radheef.info
ރަދީފު


ހުންނާ
ނ )ގ ( ރާއެރިން އެތުގައިލާ އެންމެ ކުޑަ ގުޑި
ފުރޮޅުލީގޮނޑި
ނ ނުކުޅެދޭ މީހުންނާއި ބަލިމީހުން އެއްތަނުން އަނެއްތަނަށް ގެންދިޔުމަށާއި އެއްތަނުން އަނެއްތަނަށް ދިއުމަށް ފުރޮޅު ހަރުކޮށްފައި ހުންނަ ގޮނޑި
ފުއްކަށި
ނ މައުދަނާއި ކޮންކްރީޓް ފަދަ ހަރު އެއްޗެހި ކަނޑަން އެކަތައިން ހަދައިފައި ހުންނަ އާލަތެއް މިހުންނާނީ އެއްކޮޅު ފަތިކޮށް ތޫނުކޮށްފައެވެ
ފުއްކެނޑިރޮންދާ
ނ )ސ ( ވަޑާމުގެ އާލަތެއް މިއީ ވަކަރު މެށުމަށް ހަދާފައިވާ އެއްޗެކެވެ މިބާވަތުގެ ރޮންދާގެ ތިލައިގެ މިޔައިގައި ތުނޑުތަކެއް ހުންނާނެއެވެ މި ބޭނުންކުރަނީ އިދިކީލި ލަކުޑި މެށުމަށެވެ
ފުއްއެނބުރުން
މ ކީސްތޫނުކޮށްފައި ކީހުގެ ތުނޑުތައް ދެތުނޑު ދެފަރާތަށް ހުންނާނެ ގޮތް ހެދުން
ފުއްވުން
މ (1) މަޢުދަނީ ތަކެތިން ހަދާގެވެހި ކަންވާރުތަކާއި ގަހަނާތަކުގެ ކުރެހުންތައް އުސްކޮށް ހުންނާނެހެން ބެހެއްޓުން (2) ތައްގަނޑަކަށް އޮއްބައިގެން ފުފޭގޮތް ހެދުން (3) ބޮޑާހޭކުން (4) ތިމާ ރުޅި އައުމުން ކަންބޮޑުވާ ފަދަ ފަރާތަކަށް މާބޮޑަށް ނުރުހުމުގެ ކުލަ މޫނުމަތިން ދެއްކުން
ފުއްލުން
ނ (1) މޮޑެފައި ހުންނަ ފުށް ވިދުނާއްޓަށް އަޅައިގެން ފުއްފުކަށް ހުންނާނެ ގޮތަށް އަތުން ތިރިޔަށް ބޭލުން (2) އުފުލިލުން (3) ވޮށް ދިއްލުމަށް ކަފަކޮޅެއް ފަދަ އެއްޗެއް އޭގެ ޖާގައިގައި ބޭއްވުން (4) )ހ ( އަތްބައްތިއާއި ފުޅިބައްތި ފަދަ އެއްޗިއްސަށް ފީތާ ލެއްވުން
ފުލޫނިޔާ
ނ މާގަހެއް މިގަހުގެ މާ ހުންނަނީ ދިގު ތަނޑެއްގައެވެ ފިޔަތައް ހުންނާނީ އެއްބަރިއަކަށެވެ މީގެ ތަފާތު ކުލަކުލަ ހުރެއެވެ
ފުސްކެޔޮ
ނ ފަތްކޭލުގެ ބާވަތެއް މިބާވަތުގެ ކެޔޮ އެހެނިހެން ކޭލަށް ވުރެ ފޮނިވާނެއެވެ ކެޔޮވަކުގެ ބޭރުގައްޔާއި ކެޔޮގަނޑުގެ ދަޅިގަނޑުގައި ފުސްކުލައެއް ހުންނާނެއެވެ
ފުސްމާޅޮސްކެޔޮ
ނ މާޅޮސް ކޭލުގެ ބާވަތެއް މިބާވަތުގެ ކޭލުގެ ބޭރު ހުންނާނީ ފުސްކުލައިގައެވެ
ފޫބުރި
ނ (1) ވާގަނޑުނޮޅި ޖަހާ ފުޅި މިފުޅި ހުންނާނީ މައްޗަށް ހިމަކޮށް ކަރެއްލައިފައި ތިރިޔަށް ފުޅާކޮށް ފޫހަމައަށެވެ (2) މައްޗާއި ފޫހުންނަ ބައެއް ކަހަލަ އެއްޗެހީގެ ތިރީބައި މިސާލު: ސިލުނބުގެ ފޫބުރި
ފޫޓުފަތިގަނޑު
ނ އިންޗިއާއި ސޫތު އެނގޭގޮތަށް ހުންނަ ފަތިގަނޑެއް މިހުންނާނީ ބާރައިންޗީގެ ދިގުމިނުގައެވެ
ފޫޓުފީތާ
ނ މިންއަޅަން ބޭނުންކުރަން ހަދައިފައި އޮންނަ ފީތާއެއް މީގައި ފޫޓާއި އިންޗިއާއި ސޫތު އެނގެން ހުންނާނެއެވެ
