radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ކަޅަމަސް
ނ )ޅ ( ވާލަން މަހުގެ ބާވަތެއް މިއީ ކަޅުކުލައިގެ މަހެކެވެ މިމަހުގެ ނިގޫފަތްގަނޑުގެ ބުޑުގައި ދެފަރާތުގައި ދެކަށި ހުންނާނެއެވެ ނިގޫފަތުގެ ދެކޮޅު ހުންނާނީ ހިމަދިގު ދެނަރުވާހެންނެވެ
ކަޅި
ނ (1) ލޮލުތެރޭގައި ކަޅުކޮށް ހުންނަބަޔާއި ހުދުކޮށް ހުންނަބައި. (2) މަހުގެ މައިކަށީގެ ބަނޑުފަރާތުގައި ގެތިފައި ހުންނަ ކަށިތަކުގެ ތެރޭކަޅުކޮށް ހުންނަ އެއްޗެއް. (3) ކަޅިމަސް. (4) ތަވީދުފަދަ ތަކެތީގައި ދިޔާ އެއްޗެތި އުނގުޅާ އުނގުޅުން. (5) މާލެއަތޮޅު ކަނޑުއޮތް ގިރިއާއި ކަނިފިނޮޅާއި ދޭތެރޭ )މިއީ ކުޑަކަޅިއެވެ ( (6) މާލެއަތޮޅު ފުރަންނަ ފުއްޓާއި ފަރުކޮޅު ފުއްޓާއި ދޭތެރޭ )މިއީ ބޮޑު ކަޅިއެވެ
ކަޅިޔަމަސްދޫނި
ނ )ގ ( ކިރުދޫނީގެ ބާވަތެއް މިއީ ބޯކަޅުކޮށް ތުންގަނޑު ރީނދޫކުލައިގައި ހުންނަ ދޫންޏެކެވެ މިދޫނީގެ ކުލައަކީ މަޑުއަޅިކުލައެވެ
ކަޅުހުއްތުމޭވާ
ނ މޭވާގެ ބާވަތެއް މިއީ ވަރަށް ފޮނި މީރު މޭވާއެކެވެ މިމޭވާގައި ކާން ބޭނުންކުރަނީ އެތެރޭގައި އޮންނަ އޮށްތަކުގެ ބޭރުގައި އޮންނަބައެވެ މިގިނައިން ބޭނުންކޮށް އުޅެނީ ފަނި ގިރުމަށެވެ
ކަޅުބިލަމަސް
ނ (1) ކަނޑުމަހުގެ ބާވަތެއް. މިއީ ދޮށީގެ މަސްވެރިކަމުގައި ރާއްޖެއަށް އެންމެ ގިނައިން ބާނާމަހެވެ. މިމަހުގެ ބަނޑުދޮށުގައި މަހުގެ ދިގަށް ކަޅުކުލައިގެ ރޮނގުތަކެއް ހުރެއެވެ. މަހުގެ މަތީބައިގެ ކުލައަކީ ގަދަނޫކުލައެވެ ބަނޑުދަށް ފަރާތުގައި ހުންނަނީ ރިހި ހުދުކުލައެވެ (2) ފަސްރޮނގުމަސް
ކަޅުކަނދިލި
ނ ބޭހަށް ބޭނުންކުރާ ފަތްޕިލާ ވެއްޔެއް މިއީ ކުޑަވަރެއްގެ ހިމަދިގު ފަތެއް ހުންނަ ގަހެކެވެ މިފަތުގެ ދިޔަ ފަންވަތުގައި ލިޔާ އަކުރު ކަޅުކުރާން ގެންގުޅެއެވެ
ކަޅުކަނދު
ނ ކަނދުގެ ބާވަތެއް މިކަނދު ހުންނަނީ ކަޅުކުލައިގައެވެ މިއީ ވަރަށް މަޑު ލަކުޑިއެކެވެ ފަތުރުވެރިންނަށް ވިއްކުމަށްޓަކައި މިކަހަލަ ލަކުޑިން ކުދި ދޯނިފަހަރު ހަދައި އުޅެއެވެ
ކަޅުކައްޅަ
ނ ޅަނދޮޅުކޮށް ހެދޭ ދުރުދުރުގައި ފަތް ހުންނަ ގަހެއް މިގަހުގެ ފަތް އެތުރިފައި ހުންނަނީ ގޮފީގެ ދެފަރާތުގައި އެއްފަތް އަނެއްފަތާ ދިމާވާގޮތަށެވެ މިއީ ބޯކޮށް ހުންނަ އާވިރަހަލާ ފަތެކެވެ ފަތުގައި ހުންނަނީ ގަދަ ފެހިކުލައެވެ މިގަހުގެ ގަސްގަނޑުގެ ކުލައަކީވެސް ގަދަފެހިކުލައެވެ މިއީ ވަރަށް ކިރު ގިނަ ގަހެކެވެ
ކަޅުކޮތަރިދަންބޮޑު
