިފަހަރު އަޅައިފައި ހުންނައިރު އެތަކެއްޗަށް ވަމުންދާ ޙަރަކާތުން އެވަލަށް ދޫވެފައި ބާރުވާއިރު ވާގޮތްވުން (3) ރުޅިއައިސްގެން ބާރަށް އެއްޗެހި ގޮވުން
ލަގަނާފަތާ
ނ )ގ ( އޮޑިދޯނިފަހަރުގެ ކުނބުގެ ކޮޅުފަސްކޮޅަށް އޮންނަ އިންނަފަތް
ލާނެގުދާ
ނ އޮޑިދޯނިފަހަރުގައި އުޅޭ ވަކަރު ކާއެއްޗެއް މި ވައްތަރުވާނީ ކުޑަ ކުރަތްޕަކާއެވެ މީގައި ހަފައިހުރެއެވެ
ލާގައްފަލި
ނ )ޏ ސ ( ދިހަފަލި ހުންނަ ދޯނި ފަހަރުގެ ކޮޅުފައްޔާ ޖެހިގެން ކޮޅުފަހަށް ހުންނަ ފަލި ދިހަފަލި ހުންނަ ދޯނިފަހަރުގެ ފަލިތަކަށް ޏސ ގައި ކިޔައި އުޅެނީ: )ހ( ކެޑެފެލި )ށ( ލާގައްފަލި )ނ( ސާރިމަތި )ރ( ކާނހައް )ބ( ބަނޑޮފަލި މިނަންނަމެވެ )ފަލިތަކުގެ ނަން ތަރުތީބު ކުރެވިފައިވަނީ ދިރުނބަލުން ފެށިގެން ކޮޅު ފަހަށެވެ