radheef.info
ރަދީފު


އަން
ނ ތިމާދޭ އެއްޗެއްގައި އަނެކާހިފާން ކުރާ އަމުރު މިއީ ކަމެއްގެ ނަމެކެވެ
އެންދުން
މ (1) އަންދާނޭގޮތް ހެދުން (2) ނާށި ދަރުފަދަތަކެތީގައި ރޯކޮށްގެން އަލިފާނަށް ހެދުން (3) ކޮންމެވެސް ބައްޔަކަށްޓަކައި މީހުންގެގައިގެތަން ތަން ފިއްސުން (4) މެއިންހޫނުނެގުން
އެކަތިކެހުން
މ ލެތްކުޅޭއިރު ފުރަތަމަ ކުޅެން އަރާމީހާ މައިދަނޑީގެ ކުރީގައި ހުންނަމުގޯލީގައި ފައި ޖައްސައި ކަހާލާފައި ދުވެގޮސް ލޮންޏަށް އެރުން މިދާދިއުމުގައި އެހެންމީހުން އެމީހާ އަތުލާކަށް ނޫޅޭނެއެވެ މިހެންގޮސް ލޮންޏަށް އަރާފައި އަނބުރައި އަންނާންވާނީ މީހަކަށް އަތުނުވެއެވެ
އެކަތިގަނޑަށްވުން
މ (1) އެކައްޗަކަށްވުން (2) މާބޮޑަށް އެކުވެރިވުން (3) އަންނައުނު މަދުވަމުން ގޮސް އެންމެ ހެދުމަކަށްވުން
އެއްތަންކުރުން
މ (1) އެތައް އެއްޗެއް އެއްތަނަކަށް އެއްކުރުން (2) އަންހެނަކާ ފިރިހެނަކާ ޖާމިލުކުރުވުން (3) ބައްދަލުކުރުވުން
އެއްޗެހި
ނ (1) ސާމާނު (2) ތަކެތި (3) އަންނައުނު
އެވްރޭޖް
ނ (1) އެކިވަރަށްހުރި އަދަދުތަކެއް އެއްކޮށް އެއްކުރި އަދަދުތަކުގެ އަދަދުން ގެއްލީމާ ނިކުންނަ އަދަދު. މިސާލު: ދިހަޔަކާ ނުވަޔަކާ ދޭކާ މިތިން އަދަދު އެއްކޮށްލީމާ އަންނަ ޖުމްލައަކީ އެކާވީހެވެ މިއެއްކުރެވުނީ ތިން އަދަދެވެ ވީމާމިޖުމްލަ ގެއްލާންވީ ތިނަކުންނެވެ ތިނަކުން ގެއްލީމާ ނިކުންނާނީ އެތިންއަދަދުގެ އެވްރޭޖެވެ އެއީ ހަތެކެވެ (2) މެދުމިން
އެދުރުދައިތަ
ނ ޤުރުއާން ކިޔަވައިދޭ އަންހެންމީހާ
އޭނާވަރަ
)ޖުމްލަ( )ބދ ( އަންނާށެވެ
އޭތިކޮށް
ކއ )ސ ( އަންނަންދެން
އޮށަނިމަލުހެދުން
ނ (1) ދެގެދޭތެރޭ މީހުންގެ ރަސްމީހެދުން މިހެދުމުގައި ހުންނާނީ މަތީ ފޭއްޔެއް އަނދެފައި އޭގެ މުށެއްހައި ތާމަތީގައި އަތްދުތް ހުންނަވަރަށް މީގެ އެހެން ފޭއްޔެއް އަނދެފައެވެ (2) ވިލާތު އަންހެނުން އަޅާ ހެދުމެއް މިހުންނާނީ ލިބާހަކަށްވުރެ ލިބާހެއް ކުރުވަމުން ގޮސް އެންމެ މަތީން އޮންނަލިބާސް އުނަގަނޑާ ހަމަޔަށް ހުންނަ ގޮތަށް ފެންނާނެ ހެންނެވެ
އޮނަ
ނ ފުރަތަމަ ދިހައަކަށްފަހު ސަތޭކައާ ޖެހެންދެން އަންނަ ކޮންމެ ނުވަޔަކަށްވާ ޢަދަދު. މިބަސް ބޭނުންކުރަނީ ދިހަ ހަމަވާ ޢަދަދަކާ ގުޅުވައިގެންނެވެ. މިސާލު: އޮނަވިހި އޮނަތިރީސް )ސ ( އޮނު
އޮންނަގުރާ
ނ އިލޮށިވައްތަރުގެ ކުޑަދޫންޏެއް މިއީ ވަކި މޫސުމަކަށް ބޭރުން އަންނައެއްޗެކެވެ
އޮރިޔާންވުން
މ (1) ޢަވްރަކަޝްފުވުން މަޖާޒު: (2) ބޭޒާރުވުން (3) އަންނައުނު ހުސްވުން
އޮއިކަޅު
ނ އިރުވައި އޮއި އަންނައިރު ވިއްސާރަ ވިލާހެން ނަގާ ކަޅުވިލާގަނޑުގަނޑު
އޮއިކުނި
ނ އޮޔާއެކު އަންނަކުނި މީގެތެރޭގައި އޮޔާއެކު އަންނަގަސް އެއްޗެހިވެސް ހިމެނެއެވެ
އޮއިކުރީމަސް
ނ އިރުވައި އޮއި އައުމުގެ ތަންކޮޅެއް ކުރީން އަންނަ މަސްވެރިކަމުގެ މަސް
އޮއިކުރީމަސްވެރިކަން
ނ (1) އިރުވައި އޮއި އައުމުގެ ތަންކޮޅެއް ކުރީން އަންނަމަސްވެރިކަން (2) ނުރަހީ މަސްވެރިކަން
އޮއިކޮޅު
ނ (1) އޮއިއަންނަދިމާ (2) އޮއިވަރުގެ ކައިރިފަށް
އޮއިވާލިމިޔަރު
ނ އިރުވައިގެ އޮޔާއެކު އަންނަ ކުނިކުނި ކޮޅުގައި އަޅާފައި ހުންނަ މިޔަރު
އޮއިމަތި
ނ (1) އޮއިވަރުގެ މަތީފަރާތް (2) އޮއި އަންނަދިމާ