radheef.info
ރަދީފު


ގ
ނ (1) ތާނައިގެ ފަނަރަވަނަ އަކުރު )ގަވިޔަނި( (2) އަކުރު ފިލި ތާނައިގެ ސުކުން
މިނިކާ
ނއ އިންސާނުންގެ މަސްކާ
މިނިކާވަގު
ނ އިންސާނުންގެ މަސްކައިއުޅޭ ޖަނަވާރެއް މިއީ ބުޅަލާ ވައްތަރު އެއަށްވުރެ މާބޮޑު އެއްޗެކެވެ
މިނިކާމީހުން
ނ އިންސާނުންގެ މަސްކައި އުޅޭ މީހުން
މިނިކާސޫފި
ނ އިންސާނުންގެ މަސްކައިއުޅޭ ޖަނަވާރު
މިނިކިރު
ނ އަންހެނާގެ އުރަމައްޗަށް އެރޭކިރު
މިނިއަނދާވަސް
ނ އިންސާނުންނާއި މިނޫންވެސް ފުރާނަ އެޅުއްވި ބައެއް އެއްޗެހި ނުވަތަ މިފަދަ އެއްޗެއްގެ ބައެއް އަނދާއިރު ދުވާވަސް
)މިނިވަން މީހާ( މިނިވަނާ
ނ އަޅުވެތިކަމުން ސަލާމަތްވެގެންވާ މީހާ
މިނިވަން
ނއ (1) އަޅުވެތިކަމެއް ނެތް (2) ހުހަށްހުރި (3) ބަންދެއް ނެތް (4) ޤާނޫނީ އަދި ސިޔާސީ ޙައްޤުތައް ލިބިގެންވާ (5) މުޢާ މަލާތު ކުރުމުގައި އެއްވެސް ހުރަހެއްނެތް
މިނިވަންކުރުން
މ (1) އަޅުވެތިކަމުން ސަލާމަތް ކުރުން (2) ބަންދެއްގައި ހުރި މީހަކު ދޫކޮށްލުން (3) މަޖާޒު: އިނދެގެން އުޅޭ މީހާ ވަރިކުރުން
މިނިވަންވުން
މ (1) އަޅުވެތިކަމުން ސަލާމަތްވުން ނުވަތަ މިންޖުވުން (2) ބަންދަކުން ސަލާމަތްވުން (3) މަޖާޒު: އިނދެގެން އުޅޭ މީހާގާތުން ވަރިވުން
މިނިމަސް
ނ އިންސާނުންގެ މަސް
މިނިގުއި
ނ އާދަމުގެ ދަރިން ބޮޑުކަމުދާ އެއްޗެހި
މިނިސްޓަރު
ނ (1) ވަޒީރު (2) ބޮޑުވަޒީރަކު ނުވަތަ ރައީސަކު ހޮވާ އޭނާގެ ސަރުކާރުގެ މެމްބަރެއް
މިނިޓް
ނ. މިނެއްޓު (ގަޑިއެއްގެ އިރުގެ ފަސްދޮޅަސްބައިކުޅަ އެއްބައި)
)ބޮޑުކަށި( މިނިޓްކަށި
ނ ގަޑީގެ މިނިޓް ބަލާ ކަށި
މިނީކާނށިގަނޑޮ
ނ )ޏ ( ކަކުލުގެ ފިޔަން ކަށިގަނޑު
މިނީގޫ
ނ )ޏ ( މިނިގުއި
މިނުން
މ (1) ނާޅި އަޑުބާ ފަދަ އެއްޗަކުން ނުވަތަ އެނޫންވެސް ގޮތަކުން އެއްޗެއްގައި ހުރި މިންވަރު ބެލުން. (2) ފުރާދުއްވާ އެއްޗެހީގެ ބޮޑުމިނާއި އެއެއްޗިއްސަށް މުދާ އެރުވޭވަރު ބެލުން (3) ބިންބިމާއި ޢިމާރާތްފަދަ ތަންތަނާއި ލަކުޑިފަދަ ތަކެތީގެ ބޮޑުމިން ބެލުން (4) ކުންފުންޏާއި ފިހާރަ ފަދަ ތަންތަން ހިސާބުކުރުން
މިނެކިރުން
މ (1) އެއްޗެއް ވަޒަންކުރުން (2) އެއްޗެއްގައި ހުރިވަރެއް ބެލުން
މިނެއްޓު
ނ (1) ފަސްދޮޅަސް ސިކުންތު (2) އެއްގަޑިއިރުގެ ފަސްދޮޅަސްބައިކުޅަ އެއްބައި