radheef.info
ރަދީފު


ވައް
ނ (1) ގަސްގަހުގައި ގަންނަ މޭވާ ފަދަ ތަކެތި. މީގެ ތެރޭގައި ކާތަކެއްޗާއި ކައިނޫޅޭ ތަކެތި ހިމެނިގެންވެއެވެ. (2) އިހާގޮނޑީން ފަޅައިފައި ހުންނަ ތަންތަން. ގޮބޮޅިއާއި އެތުމައު ގެންފައި ހުންނާނީ މީގައެވެ. (3) އޮޑިދޯނި ފަހަރުގެ ފަށަނުން މައްޗަށް ދެފަރާތަށް ވާނޭހެން ދެކަތްޕަށް ހުންނަ ވައް. )ބުޑުވައް( (4) އޮޑިދޯނި ފަހަރުގެ ވަތްވަތުގައި މަޑޫތައް ހިފެހެއްޓުމަށް އެތެރެ ފަރާތުން ބަނޑު ފިލާގައި އަޅާވައް. )ފައިވައް( (5) ބައެއް ވެޔޮވެލާއި ބައެއް ގަސްގަހުގައި ދެފައިކައްޓަށް ހެދިފައި ހުންނަ ގޮފި މޫފަދަ އެއްޗެހި
މާދޫނި
ނ އަސްދޫނި ވައްތަރަށް ތިރިކޮށްތިބޭ ކަނޑުމަތީ ދޫންޏެއް މީގެ ދެތިން ވައްތަރެއް އުޅެއެވެ
މާގަނޑު
ނ (1) ރާނބާގަސް ކަނދޮޅުގަސް ފަދަގަސް ގަހުގައި އަންނަ މައު. (2) އިހުޒަމާނުގައި ބައެއް މީހުން ލައިއެޅުނު ހަރުވާޅުގެ ދާގަނޑުގެ ކޮޅުގައި ނުވަތަ މުންޑުގެމަތިން އައްސާ ރޮދިގަނޑުގެ ކޮޅުގައި ފަށުވިން ނުވަތަ އުއިން ނުވަތަ އެފަދަ އެހެން އެއްޗަކުން ވައްކޮށް ނުވަތަ އެހެންވެސް ސިފައަކަށް ހަދާހަރުކޮށްފައި އޮންނަ އެތި. (3) ފެން ވެރުމަށްޓަކައި ފެން އިސްކުރުދޫކޮށްލުމުން ފެންދޭ އެއްޗެހިން ފެންފައިބާގޮތަށް ފެން އަންނާނެހެން ހަދައި މަތީގައި ހަރުކޮށްފައި ހުންނަ އެއްޗެއް. (4) ގާއޮޑިލަވަ ލަނގިރި ދަނޑިޖެހުން ފަދަ ކުޅިވަރު ކުޅޭއިރު ގެންގުޅޭ ދަނޑީގެ ކޮޅުގައްޔާއި ދުންކުނި އަނބުރާ ދަނޑީގެ ކޮޅުގާ ފޮތިން ނުވަތަ އުއިން ނުވަތަ ކަރުދާހުން ވައްކޮށް ނުވަތަ އެހެންވެސް ސިފައަކަށް ހަދައި ހަރުކޮށްފައި އޮންނައެތި (5) މޫދުމާގަނޑު (6) ބައެއްމީހުން ރީއްޗަކަށް ބައިސްކަލުގެ ފުރޮޅުގެ ބޫސް ދަގަނޑަށް މަހާލައިގެން ބޭނުންކުރާ އެއްޗެއް މިހަދައިފައި އޮންނާނީ ވައްކޮށް ދެތިންކުލަ އެކުލެވޭ ގޮތަށެވެ
މާގޯނި
ނ )ގ ( ކަށިވިދުރީގެ އެންމެ ނުބައިވައްތަރު
މިހެން
އ (1) މިގޮތަށް (2) މިވައްތަރަށް (3) މިފާޑަށް (4) މިފަދައިން (5) މިމަގުން (6) މިލެކުން (7) މިޒާތަށް (8) މިސިފައަށް (9) "އެހެން" މިބަހުގެ އިދިކޮޅު
މިރި
ނ (1) ގޮބޮޅިއާއި ދެމެދުގެ ވައް (2) ކުރުނބާއާއި ކިހައް ފަދަ އެއްޗިހީގައި އޮންނަ ނާށްޓަށްވާބައި (3) ހިރުގަނޑުގެ ކައިރިން ދަތުގައި އުފެދޭ ހަރުތޮށިފަށް
މިއަރުކަޅުއޮށް
ނ މިޔަރާ ވައްތަރު ގޮތެއް ހުންނަ ކަޅު އޮށެއް
