radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ބަނޑިޔާ
ނ ކޮލި އޮންނާނެހެން މުށީން ހަދައިފައި ހުންނަ އަނގަކުޑަ ކުޑަވަރެއްގެ ކަންވާރެއް މިބައްޓަމަށް އެހެން އެއްޗަކުން ކަންވާރެއް ހަދައިފައި ހުއްޓަސް ކިޔާނީ މިހެނެވެ
ބަނޑިޔާ ފަޅޯ
ނ ފަޅޮލުގެ ބާވަތެއް މިފަޅޯހުންނާނީ ބަނޑިޔަލަކާ ގާތްސިފައަކަށެވެ
ބަނޑިޔާޖެހުން
މ (1) ކިޔާލަވަޔަށް ހަމަވާގޮތަށް ލޯބަނޑިޔަލުގައި ޖަހަމުންކުޅޭ ކުޅިވަރެއް ބަނޑިޔަލުގައި ޖަހާއިރު ޖަހާނީ އަތުގައިވާ އަނގޮޓި ބަނޑިޔަލުގައި ޖެހޭގޮތަށެވެ އެއްބަނޑިޔާ ބޭނުން ކޮށްގެންވެސް އަދި ދެބަނޑިޔާ ބޭނުން ކޮށްގެންވެސް މިކުޅިވަރު ކުޅެއެވެ (2) ބަނޑިޔާ ލަނގިރި
ބަނޑުބައިން
ނ (1) އުނަގަނޑު ފައްޓަރު ތިރިވިޔަނުދޭން ބާސްކީލިން އަޅައިފައި ހުންނަ ފަށް މިބައިން ޖަހަނީ ކުޑަކުދީންނެވެ (2) އަސްފަދަ ސަވާރުވާ ތަކެތީގެ މަޑި ހަރުކުރާން ބަނޑު ދަށުން އަޅާ ކަމަރު (3) ފަޓުލޫނު ހިފެހެއްޓުމަށް ކޮނޑުމަތިން ދެފަރާތުން އަޅައިފައި ހުންނަ ބަންދު
ބަނޑުބަލި
ނ ބަނޑުގައި އުފެދޭ ބައްޔެއް. މިބަލި ޖެހުމުން ބައެއް ފަހަރު ނޭވާހިނގުން ދަތިވެ ކުޑަކަމުދިއުމާއި ބޮޑު ކަމުދިއުމުގެ ނިޒާމަށް ބަދަލު އާދެއެވެ ދިވެހިންގެ ތެރޭގައި "ބަނޑުބަލި" ކިޔާ އުޅެނީ ބަނޑުގައި ސަރުބީ އުފެދި ބަނޑުގެ އެތެރޭގެ ބައެއް ގުނަވަން ދުޅަވުމުންނެވެ
ބަނޑުއޮއްޓުގަނޑު
ނ (1) އެއްޗެއް ވަރުގަދަކުރަން ދަށުފުށުން އަޅާ އެތިގަނޑު (2) ތެލަނގައިގެ ލަނބާދުނީގެ ބަނޑުފުށުގައި މެދުތެރޭ އަޅާ އެތިކޮޅު
ބަނޑުވަސް
ނ ފައިދޮށްތަކުގެ މެދާ ދިމާއިން ފުރާޅުގެ ދިގަށް ފައިދޮށްތަކުގެ ދަށުން އަޅާ ވަކަރެއް މިވަކަރު އަޅަން ޖެހެނީ ފައިދޮށްތައް މާދިގުކަމަށްވާނަމަ ފުރާޅު ލަނބާފާނެތީއެވެ
ބަނޑުވާ
ނ ޝަހުވާނީ ކަންތައް މެދުވެރިކޮށްދޭން އަންހެނަކާއި ފިރިހެނަކާ ދެމެދު ހިނގާ މީހާ
ބަނޑުފެޅިލިބާސް
ނ ފިރިހެނުންލާ ލިބާހެއް މިލިބާސް ހުންނާނީ ކުރިމަތީ ބަދަނުގެ މެދުން އެއްކޮޅުން އަނެއްކޮޅަށް ފަޅައިފައެވެ
ބަނޑުގައި ގޮށްލުން
މ ހިނިއަންނަލެއް ގަދަކަމުން ބަނޑަށް ތަދުވުން މިގޮތަށް ގޮއްލާއިރު ބަނޑުގެ ތަންތަންކޮޅު ހުންނާނީ ހަރުވެފައެވެ
ބަނާރަސީކަސަބު
ނ އިހުގައި ގެންގުޅުނު ކަސަބުގެ ދެރަބާވަތް މިކަސަބުގެނެސް އުޅެނީ އިންޑިޔާގެ ބަނާރަސުންނެވެ
ބަންދު
