radheef.info
ރަދީފު


ވަރަ
ނ (1) އުދުހޭ އެއްޗެތީގެ ފިޔަ (2) ކެޔޮގަހު ބަނޑުފަތާއި ކަށިކެޔޮފަތް ފަދަ އެއްޗެތީގައި ހުންނަ ތުނިފަށްފަށް (3) މުއިރު (4) ދުނިދަނޑި ލަނބަންޖަހައިފައި ހުންނަ ފަށް (5) މަޑައިގައިޖަހާ އެތިފަށް (6) ފިޔަ
ފަތްކޮޅުބާލާލަވަ
ނ (1) ހޭރިޔާ )ދަނޑިބެރުގެ ލަވައެއް ( (2) ފަތްކޮޅު ބާލައިގެން ބޮޑުފާލަން މަތިން ގަނޑުވަރަށް ގެންދާއިރު ފުމޭ ލަވަ
ފަތްމިނިބިބީ
ނ ބިބީ ޢާއިލާގެ މަސްތަކުގެ ތެރެއިން ވަރަށް ރީތި މަހެއް މި މަހުގެ ކުލައަކީ ގަދަ ރީނދޫކުލައެވެ
ފަލިބޭލުން
މ ފަލިޖަހަންވީމާ ފަލީގެދޫ ފެނުގައި އެޅުވޭ ވަރަށް ފަލިތިރިޔަށް ދަމައިލުން
ފަސޭހައުޅުން
މ މަޖާޒު: (1) ކޮންމެ ގޮތެއް ވަރިހަމަކޮށްލައިގެން އުޅުން. (2) ދިމާވީ ތަނަކުން ކައިގެން ޖެހުނު ތަނެއްގައި ނިދާފައި ފަސޭހަތާކުން ފެންވަރައިގެން އުޅުން
ފަސްމީރުކޭން
ނ 7671 މ. ހާތާނގައި ކައްކައި އުޅުނު ކޭމެއް. މި ކޭމުގައި ހުންނާނީ 5 ތަށި ފޮނިރިހަ 5 ތަށި ދިޔާރިހަ )ތަފާތުކޮށް( ތެލުލިމަސް ލޮނު ހަކުރު ކިރު )ފޮނިކޮށް ކައްކައިފައި ހުންނަ( ގިތެޔޮ ބިސްގަނޑު ކަލިޔާ ހަލުވާ ޒިލޭބި ފެންފޮޅި މިއީ މުޅިކޭމުގެ މަތި ނިވާވާ ވަރަށް އަޅާ ފޮޅިއެކެވެ
ފަޓާސް
ނ ބޯކަރުދާހުން ހަދައި އެތެރެއަށް ބަޑިބޭސް އަޅައި ކޮޅުގައި ފުކެއްލައިފައި އޮންނަ ހިމަކުޑަ އެއްޗެއް މިއީ ކުޅިވަރަށް ޖަހާއެއްޗެކެވެ މީގެ ފުކުގައި ރޯކޮށްލީމާ ވަރަށް ބާރަށް ގޮވާނެއެވެ
ފާނަބަސަނދު
ނ ހަމުގެ ބައްޔެއް. މިއީވަރަށް އަވަހަށް ފެތުރޭ ބައްޔެކެވެ. މިބަލީގެ ފަނި ހަށިގަނޑަށް ވަންނަތާ 11 ދުވަހާ 81 ދުވަހާ ދޭތެރޭގައި ގަދައަށް ހުން އާދެއެވެ. ހުން އަންނަތާ 42 ގަޑިއިރުގެ ތެރޭގައި ރަތްކުލައިގެ ބިހިތަކެއް ނަގައެވެ. މިބިހިތައް ބޮޑެތިވެ ފޮޅުތަކަކަށް ބަދަލުވެ ކުރަމަގާލިލައި 21 ދުވަސް ފަހުން ކުރަމަގާލިތައް ނެއްޓިދެއެވެ
ފާނަބުޅި
ނ ފާނަ ބޭނުމަށްޓަކައި ބޭނުންކުރާ ބުޅި މިއީވަރަށް ފަސޭހައިން ހެދޭ ބުޅިއެކެވެ އަފުނޯސް ކައްޓެއް ބުޅިއެއްހެން ލަނބާލީމާ އެހެދެނީވެސް ފާނަބުޅިއެކެވެ
ފާކުރުން
