radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ދެފަށްލާޖަހައި ކުރެހުން
މ ލިޔެލާ ޖަހާއިރު ދެކުލައިގެ ދެފަށްލާ ދުއްވުމަށްފަހު މަތީފަށް ކެނޑޭގޮތަށް ކުރެހުމެއް އެޅުން
ދެފަށްލާޖެހުން
މ ލިޔެ ލާޖެހުމުގައި ލާފަށެއްގެ މައްޗަށް އެހެން ކުލައެއްގެ ލާފަށެއް ދުއްވައިލުން މިހެން ހަދަނީ ކުރެހުމަށްޓަކައެވެ
ދެފަންޖެހިއޮލި
ނ ފަނުން އެންމެ ދެރަކޮށް ހިޔާކޮށްފައި ހުންނަ ޖިފުޓި
ދެފުށަށްމިޔައެޅުން
މ ވަޅިފަދަ ތޫނު އެއްޗެއްގެ ދެފަރާތުގައި މިޔައުފެއްދުން
ދެފުށުއެޅުން
މ (1) ޚިޔާލު ދެއަތަށް ކިރިކިރި ހުރުން (2) ކުރަން ނުކުރަން ހުރުން
ދެފުރާޅުޖެއްސުން
މ މަޖާޒު: ހިޔާކުރުން
ދެފެންދޭތެރެ
ނ މުޅިން އަޑިޔަށް ނުގޮސް ކިރިޔަކިރިޔާ ފެނުން މައްޗަށް ހިކިލައިފައި ހުންނަވަރު
ދެދުނިޔެ
ނ ދުނިޔެއާއި އާޚިރަތް
ދެދުނިޔޭން ގެއްލުން
މ މަޖާޒު: (1) ހެޔޮކަމެއްނުކޮށް ހުސްނުބައިކަންތައް ކުރާ މީހުނާމެދު ބުނެއުޅޭ ބަހެއް (2) ދުނިޔެއާއި އާޙިރަތުން ގެއްލުން
ދެދޮށިބެރެއްސި
ނ ދެދޮށިއެއްކޮށް ބަނުމަށްފަހު އެއްމިޔަވާލި ލައިފައި ބޮޑެތި މަސްބާނަން ތައްޔާރުކުރާ ދޮށި
ދެލި
ނ (1) ނާއްޓާއި ދަރުފަދަ ތަކެތި އެނދީމާ އަޅިޔަށްނުވެހުންނަބައި (2) ލިޔުމަށާއި ޗާޕްކުރުމަށް ބޭނުންކުރާ އޮލަ ނުވަތަ ދިޔާ އެއްޗެއް މިތަފާތު ކުލަކުލައިގައި ހުރެއެވެ (3) ދަރުފަދަ ތަކެތި އެނދީމާ އަޅިޔަށްނުވެ ހުންނަބައި ފުނޑައިގެން އޮޑިދޯނި ފަހަރުގެ ބޭރުގައިލާން ތައްޔާރުކުރާ ދިޔާ އެއްޗެއް (4) ދުމުގެ ސަބަބުން އުފެދޭ ކަޅު އެއްޗެއް
ދެލިހިއްކާކަރުދާސް
ނ (1) ދެލިވަންނަގޮތަށް ހަދައިފައި ހުންނަ ކަރުދާސް (2) ދެލިއަޅާ ގަލަމުން ލިޔާއިރު ދެލިހިއްކަން ބޭނުންކުރާ ކަރުދާހެއް
ދެލިނިވުން
މ ދަރާއި ނާއްޓާއި ބޮނބިފަދަ ތަކެތި ރޯކޮށްގެން ރަނގަޅަށް އެންދުމަށްފަހު ހުލިވެ އަޅިޔަށް ނުވަނީސް ފެންޖަހައި ނުވަތަ ވެލިއަޅައި ނިވުން
ދެލިކެނޑުން
މ (1) އޮޑިދޯނި ފަހަރު ބަންނައިރު މަތީމަޑޫ ހިމުންކުރުމަށް ދަށު މަޑުލުގެ މަތީކައިރީގައި ދެލިލައިގެން އެދެއްޔަށް މަތީމަޑޫ ހިމުންވާގޮތަށް މެށުން (2) ދެލިހޮޅި ލައްވައިގެން ލިޔާ ގަލަމުންލިޔާއިރު ދޭތެރެދޭތެރެއިން ދެލިނުހިނގުން (3) ގަލަމަށް ލައްވާ ދެލި ހޮޅީގައި ދެލިތައް ބައިބައިވެފައި ހުރުން
ދެލިއަޅާގަލަން
ނ ދިޔާކޮށް ހުންނަ ދެލި ގަލަމުގެ ތެރެއަށް އަޅައިގެން ލިޔަން ބޭނުންކުރާ ގަލަމެއް
ދެލޯބޮލި
ނ )ޅ ( އަޅިރަތްކުލައެއްގައި ހުންނަ ބޮއްޔެއް މިބޮލީގެ ބޯކޮޅުގައި ކަޅު ދެތިކިހުރެއެވެ
ދެގަނޑެތި
ނ ބައެއް ކަހަލަ އެއްޗެހީގެ ދެއެއްޗަށް ކިޔާގޮތެއް މިސާލު: )ހ( ދެގަނޑެތި މަހުން އަތުވެއްޖެ )ށ( ދެގަނޑެތި ޖައްސައިފައި ބޯލްޓް އަޅާށެވެ )ނ( ލައިގެންހުރި ދެގަނޑެތިނޫން އެއްޗެއްނެތެވެ
ދެގަބަތެޅުން
މ )ސ ( ދެމޮޔައިން އަރާރުންވުން
ދެގަސްފޭލި
ނ ރަސްރަސް ކަލުންނާއި ރަނިރަނިކަނބަލުންގެ ސަންދޯއްޕުޅު އުފުލާއިރު ކޮނޑުމަތީގައި ބާއްވާ ކުޑަފޭއްޔެއް
ދެގެދޭތެރެ
ނ ގަނޑުވަރުތެރޭގައި ހުންނަ އުތުރުގެކޮޅާއި ދެކުނުގެކޮޅާއި މިދެގެކޮޅުގެ ދޭތެރެއަށް ކިޔާނަން