radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ނޫފަންނަދަރި
ނ ދެމަފިރިންކުރެ މީހަކަށް ލިބިފައިހުރި އަނެކެއްގެދަރި މިގޮތަށް ކިޔައި އުޅެނީ އިނދެގެން އުޅޭއިރުއެވެ
ނޫސް
ނ (1) ޚަބަރުތަކާއި ޢީލްމީ މަޒުމޫންތައް ޗާޕްކޮށްގެން ޤަވާއިދުކޮށްނެރޭ ލިއުންތައް (2) ޚަބަރާއި މަޢުލޫމާތު ފެތުރުމަށް ޗާޕުކޮށްގެން ގަވާއިދުން ނެރޭ ފަތްފުށްތައް
ނޫސްވެރިން
ނ (1) ނޫހަށް ލިޔެއުޅޭ މީހުން (2) ނޫހަށް ޚަބަރުހޯދާ މީހުން (3) ރިޕޯޓަރުން
ނެންގުން
މ (1) ނެންގެވުން (2) މީހަކުލައްވާ އެއްޗެއް ނަގާނެގޮތް ހައްދާ އެކަން ކުރުވުން
ނެވި
ނ ދަތުރުކުރާ އެއްޗެއްގައި ހުންނަ ދަތުރުގެ ވެރިމީހާ
ނެވިން
ނ (1) ދަތުރުރުކުރާ އެއްޗެއްގައި ހުންނަ ދަތުރުގެ ވެރިމީހާ (2) މަޖާޒު: އަނބިމީހާ
ނެތިނުބައި
ނ މީހާ ނެތްތާނގައި ދައްކާ އެމީހާގެ ބަދުނާމު ވާހަކަ
ނެތިނުބައިކިއުން
މ މީހާނެތްތާގައި އެމީހާ ބަދުނާމުކޮށް ވާހަކަ ދެއްކުން
ނެތްވަރުދެއްކުން
އ (1) ނެތް ހިތްވަރު ދެއްކުން. (2) ކަމެއް ކުރުމުގެ ކުޅަދާނަކަމެއް ފެންވަރެއް ނެތް މީހަކު އެކަން އޭނާއަށް ކުރެވިދާނެކަމަށް ހެދިގެން އުޅުން
ނެގިމަޑުވުން
މ (1) ނެގިގެންގޮސް ރިޔަލުން ވައި ހުސްވާ ވަރަށް ނެގުން. (2) މަޖާޒު: މީހަކު ކަންކަމުގައި ޙަރަކާތެރިކަން ކުޑަވެ ލަސްވެފައިހުރުން.
ނޭއްދާރު
ނއ (1) މީހުން އެކުނުލާ (2) މީހުންނާ ނުގުޅޭ (3) ގޮތްދޫނުކުރާ
ނޭއްދާރުކަން
ނއނ (1) މީހުންނާ އެކުނުލަވާކަން (2) މީހުންނާ ނުގުޅޭކަން (3) ގޮތްދޫނުކުރާކަން
ނޭއްދާރުވުން
މ (1) މީހުންނާ އެކުނުލެވުން (2) މީހުންނާ ނުގުޅުން (3) ގޮތްދޫނުކުރުން
ނޭވާއެޅުން
މ ނޭވާގެ ހޫނުކަން ފޯރާ ފަށުން އެއްޗަކަށް ނުވަތަ މީހަކާ ދިމާކޮށް ނޭވާލުން
ނޭވާލުމާބެހޭ ނިޒާމް
ނ ނޭވާލުމާއިބެހޭ ޙަރަކާތްތަކުގައި އެކިއެކި ވާޖިބު އަދާކުރާ ގުނަވަންތަކާ ހޮޅިތަކާ ޓިޝޫތައް. މީގެތެރޭގައި ނޭފަތާ ނޭވާ ހިނގާ ހޮޅިއާ ފުއްޕާމޭވެސް ހިމެނެއެވެ
ނޭޒާ
ނ (1) ހަނގުރާމަވެރިން ގެންގުޅޭ އެއްކޮޅު ތޫނު ދަގަނޑު ހަތިޔާރެއް (2) ވަޖިދުވާ މީހުން ގެންގުޅޭ ހިމަ ދަގަނޑެއް
ނޮލާލުން
މ (1) ނޮޅުން މިބަސްލުއިކޮށް ބުނެއުޅޭގޮތް (2) މަޖާޒު: ލޭކޮށާލާ ވަރަށް މީހަކަށް ޖިސްމާނީ ގޮތުން ގެއްލުން ދިނުން (3) މަޖާޒު: މާލީގޮތުން މީހެއްގެ ދުވަސް ދުއްވައިލުން (4) މީހަކު ދެއްކި ވާހަކައެއް ބޭޒާރު ކުރުމުގެ ގޮތުން އަނެކާގާތު ދެއްކުން
ނޯބެލްއިނާމު
ނ އިންސާނިއްޔަތަށް ޚިދުމަތް ކުރުމުގެ އެކި ރޮނގުރޮނގުން ޚާއްޞަ ޚިދުމަތްކުރާ މީހުންނަށް އަހަރަކު 1 ފަހަރު ދެވޭ އިނާމެއް. މިއިނާމަކީ އަލްފްރެޑް ނޯބެލްގެ ވަޞިއްޔަތަކާއި ގުޅިގެން ޞުލްހައަށާއި އަދަބިއްޔާތަށާއި ބޭސްވެރިކަމަށާއި ސައިންސްގެ އާހޯދުންތައްފަދަ ކަންކަމަށް ދެވޭ ބައިނަލްއަޤްވާމީ އިނާމެކެވެ
ނޯކަރު
ނ ޚިދުމަތްކުރާމީހާ
ނޯޓިސް
ނ (1) އިޢުލާން (2) މީހަކަށް ނުވަތަ ބަޔަކަށް ކަމެއް އެންގުމަށްޓަކައި ލިޔެފައިވާ ލިއުން