radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ސައްބު
ނ (1) ހުދުކުލައިގެ މަޢުދަނީ ލޮނެއް މިއީ ބޭހަށް ބޭނުންކުރާ އެއްޗެކެވެ މީގައި ދޫތޮރުފާގޮތެއް ހުރެއެވެ މި ހުންނަނީ ގަނޑުގަނޑަށް ހަރުކޮށެވެ (2) މަޖާޒު: ތުނބުޅި މަތިމަސް ނުފަޅާ ފިރިހެނާ
ސައްބުލަނގިރި
ނ ފާޑުފާޑުގެ ހެއްވާ ހެދުންތަކެއް އަޅައިގެން ބެރުގެ ބަދަލުގައި ޓައްޕު ޖަހަމުން ލޮއްބޭގެ ލަވަކިޔަމުން ލަކުޑިން ލިޔެފައި އޮންނަ ކުރަޔަކުން އެސްފީނާޔަށް ފެންއަޅާގޮތަށް ދައްކަމުން ކުޅުނު ހެއްވާ ކުޅިވަރެއް މި ކުޅިވަރު ކުޅުނީ ގަލޮޅުގެ ބަޔެކެވެ
ސައްދާދުވާހަކަ
ނ މަޖާޒު: ބޭކާރު ދިގުވާހަކަ
ސަދަބު
ނ ގުޑުގުޑާގެ އަބުނައިގެ ކޮޅުގައި ތިމަރައިން ލިޔެ ފައި ޖަހައިފައި ހުންނަ އެއްޗެއް
ސަލާންބަލައިގަތުން
މ މީހަކު އައްސަލާމް ޢަލައިކުމް މިހެން ބުނުމުން އެއަށް ޖަވާބުދިނުން
ސަލާންބުނުން
މ (1) ސަލާން ފޮނުވުން (2) ދާންޖެހޭ ތަނަކަން އުޒުރެއް މެދުވެރިކޮށް ދެވެން ނެތްކަން އެނގުން
ސަލާންކުރުން
މ އަތްޖޯޑުކުރުން
ސަލާންޖެހުން
މ (1) މީހެއްގެ ގާތަށްގޮސް އެއްޗަކަށް އެދި ސަލާން ގޮވުން (2) މަޖާޒު: އާދޭސް ކުރުން
ސަލާމަތި
ނ (1) ނާ ފަހަރާއި އޮޑިފަހަރުގެ ނަގިލީގައި ޖަހާ ކެނބުގެ ބާވަތެއް. (2) ބައެއް ރަސްމީ ކަންކަމުގައި ޢިއްޒަތް ދިނުމުގެ ގޮތުން ބަޑިބެރު ފަށާއިރު ޖަހާލަވައެއް
ސަލާމަތިޖެހުން
މ ބައެއް ރަސްމީ ކަންތަކުގައި ބަޑިބެރު ފަށަން ޖަހާ ބެރެއް ޖެހުން މިސާލު: )ހ( މަޖުލިސުއްތަޝްރީފާތު ފެށޭނީ ތިންބަޑި ޖެހުމާއެކު ބަޑިބެރުން ސަލާމަތި ފެށީމައެވެ )ށ( ގަނޑުވަރު ތެރޭގެ ބޭފުޅަކު އަންހެން ބޭފުޅަކައިގެން ރައްކާވެއްޖެނަމަ ބަޑިބެރު ފަށާނީ ސަލާމަތިންނެވެ
ސަލާމަތްކުރުން
މ (1) މިންޖުކުރުން (2) ރައްކާތެރިކުރުން (3) ދިފާޢުކުރުން
ސަލާމަތްވުން
މ (1) ރައްކާތެރިވުން (2) މިންޖުވުން (3) ދިފާޢުވުން
ސަލާމަތްވެގަތުން
މ (1) ރައްކާތެރިވެގަތުން (2) ނުރައްކަލަކުން ދިނިގަތުން (3) މަޖާޒު: ކަމެއް ބޮލުން ނައްޓައިލުން
ސަލާމާހިނގުން
މ ސަލާންޖެހުން
ސަލީބަށްއެރުވުން
މ މި ސިފަޔަށް ހަދައިފައި ހުންނަ ކާލިނގަކަށް މީހަކު އަރުވައި މޮހޮރުޖަހައި ހައްޔަރުކޮށް މަރައިލުން
ސަލްފަރު
ނ (1) ރީނދޫކުލައިގައި ހުންނަ ފުށެއް ކެމިކަލްގޮތުން މި އެންމެ އެއްގޮތީ އޮކްސިޖަނާއެވެ ބަޑިބޭހާއި އަލިފާން ދަނޑިއާއި ކަރުދާސް ހަދާ ފެކްޓަރީތަކުގައި މި ބޭނުންކުރެއެވެ (2) ކައްސަނދުވާނި
ސަޓަނި
ނ ފިޔަޔާއި މިރުހާއި ކޮށައި އޭގެތެރެއަށް ހުތްޖަހައި ލޮނުލައިގެން މޮޑެފައި ހުންނަ ކާ އެއްޗެއް މިއީ ކެއުމުގެ ތެރޭގައި ބޭނުންކުރާ އެއްޗެކެވެ މިއަށް ތަފާތު ބާވަތް ބާވަތުގެ އެއްޗިހި ލައިގެން ތަފާތު ސަޓަނި ހަދައި އުޅެއެވެ
ސަޓައިންބޭރު
ނއ މަޖާޒު: ޖަމާޢަތުން ބޭރު
ސަޓަޔަށްމުއްޓަށްދިއުން
މ މަޖާޒު: އެއްޗެހި ތަކެއް އެގޮތް މިގޮތަށް ބަހައި ހުސްވުން
ސަޓާބޯޓު
ނ އިހުގައި ހިތި ވިލޭރެއަށް މާލޭގައި ހަދައި އުޅުނު އުޅަނދެއް މިހުންނާނީ މަގުގެ އެއް ފަރާތުގައި ބޯކަރުދާހާއި ސަޓާޖަހައިގެން ވަރަށް ރީތިކޮށް ހަދައިފައެވެ މިއީ ރަދުން އެ އުޅަނދު ފަސްދެއްވައި ވަޑައިގަތީމާ ރޯކޮށްލާ އެއްޗެކެވެ