radheef.info
ރަދީފު


ނައި
ނ (1) މޫދުގައި ހަރުކޮނެގެން އިންނަ އިހިފާޑުގެ ކުޑައެއްޗެއް މިކަށި ޖަހައިފިނަމަ ވަރަށް ދިލަ ނަގާނެއެވެ (2) )ޅ ( މަސްކާށި ދޫންޏެއް ކަހަލަ ފެހިކުލައިގެ ކުޑައެއްޗެއް
ފިތްދާލި
ނ ދިވެހި ބޭހުގެ ބާވަތެއް މިއީ ގައިން ފިތްނެގުމުން ގާނައިގެން ވަށާން ނުވަތަ ބޯން ބޭނުން ކުރާ ފިތްފިތަށް ހުންނަ ލަކުޑިއެކެވެ
ފިލައިންކިޔެވުން
މ ފިލާލިއެގެން ކިޔެވުން ކުރީ ޒަމާނުގައި ކުޑަކުދިންނަށް ޢަރަބި އަކުރު އުނގަންނައިދީ ޤުރުއާން ވަކި ހިސާބަކަށް ދާންދެން ކިޔަވައި ދެނީ ފިލާލިއެގެންނެވެ
ފިލިއަކުރު
ނ (1) އަކުރުފިލި ތާނައިގައި ފިލީގެގޮތުގައި ބޭނުންކުރާ އަކުރު ތައް (2) އިނގިރޭސި ބަހުގައި ފިލީގެ ގޮތުގައި ބޭނުންކުރާ އަކުރުތައް
ފިލުނދު
ނ (1) ކައްކައިފައި ހުންނަ ކާއެއްޗެހި ރާމާވުމަށް ފަހު ކުނިވުމުގެ ކުރިން އައިސްފައި ހުންނަ ބަދަލު. (2) ދިރޭ އެއްޗެހި )އިންސާނުން ނާއި ޖަނަވާރާއި މަސްމަހާމެހި ފަދަ( މަރުވުމަށްފަހު ގިނައިރުވުމުން މަސް ގަނޑު ކުނިވާން ފެށުމުގެ ކުރިން ހަންގަނޑު ދޫވެ މަސްގަނޑު މަޑުވާ މަޑުވުން
ފިލުނދުވުން
މ (1) ކައްކައިފައި ހުންނަ ކާއެއްޗެހި ރާމާވުމަށްފަހު ކުނިވުމުގެ ކުރިން ދެން އަންނަ ބަދަލު އައުން. (2) ދިރޭ އެއްޗެހި )އިންސާނުން ނާއި ޖަނަވާރާއި މަސްމަހާމެހި ފަދަ( މަރުވުމަށްފަހު ގިނައިރުވުމުން މަސްގަނޑު ކުނިވާން ފެށުމުގެ ކުރިން ހަންގަނޑު ދޫވެ މަސްގަނޑު މަޑުވުން
ފިލުވުން
މ (1) ނެތިކޮށްލުން (2) ސާފުކޮށްލުން (3) މަސް ބުޅިން ކަނޑުވައިލުން (4) "ފިލުން" މިބަސް ކުރުވުމުގެ މާނައިގައި ބޭނުންކުރާގޮތް (5) ބޯށިން ފަތްގަނޑެއް ނެއްޓުން (6) ތޮށިނޮޅުން
)ކެމެރާގެ ފިލްޓަރު( ފިލްޓަރު
ނ (1) ފުރޭނި (2) ތެލާއި ގޭހާއި ވައި )ވެލިފަދަ ކަރުދާސް ފަދަ ފޮތިފަދަ އެއްޗެއްގެ ތެރޭގައިވާ( އެއްޗެއްގެ ތެރެއިން ދަތުރު ކުރުމުން ސާފުކޮށްދޭއެތި (3) ފެން ސާފުކޮށް ފުރާނައިދޭ ފެންއަޅާ ކަންވާރެއް (4) އަޑުގެ ބާރުމިން ވަކި ފްރީކުއެންސީއެއްގައި ހިފަހައްޓައިދޭ އެތި (5) އަލީގެ ބާރުމިން ވަކިވަރަކަށް ހިފެހެއްޓުމަށް ބޭނުންކުރާއެތި
ފިޔާދާގަނޑު
ނ ބޭރުން ކުދިފިޔާ ގެންނައިރު އެ އަޅައިފައި ހުންނަ ދާގަނޑު މި ހުންނަނީ ހިމަދިގުކޮށް ވިޔެފައެވެ
ފީނުން
މ (1) ގަސްތުގައި ކަނޑުފަޅު ފަދަ ތަންތާނގެ އަޑިއަށް ދިއުން ނުވަތަ އެފަދަ ތަންތާނގެ އަޑީގައި އުޅުން (2) މަޖާޒު: ކަމަކާ މެދު ފުންކޮށް ވިސްނައި ޚިޔާލުކުރުން
ފީރު
