radheef.info
ރަދީފު


ދޫ
ނ (1) އިންސާނުންގެ އަނގައިގެ ތެރޭގައިވާ ވާހަކަދެއްކުމަށް އެހީވެދޭ ގުނަވަން. (2) ރަހަބެލުމުގެ ގުނަވަން. (3) ގޮނޑި އަލަމާރި މޭޒު ދޮރު ދޮރުފަތްފަދަ ތެދުއުއިވަޑާމުގެ ތަކެތި ހެދުމުގައި އެއްބައި އަނެއް ބަޔަށް މެހުމަށް ވަށައިގެން ކަނޑައި ކޮޅުން ނެރެފައި ހުންނަ ތަންކޮޅު. (4) ތަޅުލުމަށާއި ހުޅުވުމަށް ތަޅާއި ތަޅުދަނޑީގައި ހުންނަ ތަންކޮޅު. (5) ވައިޖަހާ އެއްޗިއްސަށް ވައިވައްދަން ހުންނަ ތަންކޮޅު. (6) ބާރު މިބަހުގެ ހަތަރުވަނަ މާނައިގެ އިދިކޮޅު (7) ވާން މިބަހުގެ އިދިކޮޅު (8) ފަލިތަންޑުގެ ކޮޅުގައި ފެނުގައި އެޅުވުމަށް ހަރުކޮފައި ހުންނަ ފިލާކޮޅު (9) ރަށް
ފުށްގަނޑު
ނ (1) މޮޑެފައި ހުންނަ ފުށް. (2) މަޖާޒު: ދޫނި ސޫފާސޫފީގެ ޅައެއްޗެހި. މިސާލު: މާކަނާ ފުށްގަނޑު ހޯގުޅާ ފުށްގަނޑު (3) ސަމައްތަރު ހެޔޮކުޑަ ކުދިންނަށް ލޯބިން ކިޔާނަމެއް
ފުށްގުޑި
ނ ދޫނިފަދަ ތަކެތީގެ ފުށްފަތް
ފުނާގަނޑު
ނ (1) މުލައްގަނޑު ހާލިގަނޑު (2) ވަކި ވައްތަރެއްގެ ދޫންޏެއްގެ ބޮލުގެ ހުޅި
ފުރަމޭ
ނ ލޭމަދުވެ ފޮއްސިވާ ބައްޔަކަށް ދިވެހި ބޭސްވެރިން ކިޔާނަމެއް. މިބަލި ޖެހުމުން ލޯ ރީނދޫވެ ބަނޑުފުފި ފޮއްސިވާނެއެވެ
ފުރަމޭވުން
މ މޫނުބޯވެ ބަނޑުބޮޑުވެ މުޅިމީހާ ރީނދޫވުން
ފުރަގަސްދިނުން
މ (1) މީހަކަށް ނުވަތަ އެއްޗަކަށް ބުރަކަށި ދިމާވާގޮތަށް އެނބުރުން (2) މަޖާޒު: ކުރަން ޖެހިފައިވާ ކަމެއް ކޮންމެވެސް ސަބަބަކާއި ހުރެ ނުރުހިގެން ނުކޮށް ދޫކޮށްލުން
ފުރުވާލުން
މ (1) ދަތުރު އެރެހެއްޓުން (2) ތަނަކަށް ދިއުމަށް ދަތުރު ކުރަން ބޭނުންވާމީހާ އެތަނަކަށް ދެވޭނެމަގު ތަނަސްކޮށްދީ ދަތުރަށް ފަށްޓުވައި ދިނުން (3) ތަނަކަށް ދަތުރު ކުރަން އުޅޭ އުޅަނދުގެ ދަތުރަށް ބޭނުންވާ ހުރިހާކަމެއް ހަމަޖައްސުވައިދީ ދަތުރު ފައްޓުވައި ދިނުން (4) ބޮނބި އޮޑިއާއި ކަނދުދޯންޏާއި ބޮނބިގަނޑެއް ފަދައެއްޗެއް ދަތުރު ކޮށް ފައިދާން ދޫކޮށްލުން (5) ބައްސާލުން މިބަހުގެ 1 ވަނަ މާނަ ބަލާ!
