radheef.info
ރަދީފު


ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
ބަންދުދުވަސް
ނ (1) ސަރުކާރުގެ މަސައްކަތް ނޯންނަ ދުވަސް (2) ތަނެއްގައި މަސައްކަތް ނޯންނަ ދުވަސް މިސާލު: )ހ( ބޭންކް ބަންދު ދުވަސް )ށ( އިސްކޫލް ބަންދު ދުވަސް
ބަންގަޅިސް
ނ ކުޑަކުދިންގެ ބަހުރުވައިގައި ކަނޑައި ވައްޓައިލުން މިބަސް ބޭނުން ކުރަނީ ކުޑަކުދިން ކުޅޭ ކުޅިވަރެއްގައެވެ
ބަންގާޅުދޮށި
ނ މަސްބޭނުމަށް އިހުގައި ބަންގާޅުން ގެނެސްގެން އުޅުނު އޮނު
ބަންގި
ނ ފަރުޟު ފަސް ނަމާދުގެ ވަގުތު ވަދެއްޖެކަން އެންގުމަށްޓަކައި ބޭނުންކުރާ ކަލިމަތައް
ބަންގިގޮވުން
މ ފަރުޟު ފަސް ނަމާދުގެ ވަގުތު ވަދެއްޖެކަން އެންގުމަށްޓަކައި ބޭނުންކުރާ ކަލިމަތައް ހަރުއަޑުން އިއްވުން
ބަންޑާރަދުރޯ
ނ ދުރޯއިން ބަންޑާރަޔަށް ލިބޭބައި. މިއީ ދުރޯއަށް )ޖުރުމަނާއަށް( ނެގޭލާރި ހަތްބައިކޮށްފައި ހަވަރުގެ ހަބަޔަށް ކޮންމެ ބަޔަކަށް 7/1 ބައި މަގުން ނަގައިފައި ހަތްވަނަޔަށް އޮންނަ ބަންޑާރަ ބައެވެ މިލާރިބަހާނީ އަހަރަކު އެއްފަހަރުއެވެ
ބަންޑިފޯ
ނ )ދ ( މަންޑިފޯލި މިބަހަށް ބޭނުންކޮށް އުޅުނު ބަހެއް
ބަންޑުންލުން
މ ބޭކެނބީންގެ ބަހުރުވައިގައި ވިހައިގެން އޮންނަމީހާ އުއްޑުންނޫން ގޮތްގޮތަށް އޮންނާން އަމުރުދިނުން
ބަންޑުންޖެހުން
މ (1) ބަންޑުން ކުރުން. (2) ތަށި ތެލި ރުނބާފަދަ ތަކެތި ފޫމައްޗަށްވާގޮތަށް ބޭއްވުން (3) ފުރާ ދުއްވާ ތަކެތި ފޫމައްޗަށްވާ ގޮތަށް ބަންޑުންވުން
ބަރަހުން އެޑުން
މ )ސ ( ހަށިގަނޑަށް ލިބޭ ވޭނެއްގެ ސަބަބުން ކުކުރުން
ބަރަޑަބަންގުޅި
ނ ނަހަލާލު ދަރިއަކަށް ލިބޭ ނަހަލާލު ދަރި
ބަރުފޯސް
ނ ސިމެންތިޖެހުމުގައާއި ވަޑާންކުރުމުގެ މަސައްކަތުގައި މަތީދާރައިގައި ބޭރަށް ފުއްޕުން ލައިފައި ނެރެފައިހުންނަބައި )މިގޮތަށް އެންމެ ތިރީގައި ދޮރުތަކުގެ ވަށައިގެންނާއި ފަންގިފިލާނިމޭ ހިސާބު ފާހަގަ ކުރުމަށް ނެރެފައި ހުންނަ ބަޔަށްވެސް މިހެން ކިޔައެވެ
ބަރުދަންބޮނޑި
ނ ގަޓަރީފަދަ ތަކެތި ބަންދުކޮށްފައި ހުންނައިރު ބޭރުންލައިފައި އޮންނަ ސަޓާފަދަ ތަކެތި
ބަރުގޮނު
ނ (1) އިޝާރާތެއްގެ ގޮތުން އަންގައިލުމަށްޓަކައި އަޑުއިއްވަން ބޭނުންކުރާއެއްޗެއް (2) މީހުން ސަމާލުކުރުވުމަށް އަޑެއް ގޮއްވާލުމަށް ބޭނުންކުރާ އެއްޗެއް އެންމެ އާންމުކޮށް މިބޭނުންކުރަނީ އެއްގަމުގައި ދުއްވާ އެއްޗެއްސާއި ކަނޑުގައި ދުއްވާ ބައެއް އުޅަނދު ފަހަރުގައެވެ
ބަބުންދުޅަ
ނ ފޭރާން ކުރާއިރު ބަބުނަ ބޭނުންކޮށްގެން ނަގާ ދުޅަ
ބަބުރުއަނބު
ނ އަނބުގެ ބާވަތެއް. މިއީ ނަރުހިމަ ދޮންވީމާވެސް ބޭރު ގަދަފެހި ކުލައިގައި ހުންނަ އަނބެކެވެ
ބަކަ
ނ (1) އަތްފައިން ފެންގަނޑެއްގައި ތަޅައިގަތީމާ ފެންގަނޑަށް އެވާގޮތް (2) ޤަވައިދަކާއި ބޭނުމެއްނެތި ތަނެއްގައި އުޅެގަންނަ އުޅެގަތުން މިސާލު: ރީތިކޮށް ތަންމަތި އަޅައިފައި ހުރި އެނދެއްގައި އޮށޯވެ ފުރޮޅިގަންނަ ގަތުމުން ތަންމަތި ރޫޅޭރޫޅުން
ބަކަރި
ނ ބަނޑުއަޅާވިހާ ޖަނަވާރެއް މިއީ ހަތަރު މޮށްގަނޑުޖެހި ޖަނަވާރެކެވެ މީގެ ކެހެރިތައް ހުންނާނީ ކުރުކޮށް ފަންކޮށެވެ މިއީ އޭގެކިރާއި މަހުގެ ބޭނުމުގައި ކާންދީ ބޮޑުކޮށްގެން ގެންގުޅޭ ޖަނަވާރެކެވެ މިޖަނަވާރުގެ ފިރިހެން ޖިންސުވަކިކުރަން ބޭނުންނަމަ ކިޔައިއުޅެނީ "ގިތެޔޮ" މިހެންނެވެ
ބަކަރިމުތް
ނ ވިހައިގެ ބޭހަށް ބޭނުންކުރާ ހިލަކޮޅެއް މިއީ ބަކަރީގެ ގޮހޮރުގެ ތެރޭގައި އޮންނަ ކަމަށް ބުނެވޭ އެއްޗެކެވެ
ބަކަރިފުޅަލިގަނޑު
ނ (1) ބޮޑެތި ދޮރޯށީގެ ބޭރުން ލައިފައި ހުންނަ ތިރި ޖާލީ ފުޅަލި (2) ތިރިކޮށް ހުންނަ ޖާލީ ފުޅަލި