radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ގޮނޑިގާ
ނ މަހާނަގާ އިންދަން ހަދައިފައި ހުންނަބައި މަހާނައިގައި ގާޖަހާއިރު މިބައި ހުންނަނީ ފަސްގަނޑުގެ ތެރޭގައި ވަޅުލައިފައެވެ
ގޮނޑީގައިޖަހާ ކޮޅުންއަޑުއެހުން
މަޖާޒު: މީހަކު ބުނާ އެއްޗެއް ބުނިގޮތް ނޫންގޮތްގޮތަށް އަޑު އިވޭ މީހުންނާ މެދު ބުނެއުޅޭ ބަހެއް
ގޮނޑުނެގުން
މ އާއްމުކޮށް ކުނިއަޅަން ހަމަޖައްސައިފައިވާ ތަނެއް ސާފުކުރުން
ގޮނޑުކެހުން
މ (1) ގޮނޑު ސާފުކުރުން (2) )ހ ( ގޮނޑެން ޖެހުން
ގޮނޑުދޮށަށްއެރުން
މ މަޖާޒު: (1) ކުޑަކަމު ނުވަތަ ބޮޑުކަމު ދިއުން (2) އަތިރިއަށް ދިއުން
ގޮނޑުދޮށަށްފޭބުން
މ މަޖާޒު: ގޮނޑުދޮށަށް އެރުން
ގޮނޑެއްނެގުން
މ މަޖާޒު: މީހަކު މާގިނަ އެއްޗެހި އެއްފަހަރާ ކާން އިންދައި ފެނުމުން ބުނުއުޅޭ ބަހެއް
ގޮނޑެއްގައި އޮތަސް މުތެއް ވާނީ މުތަކަށެވެ
(މުސްކުޅިބަހެއް) ގޮނޑެއްގައި އޮތަސް ޖަވާހިރެއް ވާނީ ޖަވާހިރަކަށެވެ
ގޮނަކަށްގޮނެއް
ގބ )މުސްކުޅިބަހެއް( މީހަކު ހަދިޔާއެއް ފޮނުވައިފިނަމަ އަނެކަކުވެސް އެއްޗެއް ފޮނުވަން ޖެހޭނެ ކަން އެންގުމުގެ ގޮތުންބުނާ ބަހެއް
ގޮނިވުން
މ (1) އެތެރެއަށް ލެނބުން (2) އެތެރެއަށްޖެހުން (3) އިތި ވުމުގެ އިދިކޮޅު
ގޮނީފުލަށްފޭބުން
މ (1) މަސްބައްދާއިރު މަސްބައްދާ ގޮނީގެ ފުލަށް އެރުން (2) މަޖާޒު: މަސައްކަތް ކުރާހާ ވަރުނެތް މީހުންނާމެދު ބުނެއުޅޭބަހެއް މިސާލު: މޫސަބޭދެން މިހާރު އެހެރީ ގޮނީ ފުލަށް ފައިބައިފައެވެ
ގޮން
ނ. (ގ) (1) ހަތަރު އަރިގޮތަކަށް ބޭރުގެ ބުރުހުންނަ ފަރުމަހެއް. (2) ނަނު އަޅާއިރު އުޅި ހިފެހެއްޓުމަށް ލަކުޑިން ނުވަތަ މަޢުދަނުން ހަދައިފައިވާ އެއްޗެއް. މިހުންނަނީ ފިތް ކަނޑައިފައެވެ. (3) ޖަހާގޮން (ގޮންޖެހުން ބަލާ!)
ގޮންޏަށްދިއުން
މ މަޖާޒު: މަސްހިފަން ދިއުން
ގޮންޖެހުން
ނ (1) އަންހެނުން އިހުގައި އީދުތެރޭގައި ކުރާކަމެއް. މިކަންކުރާގޮތަކީ ފަހަތުން ދުވެފައިގޮސް "ޢީދުބޮލަށްގޮން" މިހެން ކިޔައިފައި އެ ފިރިހެން މީހާގެ ބޮލުގައި ނުވަތަ ކޮނޑުގައި އަތުން ޖަހައިފައި ދިއުމެވެ. މިއީ އަންހެނުންގެ ކެރޭކަން ދައްކަންކުރާ ކަމެކެވެ. (2) ވާދަކުރުން. (3) މަޖާޒު: މީހަކު ނުވަތަ ބަޔަކު ކަމެއް ކުރުމުން އެހެން މީހަކު ނުވަތަ އެހެން ބަޔަކު އެކަމެއް އެއަށްވުރެ މޮޅަށް ކުރާނެކަމަށް ބުނުން
ގޮރު
ނ (1) ފަހަރުވާ (2) އިންސާނުންނާއި ޖަނަވާރު ކުޑަކަމުދާ އެއްޗެހި
ގޮރުބުޑު
ނ މަޖާޒު: ކޮންމެވެސްވަރަކަށް ގޮރުވަސް ހުންނަ ނުތާހިރުކޮށް ތިބޭޅަދަރިމައިން ނުވަތަ އެފަދަމީހުން ދެރަކޮށްލުމުގެ ގޮތުން ބުނެއުޅޭބަހެއް
ގޮރުލޯގަނޑަށްވެއްޓުން
ގބ މަޖާޒު: ޅަދަރިމައި އަންހެނަކާ މީހަކު އިނުމުން ބުނެއުޅޭ ބަހެއް
ގޮބިޔާ
ނ )ގ ( (1) ނިދަންމިޔަރު (2) މަޖާޒު: ނިދިގިނަމީހާ
ގޮބޮޅިޖެހުން
މ ފަންޑިތަވެރިކަމުގެ ގޮތުން ކުރާ ކަމެއް. މިކަންކުރާގޮތަކީ ދިވެހިރުކުގެ ގޮބޮޅިއެއްގައި ލިޔެ ވެސްނޫފަދަ އެއްޗަކުން ކަޅިކޮށް ދުންބުރުވައި އޮޑިއެއްނަމަވެސް އަދި ރަށެއް ނަމަވެސް ކިޔަވައި ނިއުޅުންކޮށް ވަކި ތަނެއްގައި ޖަހައި ގޮބޮޅި ފަޅައިލަނީއެވެ
ގޮޅަހެރެ
ނ )ސ ( ރާވެރިން ރުކަށްގެންދާ ބައްޖާއި ފެންއުނބާއި ކަންފައްޗާއި މިހުރިހައި އެއްޗެއްސަށް އެއްކޮށް ކިޔާގޮތް