ނ (1) ހައްޔަރު (2) ގަޓަރިފީފާ ފަދަތަކެތި ބަންދުކުރަންއަޅާ ހަނިދިގުކޮށް ހުންނަ ތުނި ދަގަނޑުފަތް ނުވަތަ ފޮތިގަނޑު (3) ޕާރުސަލްކުރާ ކުރުން (4) އިނގިލީގައި އަޅާން ރަންރިހިފަދަ ތަކެތީން ހަދައިފައި ހުންނަ ފަތި އަނގޮޓި (5) ފޮތްފޮތުގެ ގަނޑުތައް ހުޅުވުނަ ނުދިނުމަށާއި ރައްދުވާ ފަރާތުގެ ނަން ޖެހުމަށް ފޮތުގެ ވަށައިގެން އަޅާ ކަރުދާހުގެ ފަށް (6) ހެދުމާއި ޔުނީފޯމުގައި ކަމަރެއްގެ ގޮތުގައި ބޭނުންކުރާ ފޮތިފަށް (7) ރައްކާކުރާން ބޭނުންވާ ތަކެތި ލައިފައި ހުންނަ ތަންތަނުގެ ދޮރުގައި ހުރަހަށް ނުވަތަ ކައްޗަށް އަޅައިފައި ހުންނަ ދަގަނޑު (8) "ހުޅުވިފައި" މިބަހުގެ އިދިކޮޅު (9) ނިޝާނެއްގެ ގޮތުން އަތުގައި ނުވަތަ ބޮލުގައި އަޅާން ހަދައިފައި ހުންނަ ފީތާފަށް )01( މަނާވާވުން
ބަންގަޅިސް
ނ ކުޑަކުދިންގެ ބަހުރުވައިގައި ކަނޑައި ވައްޓައިލުން މިބަސް ބޭނުން ކުރަނީ ކުޑަކުދިން ކުޅޭ ކުޅިވަރެއްގައެވެ
ބަންގާޅުރޮށި
ނ ބަންގާޅުން ގެނެސް އުޅުނު ބިސްކޯދެއް މިހުންނަނީ 8 ގެ ސިފައިގައެވެ
ބަންގާޅުފޮށާ
ނ އިހުގައި ބަންގާޅުން ގެނެސްގެން އުޅުނު ފޮށައެއް މިފޮށާ ހުންނާނީ އަތްދުތްލާފައެވެ
ބަންގާޅުފޮށި
ނ ބަންގާޅުން ގެނެސް އުޅުނު ރަންގޫނުފޮށި މީގައި އޭރުގެ އެހެން ފޮށިތަކުގައި ހުންނަ ފަދަ ފައެއް ނުހުންނާނެއެވެ އޭގެ ބަދަލުގައި ހުންނަނީ ފޮށި ވަށައިގެން ފަތި އަޅާފައެވެ މިފަތިކޮޅު ހުންނަނީ މަތީކައިރީ ފަރާތުގައި ދާރަ ޖަހައިފައި ތިރީކައިރި ވަކި ކުރެހުމެއްހެން ތަންތަންކޮޅުން ކަނޑައިފައެވެ
ބަންގުޑާރު
ނ ބޯޓު ފެތުނީމާ އަރާން ހަންމާލަ ފާޑަކަށް ހަދައިފައި ހުންނަ އެއަށްވުރެ ބޮޑުއެއްޗެއް
ބަންޑާރަދުރޯ
ނ ދުރޯއިން ބަންޑާރަޔަށް ލިބޭބައި. މިއީ ދުރޯއަށް )ޖުރުމަނާއަށް( ނެގޭލާރި ހަތްބައިކޮށްފައި ހަވަރުގެ ހަބަޔަށް ކޮންމެ ބަޔަކަށް 7/1 ބައި މަގުން ނަގައިފައި ހަތްވަނަޔަށް އޮންނަ ބަންޑާރަ ބައެވެ މިލާރިބަހާނީ އަހަރަކު އެއްފަހަރުއެވެ
ބަންޑާރާނައިބު
ނ ދައުލަތުގެ ޤާނޫނީ އަދި ޝަރުޢީ ވަކީލު
ބަރަބޯ
ނ ތަރުކާރީގެ ބާވަތެއް. ބަރަބޮލަކީ ސިފަޔާއި ބޮޑުމިނާއި ކުލަ ތަފާތުކޮށް ހުންނަ ތަރުކާރީއެކެވެ. ވަށްކޮށް ފަތާކޮށާއި އަދި ވަށްކޮށް ދިގުކޮށްވެސް ހުރެއެވެ. ބަރަބޯ ހުންނަނީ އެކި ބޮޑުމިނުގައެވެ. ބަރަބޮލުގެ ތެރޭގައި ފެހިކުލައިގެ ބަރަބޮލާއި މުށިކުލައިގެ ބަރަބޯހުރެއެވެ. ލައްލައް ޖަހައިފައި ފެހިކުލައިގައި ހުންނަ ބަރަބޮލާއި މަޑުމުށި ކުލައެއްގައި ހުންނަ ބަރަބޯވެސް ހުރެއެވެ. ބަރަބޯވެލަކީ ވަރުގަދަކޮށް ފެތުރިހެދޭ ފަތް ބޮޑެތިކޮށް ވެޔޮގަނޑުގައި ހަރުކެހެރިއެއް ހުންނަ އަދި އިސްފިރޭނުތަކެއްހެން އޮޅިފައި ހުންނަ ނަރުވާތަކެއް ހުންނަ ވެލެކެވެ