radheef.info
ރަދީފު


ނުވަތަ
އ (1) ނޫންނަމަ (2) އެހެންނާ (3) އެހެންޏާ
މ ބުއްދި ސަލާމަތުންހުރި މީހެއްގެ ވިސްނުމުގެ ނުވަތަ އެނގުމުގެ ބާރު ފިލައިދިޔުން ބުއްދިފިލުން
ބުދައަނބުރައިލުން
މ (1) ބުދަދުވަހުގެ ކުރަން ހަމަޖައްސައިފައި ވާކަމެއް ދިމާވިގޮތަކުން އެހެން ދުވަހެއްގައި ކުރުން. (2) ވަކިދުވަހެއްގައި ކޮށްއުޅޭކަމެއް ނުވަތަ ކުރަން ހަމަޖެހިފައިވާ ކަމެއް އެހެން ދުވަހެއްގައި ކުރުން
ބުދުހާލި
ނ ނަވުގެ ދެފަރާތު ކަންކަށީން މައްޔަލުގެކޮޅާ ސަބުދެރިޔާއާ އެއްކޮށް ހަރުކޮށްފައި އޮންނަ ދެފިލާ ނުވަތަ ދެގަނޑުޖާލި
ބުލެކްމޭލުކުރުން
މ މީހުން ސިއްރުން ކޮށްފައިހުންނަ ކުށްތަކާ އަބުރާ އިއްޒަތަށްޓަކާ ނުވަތަ ލިބިދާނެ ގެއްލުމަކަށްޓަކައި ވަންހަނާކޮށްފައި ހުންނަ ކަންތައްތަކުގައި މަޢުލޫމާތު ލިބިފައިވާކަމުގެ ބިރުދައްކައިގެން ފައިސާއާ ތަކެތި ހޯދުން
ބުގިސް
ނއނ (1) ޢިބާރާތް ނުވަތަ ބަސްމަގު އެތުރި އެކުލެވިފައިވާ ބަދަހިކަން. (2) ފޭރާން ވިޔެފައި ހުންނަ މޮޅުކަމާއި ގޮޅިޖަހައިފައި ހުންނަ ބާވަތެއްގެ ގޮތް
ބުގިސްކަން
ނއނ (1) ޢިބާރާތް ނުވަތަ ބަސްމަގު އެތުރި އެކުލެވިފައިވާ ގޮތުގެ ބަދަހިކަން. (2) ފޭރާން ވިޔެފައި ހުންނަ ބަދަހިކަމާއި ގޮޅިޖަހައިފައި ހުންނަ ބާވަތެއްގެ މޮޅުކަން
ބުގިސްވުން
މ (1) ޢިބާރާތް ނުވަތަ ބަސްމަގު އެތުރި އެކުލެވިފައިވާ ގޮތް ބަދަހިވުން. (2) ފޭރާން ވިޔެފައި ހުންނަ ގޮތުންނާއި ގޮޅިޖަހައިފައި ހުންނަގޮތް ބަދަހިވުން
ބުޑު
ނ (1) ގަހުގެ ބިމާ ގުޅިފައިވާ ބައި. (2) ބިމަށްޖަހައިފައި ހުންނަ އެއްޗެއްގެ ބިމުގައި ޖެހިފައި ހުންނަ ހިސާބު. (3) ކައިރި. މިސާލު: ފާރުބުޑުގައި ބިތްބުޑުގައި ފުޅައްބުޑުގައި މުނިބުޑުގައި ފައިބުޑުގައި (4) ފިނދުމަސްގަނޑު (5) ދަނޑި ނުވަތަ ރިތްފަދަ އެއްޗެހީގެ ފަލަކޮޅު (6) އެއްޗެއް ބިމަށް ގަދަކުރުމަށް ކޮންކްރީޓުން ބިމުއަޑީގައި ހަދާބައި (7) ބިމަށްޖަހާ އެއްޗެއް ގަދަކުރަން ބިންމަތީގައި ހަދައިފައި ހުންނަބައި
ބޫޓު
ނ ފައިތިލަ އެކީ ނިވައިވާ ގޮތަށް ހަދައިފައި ހުންނަ ފައިވާނެއް މިއީ އާއްމުގޮތެއްގައި ހަމުން ނުވަތަ ރަބަރުން ހަދައިފައި ހުންނަ އެއްޗެކެވެ
ބެހިގެންދިއުން
