radheef.info
ރަދީފު


ބަ
އ އައްބަ
ދަންތުރަ
ނ (1) އެއްގަމުގައިއުޅޭ ބައެއްކަހަލަ ދިރޭއެއްޗެހި ހިފުމަށްޓަކައި ޖަހާމަޅިއެއް މިމަޅިވަރަށް ގިނަގޮތްގޮތަށް ޖަހައެވެ (2) މަޖާޒު: މީހަކަށް ކެއްސެއް ދިނުމަށްޓަކައި ރާވާ ރޭވުން
ދަންގުބަލި
ނ ފިނިބަލީގެ ބާވަތެއް
ދަންޑެހެލުބޭކަލުން
ނ ކަލާސީންގެ ބައިތަކުގެ ވެރިކަން ދެއްވައިފައިވާ މީހުން
ދަންޑެހެލުކަން
ނ (1) ސަރުކާރުން ދެއްވާ ވަޒީފާއެއްގެ ނަން (2) ކަލާސީންގެ ތެރެއިން ބައެއްގެ ވެރިކަން (3) ނާނާފަހަރުގެ މަސައްކަތު މީހުންގެ ވެރިކަން
ދަންޖެހުން
މ (1) މަރުވުމުގެ ނިޔަތުގައި ކަރުގައި މަޅިއެއްބައްދައި އެމަޅިއަށް ބާރުވާގޮތަށް އެލިގަތުން (2) މަޖާޒު: ކަމަކާމާބޮޑަށް އެދުންވެރިވެގެން އުޅުން
ދަންޖެއްސުން
މ މީހަކު މެރުމަށްޓަކައި އެމީހާގެ ކަރުގައި މަޅިއެއް ބައްދައި އެލުވައިލުން
ދަރަހިލުން
މ (1) ރޯގާމޮޅުވުމާ އެކު މީހުން މަރުވަމުން ދިއުން (2) މަޖާޒު: ސިޔާސީގަޑު ބަޑެއް ފަދަ ކަމެއް ފާޅުވުމުގެ އަސަރުތައް ފެންނާން ފެށުން
ދަރަނަ
ނ (1) ތަނަކަށް ނިސްބަތްވާ ހުރިހާ ތަކެތި (2) ޢިމާރާތާގުޅޭ ހުރިހާ ތަނެއް
ދަރަނިވެރީންގެބައި
ނ ދަރަނިވެރިންނަށް ޒަކާތުން ލިބެންވާބައި
ދަރަޖަ
ނއ (1) މިންވަރު (2) ފެންވަރު (3) ގަދަރު (4) ޢިއްޒަތް (5) ނ ވަށްބުރެއްގެ 063 ބައިކުޅައެއްބައި
ދަރާ
ނ (1) އޮޑިފަހަރާއި ބައްތެލިފަހަރުގެ މައިހަފޮޅުގެ ދަށުން ބަނޑުފިލާގެ ބަނޑުވައްތަކުގެ މަތީގައި ދިގަށް އަޅައިފައި ހުންނަ ފަތި (2) ދެރުން މިބަހުގެ ވާކަން
ދަރާވިކުން
މ (1) މާބޮޑަށް ދަރަނިވެރިވުން (2) މަޖާޒު: މީހެއްގެ އަތުން މާގިނަ އެއްޗެހިތަކެއް ބޭނުން ކުރުމުގެ ސަބަބަބުން އެމީހާގެ ދަށުވުން
ދަރި
ނ (1) ބަނޑުއަޅައި ވިހާ ނުވަތަ ބަނޑުގައި އުފެދޭ ކުއްޖާ (2) ބިހުންއުފެދޭ ޅައެތި (3) ބައެއްޖަނަވާރާއި ބައެއް މަސްމަހާމެހި ބަނޑުއަޅައި ވިހާ ނުވަތަ ބަނޑުގައި އުފެދޭ އެތި (4) ނަސްލަކުން އުފެދޭ ކޮންމެ އެއްޗެއް (5) މަޖާޒު: ޤައުމަކަށް ނުވަތަ ރަށަކަށް ނިސްބަތްވާ މީހެއް މިސާލު: ދިވެހިދަރިއެއް
ދަރިބޭލުން
މ ބަނޑުގައި އޮތް ދަރިވައްޓައިލުން
ދަރިކަނބަލުން
ނ އަންހެންދަރިފުޅު މިބަސް އެންމެ މާތްކޮށް ކިޔާގޮތް
ދަރިކަނދޮ
ނ )ޏ ( ގަހެއްގެ ޅަދެގޮފިފަލަވެގެން ދާއިރު އެއްވެފައި ހުރުމުގެ ސަބަބުން ލަކުޑިގަނޑުގެ ތެރޭގައި ތޮށީގެ އަސަރާއެކު ދެބައިވަކިވާ ކަހަލަ ގޮތަކަށް ހުންނަ ތަން
ދަރިކަލުން
ނ ފިރިހެން ދަރިފުޅު މިބަސް އެންމެ މާތްކޮށް ކިޔާގޮތް
ދަރިވަރުން
ނ (1) ކިޔަވާކުދިން (2) ދަރިވަރު މިބަހުގެ ގިނަގޮތް
ދަރިވަރުވުން
މ (1) މީހެއްގެ ގާތުން ފުދޭވަރަކަށް ޢިލްމު އުނގެނުން (2) މަޖާޒު: މީހެއްގެ ފުށުން ނުބައިކަންތައްތަކެއް ދަސްވުން
ދަރިވައްޓައިލުން
މ ކޮންމެވެސް ވަސީލަތެއްގެ ބޭނުންކޮށްގެން ބަނޑުގައި އޮންނަ ދަރިފުޅު ބަނޑުން ބޭރުކޮށްލުން