radheef.info
ރަދީފު


ދައި
ނ ފޮއިހިންގައިގެން އެއްޗެހި ހިމުންކުރުމަށް ހިލައިން ހަދައިފައި ހުންނަ ފަތާ އެއްޗެއް
އޮނުގަނޑުއެޅުން
މ ކުޅިޖަހާން ދަސްކުރާ މީހުންގެ ހަށިގނަޑު ހާނުވާން އުނަގަނޑުމަތީގައި އޮނުގަނޑު އަޅުވައި ދެއަތުގެ އުނޅަބޮށީހުޅުގެ އެތެރެފަތާރް އޮނުގަނޑުގެ ދެކޮޅުގައި އަޅުވައި ދެއަތްގެނެސް ބަނޑާއިދިމާއިން ބައްދައިގެން ތިރިވެ އޮވެގެން ބާވަތަކަށް ފައިކުރިޔަށްގެންގޮސް ފަހަތަށް ގެނެސް ހެދުން
އޮބި
ނ (1) މަހެއްގެ ސިފައިގައި ދެފައިކަށްޓަށް ލަކުޑިން ހަދައިފައި އޮންނަ ދައްޗެއް. މިގިނައިން ގެންގުޅެނީ ތެޔޮހާނާއިރު ކައްކައިފައި ހުންނަ ކުނޑި ގަނޑުފެލާށެވެ. (2) ފަންދަމާ ބިތުގައި ބޭރުން ފަންތަކުގެ ދިގަށް އަޅާފަތިގަނޑު. (3) ބައެއް ތަންތަން އޮއްބައި ހިފެހެއްޓުމަށްޓަކައި އަޅާފަތިގަނޑު ނުވަތަ ދަނޑިގަނޑު
އޮޅު
ނ (1) ބޭރުރަށްރަށުގައި އޮޑިދޯނި ފަހަރަށް ވަދެވޭނޭހެން ހުންނަ ފުންތަންތަން. (2) ފަޅުތެރޭގައި އުނިޔަވައްދާން ފުންކޮށްފައި ހުންނަ ވަޅު. (3) ބޮނބިފައުކުރާން އެއްގަމުގައި ހަދައިފައިހުންނަ ތަންތަން. (4) އަލަ އިންދުމަށްޓަކާ އަޑިކޮށް ހަދައިފައި ހުންނަބިން. (5) ދެއެއްޗެއްކައިރި ކުރުމަށްޓަކައި ބާރުލާން ދަނޑިގަނޑެއްލައްވައިގެން އަނބުރައި ބާރުކޮށްފައި ހުންނަ ރޯނުގަނޑު ނުވަތަ މާރުގަނޑު (6) ވަގުކަމާއި ސިހުންފިލައި ގާތްވެފައިވުން
އޮޅުންސުވާލި
ނ (1) ބޭހުގެ ބާވަތެއް މިއީ ވަކިފޫފާޑަށް އެޔަށްވުރެ ތަންކޮޅެއް ދިގުކޮށް ދަށްފަށަށް އޮޅިފައި ހުންނަ ތޮޅިއެއް (2) އޮޅުން ސުވާލީގެ ސިފައިގައި ފުށުންހަދައި ތެލުލައިފައި ހުންނަފޮނިކާއެއްޗެއް
އޮޅުދޫކައްޓަލަ
ނ އާދައިގެ ކައްޓަލަ
އޮޅުލުން
މ (1) ގަދަ ބައްޔަށް ހިފުން (2) އޮޅު އެނބުރުން (3) މީހަކު ގައިގައި ބައްދަބައްދައިފައި އުޅުން
އޮއިމާރު
ނ )ލ އ ( އޮއިގަދައިރަށް އެން ހިފާއިރު އޮޑިދޮށު ދަނޑީގައި ޖަހާ ވައު
އޮޑާ
ނ ވަޑާންކުރާން ގެންގުޅޭ އާލަތެއް. މިއީ އުދަލިހެން ދަނޑިއިންދަން ހަދައިފައި ހުންނަ އެއްޗެކެވެ. މީގެ ތިލަ ހުންނާނީ އުދަލި ތިލައަށްވުރެ ހިމަ ދިގުކޮށް ބޯކޮށް އެތެރެއަށް ގޮނިކޮށް އަދި މިޔަވެސް އަޅާފައެވެ. އޮޑައަކަށްވާނީ މިތިލައިގައި ދަނޑި އިންދީމާއެވެ
އޮޑިހަނު
ނ ބޭސްފަދަ އެއްޗެހި ގޭނުމަށްޓަކައި ކުރަދާއި ލާއިން އޮޑިބުރަށް ހަދައިފައި ހުންނަ ހަނެއް މިހަނު ވަށްކޮށްވެސް ހުރެއެވެ