ނ ދަންބޮޑުގެ ބާވަތެއް މިއީ ފަރުފަރުގެ ބޭރުން ފުންހިސާބުގައި ގިނައިން އުޅޭ މަހެކެވެ މަހުގެ ކުލައަކީ ފަނޑުފިޔާތޮށި ކުލައެކެވެ މަހުގެ ކަރުތާފަތުގެ ހުރަހަށް ކަޅުރަތްކުލައިގެ ފުޅާ ރޮނގެއް ހުންނާނެއެވެ
ކަޅުވަކަރު
ނ ލަކުޑީގެ ބާވަތެއް މިއީ ކަޅުކުލަގަދަ ކީލި ވަރަށް ހިމުން ލަކުޑިއެކެވެ
ކަޅުވެން
ނ ވެނުގެ ބާވަތެއް މިއީ އެންމެބިޔަވާ ވައްތަރުގެ ވެނެވެ މިވެން ގާތްގަނޑަކަށް 2 2 މީޓަރަށް ބޮޑުވެއެވެ ދަތްތައް ހުންނާނީ ވައްކޮށް ވަރަށް ވަރުގަދަކޮށެވެ މިބާވަތުގެވެން އިންސާނުންނަށް ނުރައްކާތެރި ހަމަލަދީ އުޅެއެވެ މިވައްތަރުގެ ވެނުގެ ކުލަ ހުންނާނީ ކަޅުކުލައަކާއި ގަދަމުށި ނުވަތަ ކަޅުރަތް ކުލައަކަށެވެ
ކަޅުމަސް ހިބަރު
ނ ހިބަރުގެ ބާވަތެއް މިއީ އިސްކޮޅުން ބޮޑު ދިގު މަހެކެވެ މަހުގެ މަތީ ތުނބުގެ ކޮޅު ވަކިން ދިގުވެފައި ހިމައެވެ މަހުގެ ބުރަކަށިމަތީގައި ދެކޮތަރިބައި ހުރެއެވެ މަހުގެ ނިގޫކޮޅުގެ ދެފަރާތުގައި ދެކުރަގަނޑު ހުރެއެވެ
ކަޅުފޮނިޔަމަސް
ނ ފޮނިޔަމަހުގެބާވަތެއް މިއީފަރާއި ފަޅުތަކުގެ ބޭރުގައްޔާއި އެތެރެވަރީގެ ކަނޑުތަކުގައި ދިރިއުޅޭމަހެކެވެ މިމަސް އާދައިގެ ފޮނިޔަމަހަށްވުރެ ކަޅުވާނެއެވެ ފޮނިޔަމަހުގެ ބޮލުގައި ހުންނަ ރޮނގުތަކެއް މިމަހަކު ނުހުރެއެވެ
ކަޅުދިރި
ނ ދިރިޔާ ދަވިއްގަނދަށްވުރެ ކުދި ކަޅުކުލައިގެ ފުއްތަކެއް މިއީ އާވިޒާތުގެ ރަހައެއްދޭ އެއްޗެކެވެ މި ބޭހަށްވެސް ބޭނުންކޮށް އުޅެއެވެ ދިވެހިބޭހުގައި މި ހިމަނައިފައިވަނީ މިނާބޭހުގެ ބާވަތެއްގެ ގޮތުގައެވެ
ކައިތުވައްބަޑި
ނ އަތުން ހިފައިގެން އުޅޭ ބޭސް އަޅައިގެން ދޯރިޖަހައިގެން ގޮއްވާ ބަޑިއެއް މިއީ އިހުގައި ކޮށީމީހުން ގެންގުޅުނު ބަޑިއެކެވެ
ކައުޅު
ނ (1) ކާޅު (2) ރިޔަންކޮޅުގެ އެންމެ ފަހުބައި މިއީ ނަކަތްތެރީން ގެންގުޅޭ ނަމެކެވެ
ކައުޘަރު
ނ ސުވަރުގޭގެ ޚާއްޞަ ފެންއާރެއް މިއީ ކީރިތި ރަސޫލާއަށް ޚާއްޞަ އާރެކެވެ
ކައްބާބު
ނ މަތިކަރާ ބޭހުގެ ބާވަތެއް މިއީ ގަހެއްގައި އަޅާ ކަޅުކުލައިގެ އޮށެކެވެ މިހުންނާނީ އަސޭމިރުހާ ދާދި އެއްބައްޓަމަކަށް އެއަށްވުރެ އޮމާންކޮށެވެ މީގައި ކުޑަ ތަނޑިއެއް ހުންނާނެއެވެ
ކައްދަރުފޮތި
ނ އަތުންވިޔާ ފޭރާންދެރަ ހުދުކުލައިގެ ބޯފޮއްޗެއް މިއީ އިންޑިޔާއިން ގެނެސް އުޅުނު ފޮއްޗެކެވެ
ކައްޓަފުޅި
ނ ފެނަށްދިރޭ ކުޑަ މަހެއް މިއީ ވަޅުވަޅާއި މަސްޓޭންކުތަކުގައި ގެންގުޅޭ މަހެކެވެ މިމަހުގެ އުރަހައިގެ ކޮޅުގައްޔާއި ނިގޫފަތުގެ ކޮޅުގައި ތޫނުކައްޓެއް ހުރެއެވެ ނިގޫފަތުގައި ހުދުކުލައިގެ ރޮނގެއްހުރެއެވެ މަހުގެ ކުލައަކީ އަޅިކުލައެވެ