radheef.info
ރަދީފު


ހަކަ
ނ (1) ތާކުންތާކުނުޖެހޭ ވާހަކަ. (2) )ސ.( ހާޑުހައްފަދަ ކޮންމެ އެއްޗެއް. (3) )އ.ކ.( ވަރަށް ތަންކޮޅެއް
ތަރުޖަމާކުރުން
މ އެއްބަހަކުން ލިއެފައި ހުންނަ އެއްޗެހި ނުވަތަ ދައްކާ ވާހަކަ އަނެއްބަހަކަށް ބަދަލުކުރުން
ތަޅަން
ނ (1) ބަނޑުދޭން ހަނޑޫ އޮއްސައިފައި އޮންނަތަން (2) ވކ ވާހަކަ ދައްކާ އެއްވަނަ ފަރާތަށް ނިސްބަތްވާގޮތަށް ބުނެވޭ "ތެޅުން" މިބަހުގެ ވާކަން މިސާލު: އަހަރެން ކޮންމެ ދުވަހަކު މަކުނު ތަޅަން (3) ތަޅުންގަނޑު
ތަޅާލުން
މ (1) ފުނޑުފުނޑުވާގޮތަށް މުގުރޭގޮތަށް ހުރިއެއްޗެއް ނުވަތަ ތަނެއްހަލާކުކޮށްލުން (2) މީހަކަށް ވަރަށް ބޮޑަށް ހާނީއްކަކުރުން (3) މަޖާޒު: އަންހެނަކާ ނަހަމަގޮތުން ޖިންސީގުޅުން ހިންގުން
ތަޅުވައިލުން
މ (1) ހަލުވައިލުން (2) ގުޑުވައިލުން މަޖާޒު: (3) ވާހަކައެއް ފަތުރައިލުން (4) މީހެއްގެ ކިބައިން ވަކިވާހަކައެއް ހޯދަންވެގެން އޭނާލައްވައި ވާހަކަދެއްކުވުން
ތަކުރުފާނު
ނ (1) ފިރިހެނުންނަށް ކިޔައިއުޅޭ ނަމެއް (2) ތަކުރު މިބަހުގެ މާތްގޮތް (3) މަނިކު ކިޔާމީހަކަށް ކޮއްޔެއްލުމުން ނުވަތަ މަޖިލީހަށް އެރުވުމުން ނުވަތަ ޒިކުރަށް އެރުވުމުން ކިޔާގޮތް
ތައުޙީދު
ނ (1) ﷲ އެއްކައުވަންތަކަން އަންގައިދޭ ޢިލްމު (2) އިހުގައި ދީނުގެ ވާހަކަ ލިޔެގެން ގެންގުޅޭ ރައިވަރުފޮތް
ތައެކޭރުން
މ )ޏ ( ވާހަކަދައްކާއިރު އަނގަ އިތާކުރުން
ތަމަޅަ
ނ (1) ތަމަޅައިންގެ މާދަރީބަސް (2) ނއ ތަމަޅަ އިންނަށް ނިސްބަތްވާ (3) މާދަރީބަހަކަށް ތަމަޅަ ބޭނުންކޮށްއުޅޭމީހާ
ތަމަޅައިން
ނ (1) ދެކުނު އިންޑިޔާގައި އުޅޭ ތަމަޅަބަހުން ވާހަކަދައްކާ ދަރިކޮޅެއްގެ މީހުން (2) މާދަރީބަހަކަށް ތަމަޅަބަސް ބޭނުންކޮށް އުޅޭމީހުން
ތަމްސީލު
ނ ކަމެއް ނުވަތަ ވާހަކައެއްގެ ޙަރަކާތް ތަކާއި މަންޒަރު ތަކާއެކު އިސްޓޭޖެއްގައި ދައްކާދެއްކުން
ތަޖުރިބާ
(1) ކަމެއްގެ ތެރެއިން މީހަކަށް ދަސްވާ ދަސްވުން ނުވަތަ އެނގިފައިވާ އެނގުން (2) ކަމެއްގައި ޢަމަލީގޮތުން ބައިވެރިވެގެން ދަސްވާދަސްވުން (3) ކަމެއް ބަލައިގެން ނުވަތަ ކޮށްގެން ލިބޭ މަޢުލޫމާތާ ހުނަރުވެރިކަން (4) މީހެއްގެ ދިރިއުޅުމުގެ ތެރެއިން އެމީހަކަށް އެނގޭ ކަންތައްތައް (5) ކަމެއްގެ އިޙްސާސާއި އަސަރުތައް ތިމާއަމިއްލައަށް ލިބިގަނެވޭ ލިބިގަތުން