މ (1) ދަތުރުކުރާ އުޅަނދަކަށް ލިބޭ ގެއްލުމެއްގެ ސަބަބުން މިސްރާބު އޮޅިގެން ނުވަތަ މިނޫންވެސް ސަބަބަކާހުރެ ދެވޭނުދެވޭ ތަނެއް ނޭނގި ދެވުން. (2) ފުރާދުއްވާ އެއްޗެއް އަޅައިފައި އޮއްވާ ވައުކެނޑިގެން އޮޔާދިއުން
ބެހުން
މ (1) ދާންވީ މިސްރާބު އޮޅި ދެވޭނުދެވޭ ދިމާއެއް ހުރި ހިސާބެއް ނޭނގުން (2) އެކި ބައިބަޔަށް އަޅައި އެކި މީހުންނަށް ދިނުން (3) ތިމާޔާ ނުބެހޭ ކަމެއްގެ ތެރެއަށް ވަނުން (4) ކަމަކާނުލައި މީހަކާ ފޮށުން ނުވަތަ ގަޔަށް އެރުން (5) ޖިންސީގޮތުން ގޯނާކުރުން (6) ބައިބަޔަށް އެޅުން (7) ގުޅޭ މިސާލު: )ހ( ފޮތާބެހޭ ލިޔުން )ށ( ކިޔެވުމާބެހޭ ސާމާނު
ބެންޗު
ނ (1) ބައެއް ކުޅިވަރުގައި ޓީމުގައި ހިމެނޭ ރިޒާވު ކުޅުންތެރިންނާއި ޓީމުގެ ކަންތައް ބަލަހައްޓާ މީހުން ދަނޑުން ބޭރުގައި ނުވަތަ ކޯޓުން ބޭރުގައި ތިބޭ ގޮނޑި (2) ދިގުގޮނޑި
ބެރު
ނ (1) މިއުޒިކުގެ އާލަތެއް މިއީ އޮނިގަނޑެއްގެ އެއްކޮޅުގައި ނުވަތަ ދެކޮޅުގައި ހަން ނުވަތަ އެފާޑުގެ އެހެން އެއްޗެއް އަޅައިގެން ހަދާ އެއްޗެކެވެ މީގެ އަޑު ނެރެނީ ޖަހައިގެންނެވެ (2) މިޔުޒިކުގެ ހަމަޔާ ގުޅޭގޮތަށް ވަކި ތަރުތީބަކުން ޖަހާ އަޑު (3) ކަރަންޓު ބޭނުންކޮށްގެން ނުވަތަ އެނޫންވެސް ގޮތަކުން ބެރުގެ އަޑު ނެރެން ހަދައިފައިވާ އެތި
ބެރުޖެހުން
މ (1) އޮނިގަނޑެއްގެ އެއްކޮޅުގައި ނުވަތަ ދެކޮޅުގައި ހަން ނުވަތަ އެފާޑުގެ އެހެން އެއްޗެއް އަޅައިގެން ހަދާ އެއްޗެއްގައި ޖެހުން (2) މިއުޒިކުގެ ހަމަޔާ ގުޅޭގޮތަށް ވަކިތަރުތީބަކުން އެއްޗެއްގައި ނުވަތަ ތަނެއްގައިޖެހުން (3) ކަރަންޓު ބޭނުންކޮށްގެން ނުވަތަ އެނޫން ވެސް ގޮތަކުން ބެރުގެ އަޑު ނެރެން ހަދައިފައިވާ އެއްޗަކުން އަޑުނެރުން
ބެރެބޭވުން
މ )ޏ.ސ.( (1) ކާށިގަބުޅި ކުރުނބާ ކަރާ ބަރަބޯފަދަ ތަކެތީގައި ޅަ ތޯ ނުވަތަ ހަރުތޯ ބަލަން ޓަކިޖެހުން (2) )ޏ ( އިހުގައި ވަރުގަދަ މީހުން ބަލަން ބަނޑުގައި ފުއްޓަކި ޖެހުން
ބެކްޓީރީއާ
ނ ލޮލަށް ފެންނަ ވަރަށް ވުރެކުދި ދިރޭއެއްޗެހީގެ ބާވަތެއް މިބާވަތުގެ ބައެއް ވައްތަރުތައް ހިމެނެނީ ތަފާތު ބަލިތައް ޖައްސާ ޖަރާސީމުގެ ތެރޭގައެވެ އަނެއްބައި ވައްތަރުތަކަކީ އިންސާނުންނާއި ޙައިވާނުންގެ ހަޖަމުގެ ނިޡާމަށް ނުވަތަ ޗީޒްފަދަ ކާނާ ތައްޔާރުކުރުމަށް ނުވަތަ ގަސްގަހާގެހީގެ ކާނާ ހޯދުމުގެ ނިޡާމަށް ކޮންމެހެން ބޭނުންވާ ވައްތަރުތަކެކެވެ
