radheef.info
ރަދީފު


ޑ
ނ ތާނައިގެ އަށާރަވަނަ އަކުރު
ހިއްތަން
ނ މޫދުގައި އުޅޭ ހަންދަޒާތުގެ ބޮޑު އެއްޗެއްގެ ނިޔަފަތި މިއީ ބޭހަށް ގެންގުޅޭ އެއްޗެކެވެ އޮންނާނީ ބޮޑުކޮށް ސަނދަރަބޮއްޔެއްހެނެވެ
ހިއްތަލަ
ނ ހިތިފިލުވައިގެން ކާގޮނޑިއެއް މިއީ ރާއްޖޭގައި ވަރަށް ގިނައިން ހެދޭ ކާނާއެކެވެ މިއެންމެ ވައްތަރުވާނީ ވިލާތު އަލުއްވާއެވެ
ހިއްލައިލުން
މ (1) އެއްޗެއްގެ އެއްކޮޅު ނުވަތަ އެއްފަރާތް ކުޑަކޮށް އުފުލައިލުން (2) ވޮލީކުޅޭއިރު ޝޮޓްޖެހުމަށްޓަކައި ބޯޅަ އުފުލައިލުން
ހިއްޕަބޯ
ނ )ރ ( ދޮންހުއިފިލަނޑާ
ހިއްޕާދަތި
ނ ވަޑާމުގެތެރޭ ދޭތިގަނޑު ގާތްކޮށް ތަތްކުރަން ބޭނުންކުރާ އަތްދަތި. މިއީ ދެއެއްޗެއް ގާތްކޮށް ހިމުން ކުރުމަށާއި އެއްޗެއް ނުގުޑާގޮތަށް ހިފެހެއްޓުން ފަދަ ކަންކަމަށް ބޭނުންކުރާ އެއްޗެކެވެ
ހިއްޕުން
މ (1) ތަތްކުރުން (2) ދެމީހުންލައްވާ އޮޅުލެއްވުން (3) އޮޑިދޯނިފަހަރު އެހެލާންވެގެން ބީއްސުން (4) އަނެކަކު އެއްޗެއްގައި ހިފާނޭގޮތް ހެދުން
ހިއްޗަށްވަޑައިގަތުން
މ (1) ރަމަޟާންމަހު 22، 24، 26، 28 މިދުވަސް ދުވަހު ހަވީރު ނުވަތަ މިދުވަސް ދުވަހާއި ވިދިގެން އަންނަ ރޭރޭ ކުރާރަސްމީ ކަންތައް އަދާ ކުރެއްވުމަށް ރަދުން ނުވަތަ ހަތްކޮޅު ނަގާ ބޭފުޅުން އެދުވަހަށް ޚާއްޞަ ވެގެންވާ ޒިޔާރަތެއްގެ ދޮށަށް ރަސްމީގޮތުގައި ވަޑައިގަތުން (2) "ހިތި" ބަލާ!
ހިވިކަނދު
ނ )ބދ ( ދަށްބަނޑު
ހިމަނަގޫމަޑި
ނ )ހ ( ނަރުނަގޫމަޑި
ހިމަބިހި
ނ ހުންއައިސްފައި ގައިގެ ހަމުން ނުލާހިކު ގިނައިން ކުދިކުދި ބިހިތަކެއް ނަގާ ބައްޔެއް މިއީ ވަރަށް ފަސޭހައިން އެކަކުގައިން އަނެކަކު ގަޔަށް އަރާ ބައްޔެކެވެ މިބަލި ގިނައިން ޖެހެނީ ކުޑަކުދީންނަށެވެ
ހިމަބޯދު
ނ ބޯދީގެ އާއިލާގެ ބާވަތެއް މިއީ އެހެނިހެން ބޯދީގެ ބާވަތްތަކަށްވުރެ ހިމަ އެއްޗެކެވެ މީގެ ބަނޑުދޮށް ފަރާތުން ކަރުތާފަތާ ދިމާ ތިރީގައި ހުންނަ ކޮތަރިބައި ބޮލުގެ ދިގުމިނުގެ ދެބައިކުޅަ އެއްބައިހާ ދިގެވެ މަހުގެ ކުލައަކީ މަޑު ފިޔާތޮށި ކުލައެވެ މަހުގެ ތުނބުން ފެށިގެން ލޯހުރަސްކޮށް މަހުގެ ކަރުތާފަތްގަނޑުގެ ކޮޅަށް ގަދަމުށި ކުލައިގެ ރޮނގެއް ދެމިފައި ހުރެއެވެ
ހިމަތޮޅި
ނއ ހެދިހުރި ހަށިގަނޑު ހިމަ
ހިމަތޮޅިކަން
ނއނ ހެދިހުރި ހަށިގަނޑުގެ ހިމަކަން
ހިމަތޮޅިވުން
މ ހެދިހުރި ހަށިގަނޑު ހިމަވުން
ހިމަގޮހޮރު
ނ އިންސާނުންނާއި ޙައިވާނުންގެ ބަނޑު ތެރޭގައި ސަނގަލާ ޖެހިފައި އޮންނަ ގޮހޮރު
ހިމާރު
ނ ތަކެތި އުފުލުމަށާއި ސަވާރުވުމަށް ބޭނުންކުރާ މަޝްހޫރު ޖަނަވާރެއް މިއީ އެންމެ ގަބު އެންމެ އަޑުހުތުރު ޖަނަވާރެވެ
ހިމުން
ނއ (1) ފުށްކުދި (2) ފުއްބޮޑުކަމުގެ އިދިކޮޅު (3) ރާޅުކަމުގެ އިދިކޮޅު (4) ދެގަނޑެއްޗެއް ޖެހިފައި ހުންނަލެއްގާތް (5) )މ ( އެދޭގޮތަށްވުން މިސާލު: އޭނާކުރާ ކަންތައް އަހަންނަށް ވަރަށް ހިމެއެވެ
ހިމުންކަން
ނއނ (1) ފުއްކުދިކަން (2) ދެގަނޑެއްޗެއް ޖެހިފައި ހުންނަލެއް ގާތްކަން
ހިމުންކުރުން
މ (1) ފުއްކުދިކުރުން (2) ރާޅުކަން ކުޑަކުރުން (3) ދެގަނޑެއްޗެއް ގާތްކޮށް ޖެއްސުން
ހިމުންވުން
މ (1) ފުއްކުދިވުން (2) ރާޅުކަންކުޑަވުން (3) ދެއެއްޗެއްގެ ފައްތަރު ގާތްކޮށް ޖެހުން (4) ހިންމިގާތްވުން