radheef.info
ރަދީފު


ކޮޅު
ނ (1) އެއްޗެއް ނުވަތަ ކަމެއްގެ ނިމޭތަން ނޫނީ ފެށޭތަން (2) ކުޑަކަމާއި މަދުކަމުގެ މާނައިގައި ބޭނުންކުރާ ބަހެއް މިސާލު: )ހ( ގާކޮޅެއް )ށ( އެތިކޮޅެއް (3) ބައެއް އެއްޗިއްސަށް މާތްކުރުމަށްޓަކައި އެތަކެތީގެ ނަމުގެ ފަހަތަށް ގެންނަބަހެއް މިސާލު: )ހ( ހަށިކޮޅު )ށ( ގެކޮޅު )ނ( ފަތްކޮޅު
ކޭޓޫ
(1) އާގުބޯޓު ފަހަރުގައި ބައްތެލިނަގާން ކޮޅުލަނބާލައިފައި ހުންނަދަގަނޑު އަދިމިނޫނަސް މިގޮތަށްހުންނަ އެއްޗިއްސަށް މިހެންކިޔައެވެ (2) ނައުފަހަރުގެ ފަނާމަތީގައި ދެފަރާތު ދެކަންކަށި މައްޗަށް ނެރެފައި އޮންނަ ގުޑުގުޑަ
ކޮނޑުކެނޑުން
މ (1) ބަދަނުން ލިބާހުގެ އަތްގުޅާތަން ކެފުން (2) ޏ މަތިވަޑާންގަނޑުގެ ފައިދޮށުގެ ވަހަށް ލައްވާ ކޮޅުން ކެނޑުން
ކޮނޑުމައު
ނ (1) ފުރަތަމަ ޤާނޫނު އަސާސީ ފާސްވެގެން ވަޒީރުން ތުރުކުރެއްވި ކިނާރީއެޅި ހެދުންކޮޅުގައި ކޮނޑުމަތީގައި ހުންނަ މަޚުމާފަށް ކިލެގެބޭކަލެއްނަމަ މަޚުމާފަށުގެ މެދުގައި ރަންކުލައިގެ ތަރިއެއްހުރެއެވެ މިއީ ރަތުލޮއިން ހަދައިފައިހުންނަ އެއްޗެކެވެ ކިލެގެބޭކަލެއްނޫންނަމަ ހުންނަނީ ހަމައެކަނި މަޚުމާފަށެވެ (2) ސިފައިންގެ ޔުނިފޯރމުގައި ކޮނޑުމައްޗަށް އަރާފައި ހުންނަ ނިޝާން
ކޮނޑެލި
ނ ހަތަރެސްކަން ރިޔަލުގައި އައްތެލީގެ ކޮޅު ވައްދާން ރޯނުން ހަދައިފައި ހުންނަ ބޮޅު
ކޮރައިލުން
މ (1) ފައިތިލައިގެ ކުރީކޮޅު ޖައްސައިފައި ހިންދެމިލުން (2) ކުޑަތަން ކޮޅަކަށް ކޮރުން (3) ކޮރުދެމުން
ކޮރުވަޅު
ނ (1) ދޮރުގެ ކަނިމުޑިފަދަ ތަކެތި ޖަހާން އެއްޗެހީގައި ކޮނެފައި ހުންނަ ވަޅުކޮޅު (2) ކަންފަތުގެ ހިނދުރި
ކޮޅަށްހުރުން
މ (1) މީހަކު ތެދުވެހުރުން (2) ކޮއްޅުން ހުރުން (3) އެއްކޮޅު ތާކުޖެހިފައި އަނެއްކޮޅު މައްޗަށް ވާގޮތަށް އެއްޗެއް ތެދަށްހުރުން
ކޮޅަލި
ނ (1) ދެގަނޑެއްޗެއް ގުޅުވުމަށްޓަކައި ކަނޑާ ކެނޑުން ވަޅަށް ފައްތާން ބޭނުންވާ އެތިގަނޑުގެކޮޅުން ކަނޑަމުންގޮސް ކެންޑުންވަޅަށް ފައްތައި ހަރުލެއްވުމަށްޓަކައި ނުކަނޑައި ބާއްވާ ތަންކޮޅު (2) )ޅ ( އައްޕަތް
ކޮޅާކޮޅުނުފެންނަ
ނއ ދެކޮޅުން ކުރެކޮޅެއް ނުފެންނަ
ކޮޅިހެދުން
މ ވިއްސާރައިގެ ވިލާކޮޅުކޮޅު އުފެދުން
ކޮޅިމޫސުން
ނ ދެމޫސުން ބެދޭ ދުވަސްވަރު. މިއީ އެކިފަހަރު އެކިދިމާއިން ވިއްސާރަ ކޮޅުކޮޅު އަންނަ ދުވަސްވަރެވެ
ކޮޅުހަދު
ނ (1) ކޮޅުދާލި (2) ކޮޅު ހޮނދު
ކޮޅުހެދުން
މ (1) ފޮށާފަދަ ތަކެތީގެ ކޮޅުގައި ފޯގައިލައި މަޅި ގޮތްގޮތަށް ހެދުން (2) ނަނާއިވާފަދަ ތަކެތީގެ ކޮޅުހިމަކޮށްލުން ނުވަތަ އެކިއެކި ބޭނުމަށްޓަކައި ކޮޅު ނުނިއުޅޭނެހެން ހެދުން
ކޮޅުހޮނދު
ނ ކޮޅުދާލި
ކޮޅުންއެޅުން
މ (1) ކަނޑުގަދަވެގެން ދިރުނބާކޮޅުން ރާޅުއެރުވުން (2) މަސްދޯނިފަހަރުގައި އެން ހުސްކޮށް ދިޔަހިއްކައި ކަހާލުމަށްފަހު ފަށަން މަތި ސާފުކުރުމަށްޓަކައި ދިރުނބާކޮޅު ކޮޅުވަތަށް ދިޔަހިއްކާ ފައިން ފެންއެޅުން
ކޮޅުބިތް
ނ (1) ފުރާޅު ފަންގެލާއިރު ފަންވަތުގެ ކޮޅު ފުރާޅުގެ ކޮޅަށް އޮޅާލާތަން (2) ގޭގެ ދެކޮޅުންކުރެ ކޮންމެ ކޮޅެއްގައި ހުންނަބިތް
ކޮޅުބިތް އެޅުން
މ ފުރާޅުގެ ފަންގެލާއިރު ފަންވަތުގެ ކޮޅު ފުރާޅުގެ ކޮޅަށް އޮޅައިލައިފައި އައްސައިލުން
ކޮޅުކަނދު
ނ އޮޑިދޯނިފަހަރުގެ ހުރަސްފިލާގެ ދިރުނބާކޮޅުން ދެފަރާތުގައި ޖަހައިފައި ހުންނަ ފަށްބުރި
ކޮޅުއުނގުރި
ނ ދިރުނބާކޮޅުން ފަށަނުގައި ތޮރުފައިފައި ހުންނަ އުނގުރި
ކޮޅުއޮޑި
ނ އޮޑިދޯނިފަހަރުގެ އެތެރޭން ކޮޅުވަތަށްވީ ހިސާބު