މިއަރެން
ނ ރެހިވައްތަރަށް ހުންނަ އެމެއް. މީގެ އަނގަ އެންމެ ވައްތަރުވާނީ މިޔަރުގެ އަނގައާއެވެ
މިސްކިތުވޮއްޓި
ނ (1) ގެވައްޓާކަކުނި (2) )މ ( ގެބުޑުކަކުނި
މީދާ
ނ މީހުންނަށް އުނދަގޫކޮށް ގެއްލުންދީ ޖެއްސުންކުރުމުގެ މިޒާޖު އިންތިހާ ދަރަޖައަށް ލިބިފައިވާ ހިކަންޖާ ވައްތަރު ލޯއަލި ސޫތްޕެއް މިއީ ދަތްތަކުގެ ބާރު ވަރަށް ގަދަ ވިހަ އެއްޗެކެވެ
މީގޮނު
ނ ގެރިއާއި އެއްވައްތަރުގެ ގެރިއަށްވުރެ ހަށިގަނޑު ބޮޑު ހަތަރެސްފައި ޖަހައިގެން އުޅޭ ޖަނަވާރެއް މީގެ ކިރާއިމަސް އިންސާނުން ބޭނުންކުރެއެވެ
މުނިޔާ
ނ އަޑުރީތި ކުޑަ ދޫންޏެއް )މިދޫނީގެ ބޮޑު މިނަކީ ގާތްގަނޑަކަށް ދެއިންޗިބައި ނުވަތަ ތިން އިންޗިހާވަރެވެ މިއީ ގޮވާމާއި މޭވާކައި އުޅޭ ދޫންޏެކެވެ މުނިޔާގެ ތިންވައްތަރެއް އުޅެއެވެ އެއީ ޖަންގަލީ މުނިޔާއާއި ރަތްމުނިޔާއާއި ފަރުބަދަމަތީ މުނިޔާއެވެ
މުރަމަހި
ނ )ސ.( ތިލަފަޅުމަތިންނާއި ގޮނޑުދޮށުން ފެންނަ މަސް ކެއުމަށް ބޭނުން ކުރާ ބޮއްޔެއް މިއީ ގޮޅާގެ ވައްތަރެކެވެ
މުފަރަދުބޭސް
ނ ދިވެހިބޭހުގެ ބާވަތްތަކުގެ ތެރެއިން އެހެން އެއްޗެއް ބޭނުން ނުކޮށް ހަމައެކަނި އެއެއްޗަކުން ބޭސް ހެދޭއެތި. މިސާލު: އެސްމާ ތަކޫވައް
މުދިއެށެ
ނ )ސ ( އަނގޮޓިފަދަ ތަކެތި ވައްކުރަން އަރުވާއެތި
މުގޮށި
ނ މީދަލާ ވައްތަރު މީދަލަށްވުރެ ބޮޑު ޖަނަވާރެއް މިއީ ހަރުފަ ކާއެއްޗެކެވެ
މުގޮށިމީދާ
ނ ހަށިގަނޑު މީދަލާ އެއްވައްތަރު މީދަލަށްވުރެ ބުރަކަށިމަތިއުސް މީދަލުގެ ނަގުލަށްވުރެ ނަގޫ މާފަލަ އެއްޗެއް
މުގޯލި
ނ ފައިގެ ފުންނާބު ބިންމަތީގައި ޖައްސައިގެންހުރެ ފުންނާބު މެދަށްލައި ބޮޑުވައި އިނގިލިން ނުވަތަ ފައިތިލައިން ވައްރޮނގެއް އެޅުމުން ފާހަގަކުރެވޭތަން. މުގޯލި ބޭނުންކުރަނީ ތިންމުގޯލި ރަމަންރަމަން ފޯލި އަދި ހަތްއައްތަވާޅީން ގާނެގުން ފަދަ ކުޅިވަރުތަކުގައެވެ
މުސަޅު
ނ (1) ހަރުކޮނެގެން ދިރިއުޅޭ ބުޅަލާވައްތަރު ކަންފަތް ދިގު ފުމެމުން ބާރަށްދުވާ މަސްކާ ޖަނަވާރެއް (2) ޅަނދޮޅު (3) )ބދ ( ކުޅު
މުޑުވައްކުރުން
މ (1) މުޑުވައް އިންދައިގެން އެއިން ގަސްފަޅައި އެގަހުގެ އެންމެ ޅަދައުރު ދަންދެން ރަނގަޅަށް ބެލެހެއްޓުން (2) ކުކުޅުހާލާއި ގެރި ބަކަރި ފަދަ ބައެއް ސޫފާސޫފި ޖޯޑުކޮށްގެން ދަރިކޮޅެއް އުފެއްދުން
މުޑުވައްޖެހުން
މ )ހ ( މުޑުވައް އިންދުން