ފެނަށްއެރުން
މ (1) ކަސްއަޅައިފައި ތިބޭ މީހުންނާއި ގައިގައި ބޭސްގަނޑު ހިއްޕާފައިވާ މީހުން އެތަކެތި ފޫދުމަށްޓަކައި ފެންއަޅައިފައި ހުންނަ އެއްޗަކަށް އެރި ފޫއްދުން. (2) މާބަނޑުމީހަކު ފަރުވާއަށްޓަކައި ބޮޑެތި އެއްޗިއްސަށް ފެން ނުވަތަ ލޮނު އަޅައިގެން އެއަށް އެރި އޮތުން (3) ފެންގަނޑަށް ފޭބުން
ފެންކައްކާބޮލި
ނ (1) ބޮލީގެ އެންމެ ބޮޑެތި ވައްތަރު މިބޮއްޔަށް ފެންކައްކާ ބޮއްޔޭ ކިޔަނީ ކަރުވިހަ ފަދަ ވިހައަށް ބޭސްފެނެއް މިބޮއްޔަށް އަޅައިގެން ކައްކާތީއެވެ މިއީ ވިލުދޮޅީގައި ނުވަތަ ދޮންފަޅުގައި އުޅޭ ބޮއްޔެކެވެ މިބޮލީގެ ތުންފަތަށްވާ ހިސާބު )މަސްގަނޑު އަރާ ހިސާބު( ހުންނާނީ ރަތްކުލައެއްގައެވެ ބޭރުތޮށިގަނޑުގައި އުންތަކެއް ހުންނާނެއެވެ (2) މަޖާޒު: އެމީހެއްގެ ބޭނުމެއް ޖެހުނީމާ ކަމޭ ހިތައިގެން އުޅެފައި ބޭނުން ކެނޑުނީމާ އަޅާ ނުލައި ތިބޭ މީހުންނާމެދު ބުނެއުޅޭ ބަހެއް
ފެންފޮޅިދޮލަނގު
ނ ބާރަ މާލޫދު ކިޔާރޭ ރަސްމީގޮތުން މާލޫދުހަރުގެއަށް ގެންދާ ކޭމެއް. މިދޮލަނގުގައި ހުންނާނީ ފެންފޮޅިއާއި ކިރާއި ހިކިރިހައެވެ
ފެންތިކި
ނ (1) ވާރޭވެހޭއިރު ނުވަތަ ވާރޭވެހި ނިމުމަށްފަހު ގަސްގަހުންނާއި އަސްކަނިން ބިމަށްޖަހާ ފެނުގެ ފޮދުވަރު. (2) ފެނުގެ ތެރޭން ވަކިވާ ފޮދުވަރު (3) ކުދިކުދި ބިއްލޫރި ބޮކިތަކެއް ފަދައިން އެއްޗެއްގައި ހުންނަ ފެނުގެ ފޮދުވަރު
ފެންޑާ
ނ (1) ދިވެހިން ގެދޮރު އެޅުމުގައި މައިގޭގެ މައިދޮރޯއްޓާ ވީ ފަރާތަށް އިތުރު ކުރާބައި. (2) ދިވެހިން ގެދޮރު އެޅުމުގައި މައިގެއާއި ގުޅައިގެން ކޮންމެ ފަރާތަކަށް ވިޔަސް އިތުރު ކުރާބައި. މިބައި ހުންނާނީ މައިގެޔަށްވުރެ ތިރިކޮށް ބަންދު ނުކުރެވޭ ގޮތަށެވެ
ފެމުނު
ނ މިޔަރުގެ ބާވަތެއް މީގެ ބޯ އެހެން މިޔަރުގެ ބޮލަށްވުރެ ބޮޑުވާނެއެވެ ގައިގެ އެތަން މިތާނގައި ލައްޖައިފައި ހުންނާނެއެވެ މީގެ ދަތްތައް ވަރުގަދަވާނެއެވެ މިއީ ވަރަށް ބާރުދައްކާ ނުރައްކާތެރި އެއްޗެކެވެ
ފެލޯޝިޕް
ނ ޔުނިވަރުސިޓީގައި ނުވަތަ ކޮލެޖުގައި އެއްފެންވަރެއްގެ ތަޢުލީމީ މީހުންނާއެކު މަސައްކަތް ކުރުމަށް މާލީ އެހީއާއެކު ލިބޭ ނުވަތަ ދެވޭ ފުރުޞަތު
ފޭރާ
ނ ގަބުޅި ކާށި ހެހުމަށްޓަކައި ކުރެދި ފަދަ ތަކެތިން ހަދައިފައި ހުންނަ އެއްޗެއް މިހުންނާނީ އެއްކޮޅު ބިމަށް ޖަހައިފައެވެ މައްޗަށް ހުންނާނީ ފޭއްސައިފައި ހުންނަ ކޮޅެވެ