އޮޑިފަހަރު
ނ ރިޔާނަގަން ހަދައިފައި ހުންނަ ފުރާދުއްވާ އެއްޗެތި
އޮޑިތާންކަލޭގެރައިވަރު
ނ (1) އޮޑިތާންކަލޭގެ ހަދައިފައިހުރި ކަމަށްބުނާ ރައިވަރު މަޖާޒު: (2) ބަނޑުވައް އަކުރުވެސް އަދި ނިމޭ އަކުރުވެސް އެއްގޮތްނުކޮށް ހަދާފައި ހުންނަ ރައިވަރާއި ޅެން
އޯޑި
ނ )ޏ ( ބޮޑެތިއުނބުން ހަދައިފައިހުންނަ ނާށިގަނޑު
ވަށަބުޅި
ނ މަސްބާނަން ގެންގުޅޭ ބުޅިއެއް މިއޮންނާނީ ކަނިފަށްނުލާ އާދައިގެ ބުޅިއަށްވުރެ ވަށްކޮށެވެ
ވަށިގަނޑު
ނ (1) ކަރުދާސް ފަދަ ތަކެތި އަޅާން ލިޔާމޭޒު ކައިރީގައި ބަހައްޓާ ވަށި (2) ހަނޑޫ ކަނޑާ ވަނެއްގެ ސިފައިގައި ތިރިކޮށް އެއްތެލުން ހަދައިގެން އިށީންނަން ގެންގުޅޭ އެއްޗެއް (3) ބާވެފައި ހުންނަ ވަށި
ވަށްކޮށްލުން
މ (1) ވަށައިގެން ބުރުހަމަކޮށްލުން. (2) ބަޔަކުމީހުން މީހެއް ނުވަތަ އެއްޗެއް ވަށައިގެން ބައްދައިލުން (3) ވަށްކުރުމަށް ލުއިކޮށްބުނާގޮތް
ވަނޮޅު
ނ އޮޑިދޯނިފަހަރުގައި ކުނބުޖަހަން ހަދައިފައި ހުންނަ ތަން
ވަން
ނ (1) އެއްޗެތި އަޅައިގެން ތަޅާން ލަކުޑީން ނުވަތަ މައުދަނުން ހަދައިފައި ހުންނަ އެއްޗެއް މިސާލު: ހަނޑޫ ކަނޑާ ވަން ހަވާދު ތަޅާވަން (2) ހަނޑުލާއި ކާށި ހުންޏާ އެއްކޮށް ފުޑައިގެން ހަނޑޫ ކަނޑާ ވަނެއްގެ ސިފައިގައި ހަދައިގެން ތެލުލާ ހެދިކާ އެއްޗެއް (3) ގުޅަ ހަދާއިރު މަސްއަޅާން ވަންބުރިއެއްގެ ސިފައިގައި ފުށުން ހަދައިފައި ހުންނަ އެއްޗެއް (4) "ވަނުން" މިބަހުގެ ނިމިނިމުނުކަން (5) ބދ އުރުން
ވަރުވާއުނބު
ނ ވިރިކެކޭ ތަކެތި އަލިފާނުން ވިރުވާން ހަދައިފައި ހުންނަ އުނބު
)މުސްކުޅިބަހެއް( ކޮންމެއެއްޗެއްވެސް ރަނގަޅުވުމަކީ އެއެއްޗަކުން ހިފެންވާ ބޭނުން ރަނގަޅަށް ހިފުމެވެ. ވަޅިން ހިފަންވާ ބޭނުން ރަނގަޅަށް ހިފޭނީ އޭގައި ތޫނުކަން ހުރިއްޔާއެވެ. ހަމަ އެފަދައިން އަނބިމީހާވެސް ރަނގަޅު އަނތްބަކަށްވާނީ އުޅުންހުރި ގޮތްހުރި ހެޔޮމީހަކަށް ވިއްޔާއެވެ މިބަސް އާންމުކޮށް ބޭނުންކޮށް އުޅެނީ އަނބިންނާ ބެހޭގޮތުންނެވެ ވަޅިރީތީ ތޫނިއްޔާއެވެ އަނބިރީތީ ހެވިއްޔާއެވެ
ވަޅިފަންކޮށުން
މ ރޯފަނުން ބާވަތްބާވަތުގެ ތަކެތި ތަފާތު ރީތި ގޮތް ގޮތަށް ހަދައި އެލުވުން މިއީ މެހްމާނުންނަށް މާތްކޮށް ހިތައި ޢިއްޒަތް ދިނުމުގެ ގޮތުން ތަންތަން ޒީނަތްތެރި ކުރުމަށް ކުރާކަމެކެވެ