ބެއްދުން
މ (1) އެކަތި އަނެއްޗާއި ގުޅުވުން (2) މީހެއްގައި ނުވަތަ އެއްޗެއްގައި އޮޅުލައިގަތުން (3) އެއްޗެއްގައި މަޅިއެއް އަޅުވައި ބާރުކުރުން (4) މުށްލައްޕައި ބާރު ކުރުން (5) ނިވާކުރުން (6) މަސްތަކެއް ދަލަކަށް ނުވަތަ ކޮށިގަނޑަކަށް ވައްދައި ބަންދުކުރުން (7) ބަންދުކުރުން (8) ކުރިމަތި ބަންދުކޮށްގެން ކުރިޔަށް ދިޔަނުދިނުން (9) ދައްކާ ވާހަކައަކުން އަނެކަކު ދެރަކޮށްލުން )01( ކަޑައްތު ކުރުން
ބެދުން
މ (1) ދިޔާއެއްޗެހި އޮލަވެ ގަނޑުގަތުން މިސާލު: ހަލުވިދާއާއި ކަސްޓަޑު ފަދަތަކެތި ކައްކައިފައި ބެހެއްޓީމާ ބެދެއެވެ (2) ދިޔަވަރު ހިކެމުންގޮސް ފަޅުމަތީގެ ބިންގަނޑު ހިކުން މިސާލު: ދިޔަވަރުހިކި ފަޅުމަތި އޮތީ ބެދިފައެވެ (3) މީހާގެ ކިބައިން ވެފައި އޮތްކުށެއް ސާބިތުވުން މިސާލު: އޭނާވަނީ އެކުށުގައި ބެދިފައެވެ (4) ކުރިޔަށް ދެވޭނެ ގޮތެއް ނެތުން މިސާލު: އޭނާކުރި ކުށެއްގެ ސަބަބުން ކުރިޔަށް ދިއުމުގެ މަގުއޮތީ ބެދިފައެވެ (5) ދެއެއްޗެއް ތަތްވެ އެކަތި ގަނޑަކަށްވުން މިސާލު: އޭނާގެ އަތުގެ މުލައް ދަނޑިން ވަކިވި ކަށިގަނޑު ކުރިފަރުވާއެއްގެ ސަބަބުން މިހާރު ބެދިއްޖެއެވެ (6) ހިންމިޔާއި ލޯވަޅު ފަދަތަންތަން ބަންދުވުން މިސާލު: ދޯނީގެ ހިންމިތައްވަނީ ކޮޅައި މަދަން އަޅައިގެން ބެދިފައެވެ (7) އަނގަބެދުން ވާހަކައެއް ދައްކައިގެން ކުރިނުލިބުން މިސާލު: އަހަރެންދެއްކި ވާހަކައިން އޭނާގެއަނގަބެދިއްޖެއެވެ (8) މަޅިޔެއް ނުވަތަ ގޮށެއްފަދަ އެއްޗެއް ބާރުވުން މިސާލު: ފިނދަނަ މަޅިފަތީގައި ބެދިއްޖެއެވެ (9) ކަޑައްތުވުން މިސާލު: މާލެއަތޮޅުން ބ އަތޮޅަށް ދެވޭނީ ކާށިދޫ ކަނޑު ބައްދައިގެންނެވެ )01( ކުރިޔަށްނުދެވޭ ގޮތްވުން މިސާލު: އޭނާ ހިނގަމުން ދަނިކޮށް މަގުމަތީގައި ދުއްވާ އެއްޗިހީގެ ސަބަބުން މަގު ބެދިއްޖެއެވެ
ބެލޫނި
ނ ގޭސް ނުވަތަ އަލިފާނުގެ ވައިން ފުއްޕައިގެން މައްޗަށް އަރުވާއެއްޗެއް މި ގިނައިން ހަދައިއުޅެނީ ފޮތިން ނުވަތަ ރަބަރުންނެވެ
ބެލެހެއްޓުން
މ (1) މީހަކު ނުވަތަ އެއްޗެއް ރައްކާތެރި ކަމާއެކު ގެންގުޅުން (2) ފަރުވާތެރިކަމާއެކު ކަމެއް ހިންގުން (3) އެއްޗެއް ގެއްލުނަނުދީ އެއަށްވާނުވާގޮތް ބެލުން