ތަޖުރިބާހުރުން
މ (1) ކަމެއްގައި ޢަމަލީގޮތުން ބައިވެރިވެގެން އެކަމެއްގެ ގޮތްފޮތް ދަސްވެފައި ހުރުން (2) ކަމެއް ބަލައިގެން ނުވަތަ ކޮށްގެން އެކަމެއްގެ މަޢުލޫމާތު ލިބިފައިހުރުން (3) ދިރިއުޅުމުގެ ތެރެއިން މީހަކަށް ދަސްވާ ކަންތައްތައް ދަސްވެފައިހުރުން (4) ކަމެއްގެ އިޙްސާސާއި އަސަރު ތިމާއަށް ލިބިފައިހުރުން
ތަޖުރިބާވުން
މ (1) ކަމެއްގައި ޢަމަލީގޮތުން ބައިވެރިވެގެން އެކަމެއްގެ ގޮތްފޮތް ދަސްވުން (2) ކަމެއްބަލައިގެން ނުވަތަ ކޮށްގެން އެކަމެއްގެ މަޢުލޫމާތު ލިބުން (3) ދިރިއުޅުމުގެ ތެރެއިން މީހަކަށް ދަސްވާ ކަންތައްތައް ދަސްވުން (4) ކަމެއްގެ އިޙްސާސާއި އަސަރުތައް ތިމާއަމިއްލައަށް ލިބުން (5) މަޖާޒު: މީހެއްގެ ގޮތްފޮތްއެނގުން
ތަޚުތަރުވާން
ނ ޚިޔާލީ ވާހަކަތަކުގައި ޕަރީން ދަތުރުކުރާ ކަމަށްބުނާ ދާނެއް
ތަޢާރުފުކުރުން
މ ބަޔަކަށް ނުވަތަ މީހަކަށް އެއްޗެއް ނުވަތަ މީހަކު ނުވަތަ ކަމެއް އަންގައި އޮޅުންފިލުވައިދިނުން
ތަޤުރީރު
ނ އިރުޝާދެއް ދިނުމަށް ނުވަތަ ނަސޭހަތެއް ނުވަތަ މަޢުލޫމާތެއް ދިނުމަށްޓަކައި ނުވަތަ ކަމަކާބެހޭގޮތުން ބައެއްގެތެރޭގައި ނުވަތަ ޖަލްސާއެއްގައި ނުވަތަ ކުލާހެއްގައި ދައްކާވާހަކަ
ތާރީފު
ނ (1) މީހެއްގެ ނުވަތަ ކަމެއްގެ ނުވަތަ އެއްޗެއްގެ ރަނގަޅުކަމާއި ފުރިހަމަ ކަމުގެވާހަކަ (2) ރުހޭކަމާއި ގަބޫލުކަން އެންގުމަށް ދައްކާވާހަކަ
ތާރީފުކުރުން
މ މޮޅުކަމާއި ފުރިހަމަކަމާއި ރަނގަޅުކަމުގެ ވާހަކަ ދެއްކުން
ތާރީފުލިބުން
މ މީހަކަށް ނުވަތަ މީހަކު ކުރިމަސައްކަތަށް މޮޅުކަމާއި ފުރިހަމަކަމުގެ ބަސްތައް ރައްދުވުން
ތާރީޚު
ނ (1) ސަނަތު. (2) ކަމެއްހިނގި ނުވަތަ އެއްޗެއް އުފެދުނު ދުވަސް. (3) ރަސްރަސްކަލުންނާއި މަޝްހޫރު މީހުންގެ ނަސަބާއި ވާހަކަތަކާއި އެމީސްމީހުން އުފަންވި ދުވަހާއި މަރުވިދުވަސްވަރާ ބެހޭ މަޢުލޫމާތު. (4) ތާރީޚް ޢިލްމު (5) ކަމެއް ހިނގަމުން އައިގޮތް ލިޔެފައިވާ ލިޔުން ނުވަތަ ކިޔައިދީފައިވާ ކިޔައިދިނުން