މ (1) ވަކިވަރަކަށް ދޮންވެފައި ހުންނަމޭވާ ފައްކާވެގެން މަޑުވާނެ ގޮތް ހެދުން (2) ބަނބުކެޔޮ ވަޅުލައިގެން މަޑުވާގޮތް ހެދުން (3) ކެކުރި ފިތައިގެން މަޑުވާގޮތް ހެދުން (4) ދަނޑި ފަދަ އެއްޗެހި މޫދު އަޅައިގެން ތޮށި މަޑުކުރުން (5) އޮޅުގައި ނުވަތަ މޫދުގައި އަޅައިގެން ބޮނބި މަޑުކުރުން (6) މަޖާޒު: ތިމާކުރަންޖެހޭ ކަމެއް ބޮލުން ނައްޓައިލައިގެން އަނެކެއްގެ ބޮލުގައި އެޅުވުން (7) އުނދަގުލެއް ޖެއްސުން
ފުޅަނގި
މ ބުރިކަށިމަތި ގަދަނޫ ކުލައެއްގައި ދެއަރިމައްޗާއި ބަނޑުދޮށް ރިހި ކުލައިގައި ހުންނަ މަހެއް މިއީ ދެކަން ފަތްގަނޑު ވަރަށް ދިގު މަހެކެވެ ދެފިޔަފަތުގެ ގޮތުގައި ދެކަން ފަތް ގަނޑު ބޭނުން ކޮށްގެން އުދުހޭ މަހެކެވެ
ފުޅާ
ނ (1) އެއްޗެއްގެ ހުރަސްމިން. (2) ހަނީގެ އިދިކޮޅު. (3) ފުރޮޅު ފަދަ އެއްޗެހީގައި ހުންނަ އޮރިކަން. (4) މަޖާޒު: ތަނަވަސް މިސާލު: މިއީ ވަރަށް ފުޅާ )ތަނަވަސް( ދާއިރާއެއްގައި ވާހަކަ ދެކެވިދާނެ މައިގަނޑު ނަމެކެވެ
ފެންފަހިކުރުން
މ ފެންފައްސިޔަކުރުން )ފަސޭހައިން ފެންއޮހިގެންދާވަރަށް ފުރާޅު ފަދަ ތަންތަން ކަތިކުރުން
ފެންފާޅުކުރެއްވުން
މ މާބަނޑުމީހާގެ ބަނޑުން ފެންބޭރުވުން މިއީ ވިހަންވެއްޖެކަމުގެ ޢަލާމަތެކެވެ މިފެނަކީ ކުއްޖާ އޮންނަ ދުލީގައި ހުންނަ ފެނެވެ ވަރަށް މަދު ފަހަރަކުނޫނީ މިދުލި ފަޅައިގެންދާނެއެވެ
ފިތުރޯނު
ނ (1) ބިޔަކޮށް ހެދޭ ގަހެއް. މީގެ ފަތްތައް ހުންނާނީ ވަރަށް ހިމަކޮށް ބުރިތަކަކުން ގުޅިފައި ހުންނަ ތަނޑުތަކެއް ހެންނެވެ މީގެ ދެބާވަތެއް ހުރެއެވެ އެއިން އެއްބާވަތެއް ބޭހަށްވެސް ބޭނުންކުރެއެވެ (2) މިގަހުގެ ލަކުޑި
ފިތް
ނ (1) އާދަމުގެ ދަރިންނާ ކުކުޅުހާފަދަ ބައެއް އެއްޗެހީގެ އެތެރެ ހަށީގައި އޮންނަ ވަރަށް ކުޑަ ގުނަވަނެއް. މިއީ ހަޖަމު ކުރުމުގެ ދިޔަ އުފައްދާ ގުނަވަނެވެ. (2) ބައެއް ތަކެތި ހަދައިފައި ހުންނައިރު އެއްސިފަޔަށް އުފުލިފައި ހުންނަހެން ހަދައިފައި ހުންނަ ތަންތަން. މިސާލު: ގޯނބިލިފުޅީގެ ފިތް. (3) ކެވޭ އެއްޗަކުން ނުވަތަ އެހެންވެސް ގޮތަކުން ގައިގެ ތަންތަނުން އުފުލޭ ތަންތަން. (4) ލުނބޯ ފޮނިލުނބޯ ފަދަ އެއްޗެހީގެ އެތެރޭގައި ބައިބައި