ނ އެއްޗެހި ގާނައި އޮމާންކުރުމަށާއި ހުނިގޮނޑި ތިލަ ކީސް ފަދަ ތަކެތި ތޫނު ކުރުމަށްޓަކައި އެކަތައިން ހަދައިފައި ހުންނަ ހަތިޔާރެއް. މީގެ ދެތިން ހަތަރު ވައްތަރެއް ހުރެއެވެ. މިސާލު: ތިންއަރިފީރު އޮނުފަޅިފީރު ފަތިފީރު ގަސްގާނާފީރު
ފީތާފަށް
ނ ތުނިކޮށް ހަނިދިގުކޮށް އުއި ނުވަތަ ނައިލޯނު ފަދަ އެއްޗަކުން ހަދައިފައިވާ ފޮތިފަށެއް
ފުށްގަހުގުރާ
ނ (1) ޑިންޑިން ކޮވެލި ފާޑަށް އިންނަ އެއަށްވުރެ ކުޑަ އެއްގަމު ދޫންޏެއް (2) މަޖާޒު: މާގިނައިން ފުށްޖަހައިފައި ތިބޭ މީހުންނަށް މަލާމާތުގެ ގޮތުން ބުނެއުޅޭ ބަހެއް މިސާލު: ހީވަނީ ފުށްގަހު ގުރައެއް ހެންނެވެ (3) ސަމައްތަރު ހެޔޮ ޗާލު އަންހެން ކުއްޖެއްގެ ރީތިކަން ބަޔާން ކުރުމަށް ބޭނުންކުރާ ބަހެއް
ފުނޑުވުން
މ (1) ވަޅޯމަސްގަނޑެއް ފަދަ އެއްޗެއް އަތުން ވަކިވަކި އެތިކޮޅުތަކަކަށް ހަދައިލުން (2) "ފުނޑުން" މިބަސް މީހަކުލައްވައި ކުރުވުމުގެ މާނައިގައި ބޭނުންކުރުން (3) ހަރުއެއްޗެއް އަތުން ކުދިކުދިކޮށް ވަކިވަކި ކުރުން
ފުނަޖެހުން
މ (1) ބެރާއި ތާރަ ފަދަ އެއްޗެހި ޖަހާއިރު މާނައިގެ ތެރެއަށް ދަނޑިވަޅެއް އިތުރުކުރުން. (2) ވާހަކަ ދައްކާއިރު ބަހުގެ ކުރިއަށް އަކުރެއް ދެއަކުރެއް އިތުރުކޮށްގެން ބަސް ބަދަލުކޮށްލުން. މިސާލު: ކާރު މައްކާރު ލަވަ ފައްލަވަ
ފުންބަސް
ނ (1) ތިލަބަހުގެ އިދިކޮޅު (2) ބޮޑަށް ވިސްނައިގެން ނޫނީ މާނަ އަތުލައި ނުގަނެވޭ ބަސް
ފުރުއްވުން
މ (1) "ފުރުން" މިބަހުގެ 1 ވަނަ މާނައިގެ މާތްގޮތް. މިސާލު: ދޮންމަނިކު ޙައްޖަށް ފުރުއްވައިފި. (2) "ފުރުން" މިބަހުގެ 2 3 4 5 ވަނަ މާނައިގެ މާތްގޮތާއި އެންމެ މާތްގޮތް
ފުރުވުން
މ "ފުރުން" މިބަސް ކުރުވުމުގެ މާނައިގައި ބޭނުންކުރާގޮތް
ފުފުން
މ (1) އެއްޗަކަށް ވައިޖެހުމުގެ ސަބަބުން އެ އެއްޗެއް ބޮޑުވުން. (2) ކާއެއްޗެހި ފިހުމަށް ފުށްގަނޑު މޮޑޭއިރު އަޅާ އެއްޗެއްގެ ސަބަބުން އެ އެއްޗެއް ފިހެވެމުން ދާއިރު އުފުލުން. (3) ދިރޭ އެއްޗެއް މަރުވެގެން ގިނައިރުވުމުން ފިލުނދުވެގެން ބޮޑުވުން. (4) ހައްޔަރުގައި އިނުމުގެ ސަބަބުން ނުވަތަ ގިނައިން ކެއުމުގެ ސަބަބުން ބަނޑު ބޮޑުވުން (5) މަޖާޒު: ރުޅި ގަދަވެގެންގޮސް ރުޅީގެ އަސަރު މޫނުމަތިން ފާޅުވުން
ފުލަށް މަޅިބޭލުން
މ ތެލަނގަ އެއްލައިފައި ހުންނައިރު މަޅިތަކެއް ފައިބަމުން ދާހެން ނަގުލަށް ބަނޑިލަމުން ދިއުން
ފުލުގޮށްމޮހޮން
މ (1) އެއްޗެހި ތަކެއް އަމުނައިފައިހުރި ފައްޗެއްގެ ފުލުގައި ޖަހައިފައި ހުރި ގޮށް މޮހުން (2) މަޖާޒު: ކަމެއް ބޮއްސުންލުން