ފުޅިކަދޫ
ނ ގުޑުގުޑާ ފުޅި ފާޑަށް ތިރިޔަށް ބަނޑިލައިފައި ހުންނަ ކަދޫ
ފުއްގަހުގުރާ
ނ (1) ޑިންޑިން ކޮވެލި ވައްތަރަށް ހުންނަ އެއަށްވުރެ ކުޑަ ދޫންޏެއް މިއީ ގާތްގަނޑަކަށް 01 ވަރަކަށް އިންޗި ހުންނަ ދޫންޏެކެވެ މި ދޫނި ދިވެހި ރާއްޖެއަށް އަންނަނީ އިރުވައި މޫސުމުގައި ދެކުނު އިންޑިޔާއިންނާއި ސިރީލަންކާއިންނެވެ (2) މަޖާޒު: ރީތި އަންހެންކުދިން
ފެންފޮދާދިއުން
މ ގަނޑުވަރުތެރޭ ބޭފުޅުން އާލާސްވެ އިންނަވައި ހަތްމަސް ފުޅަށް އަޅައިގަތީމާ ކުރެންދޫ ޒިޔާރަތަށް ފެންފޮދު ބަލާދިއުން
ފެންފޮދުއޮޑިކޮޅު
ނ އިހުގައި ގަނޑުވަރުތެރޭ ބޭފުޅުން އާލާސްވެއިންނަވާ ހަތްމަސް ފުޅަށް އަޅައިގަތީމާ ކުރެންދޫ ޒިޔާރަތުން ފެން ފޮދު ބަލައިދާ އޮޑި މިފެންފޮދު ގެންނަނީ އެބޭފުޅަކު ނައިނެ ފިއްލެވުމަށެވެ
ފެންފޯއްދޫނި
ނ އެއްގަމުދޫންޏެއް މީގެފަސް ވައްތަރެއް ހުރެއެވެ އެންމެ ވައްތަރުވާނީ ކުޑަވަރެއްގެ މައިނާއަކާއެވެ މީގެ ކުލަޔަކީ މުށިކުލައެވެ ބޮޑު މިންވާނީ ގާތްގަޑަކަށް 3 އިންޗި 4 އިންޗި ވަރެވެ
ފެންދިނުން
މ (1) ބޯފެންދިނުން. (2) ގަސްގަހަށް ފެންއެޅުން. (3) ދަނޑު ދަނޑަށާއި ބަގީޗާތަކަށް ފެންދޫކުރުން (4) ކަތިލާ ތަކެއްޗަށް ކަތިލުމުގެ ކުރިން ފެން ބޯންދިނުން
ފެތުން
މ (1) ފެންމަތީގައި އޮވެގެން ދެއަތުން ފަލިޖަހައިފައި ކުރިޔަށް ދިޔުން. ނުވަތަ ފަހަތަށް ދިޔުން. (2) ފުރާ ދުއްވާ އެއްޗެހި ފެން އަރައި އަޑިއަށް ދިއުން (3) ގެނބުން (4) އެއްޗެއްގެ ތެރެއަށް އެއްޗެއް ވަނުން މިސާލު: މިއުޅެނީ ގަމީސް ނުފެތިގެންނެވެ މިލަކުޑިގަނޑުގެ ދޫ ކޮރުވަޅު ތެރެއަށް ނުފެތެއެވެ (5) ހަމަޖެހުން މިސާލު: ރާގަށް ފެތުން ވަޒަނަށް ފެތުން (6) މަޖާޒު: ނުބައި ކަމެއްގައި ބެދުން
ފެތުރި
ނ (1) ހަމުގެ ބައްޔެއް. މިއީ ކަހާ ހިރުވާގޮތަށް ހުންނަ ދޫތްމަށްވުރެ ބޯކޮށްހެދޭ އަވަހަށް ފެތުރޭ ބައްޔެކެވެ (2) ފެތުރުން މިބަހުގެ ނިމިނިމުނު ކަން
ފެޑަގަ
ނ )ޏ ސ ( (1) ރޯފަން ފުޅަނގި (2) މަސްކާށި ދޫނި
ފޭބުން
މ (1) ތިރިއަށް އައުން (2) އޮހުން (3) ރަށެއް ފަދަތަނަކަށް އެރުން ނުވަތަ އެފަދަތަނެއް ދޫކޮށްލައިފައި ދިއުން (4) މިސްކިތް ފަދަ ތަނަކުން ނުކުތުން (5) ނަމާދުކޮށް އަވަދިވުން (6) ހިކިފަސްތާކު ހުރެފައި ފެންގަނޑަކަށް ނުވަތަ މޫދަށް އެރުން (7) އުޅަނދެއްގެ ފަޅުވެރިންގެތެރެއިން މީހަކު އަމިއްލަޔަށް ވަކިވުން (8) ފަތް ނުވަތަ އިސްތަށި ވެރުން (9) ދުވަސްކޮޅަކަށް ރަށެއްގައި ހުރެލުން
ފޮރިކެ
ނ އިރުގައި މޫސުމަށް ރާއްޖެއައިސް އުޅޭ ދޫންޏެއް. މިއީފެންފޯއްދޫންޏާ ވައްތަރުގޮތެއް ހުންނަ ފެންފޯއްދޫންޏަށްވުރެ ބޮޑު ދޫންޏެކެވެ
ފޮރޯމިނި
ނ )ސ ( ދޮންދޫނީގެ ބާވަތެއް
ފޮއްދޫ
ނ (1) މިލަދުން މަޑުލު ދެކުނުބުރީގެ ރަށެއްގެ ނަން (2) ފޮއްދޫ ފޭއްޔަށް ކުރުކޮށް ކިޔާގޮތް (3) )ބދ ( ތުނި ފޭލި