ވަކިކޮށް ނެގެން ހުންނަ ބައިތަކުން ބައެއް. (5) މިޔުޒިކް ކުޅެން ގެންގުޅޭ ބައެއް އެއްޗެހީގައްޔާއި ރޭޑިޔޯގައި ހުންނަ ބައިތަކުން ބައެއް. (6) ބައިސްކަލް ޗޭނާއި ގަޑީ ޗޭނާއި ކަމަރުފަދަ ތަކެތީގެ ބަދައެއް. (7) ފިތްޖެހި ތެލީގައި ހުންނަ ކޮންމެ އަޑިތަނެއް. (8) ފުމެން ގެންގުޅޭ ދުންމާރީގެ ކޮޅަށް ފަނުން ނުވަތަ އެނޫންވެސް އެއްޗަކުން ހަދައިގެން ޖަހައިފައި ހުންނަ އެތިކޮޅު
ފިލާވަޅު
ނ (1) ދަރިވަރަކު ދަސްކުރުމަށް މުދައްެރިސަކު ފޮތަކުން ފަހަރަކު ނަގައިދޭ މިންވަރު މަޖާޒު: (2) ޢިބްރަތް (3) ތަޖްރިބާ (4) ނަޞޭޙަތް (5) މަޢުލޫމާތު
ފިލާގަނޑު
ނ (1) މަސްދޯނި ފަހަރުގެ ކޮޅުފަސްކޮޅުގައި ކަތްޕާއި ކޮޅުފަހާ ދެމެދުގައި ދޯނިން ބޭރަށް ނުކުންނަ ވަރަށް އަޅައި ނެގޭ ގޮތަށް ފިލައިން ހަދައިފައި އޮންނަ ބައި މަސްބާނަން އަރައި ތިބެނީ މިތާގައެވެ (2) ގައިގައި ބަނުމަށް ފުޑައިފައި ހުންނަ ބޭސްގަނޑު (3) ފިލަޔަކުން ވަކިކޮށްލެވޭ ބައެއް
)ކެމެރާގެ ފިލްޓަރު( ފިލްޓަރު
ނ (1) ފުރޭނި (2) ތެލާއި ގޭހާއި ވައި )ވެލިފަދަ ކަރުދާސް ފަދަ ފޮތިފަދަ އެއްޗެއްގެ ތެރޭގައިވާ( އެއްޗެއްގެ ތެރެއިން ދަތުރު ކުރުމުން ސާފުކޮށްދޭއެތި (3) ފެން ސާފުކޮށް ފުރާނައިދޭ ފެންއަޅާ ކަންވާރެއް (4) އަޑުގެ ބާރުމިން ވަކި ފްރީކުއެންސީއެއްގައި ހިފަހައްޓައިދޭ އެތި (5) އަލީގެ ބާރުމިން ވަކިވަރަކަށް ހިފެހެއްޓުމަށް ބޭނުންކުރާއެތި
ފިޔަ
ނ (1) އުދުހޭ އެއްޗެހީގެ ވަރަ. (2) މާމެލާމެލީގައި ކަރުގަނޑުގެ ވަށައިގެން ބޭރަށް ނުކުމެފައި ހުންނަ ބައިތައް. (3) ފަންކާއާއި ބުރަފަތި ފަދަ ތަކެތީގައި ހިމަދިގުކޮށް ނުވަތަ ކުރުފަލަކޮށް ވަށައިގެން ބޭރަށް ނުކުމެފައިވާ ވައިފޮނުވައިދޭ ނުވަތަ ފެނުތެރޭ އަނބުރައިދޭ ބައި މިފަދަ ތަކެތީގައި ޢާއްމު ގޮތެއްގައި ހުންނާނީ ތިންފިޔައެވެ (4) ފިޔަ އަކުން ނައްޓައިލެވޭ ފަށް
ފިޔަފަތް
ނ (1) އުދުހޭ އެއްޗެހީގެ ވަރަ (2) ފަންކާއާއި ބުރަފަތި ފަދަ ތަކެތީގައި ނުވަތަ ފެނުގައި އަޅައިގަންނަ ގޮތަށް ހުންނަ ބައިތަކުގެ ތެރެއިން ބައެއް (3) މަތިންދާ ބޯޓުގެ ދެއަރިމައްޗަށް ނެރެފައި ހުންނަބައި