radheef.info
ރަދީފު


ދޫ
ނ (1) އިންސާނުންގެ އަނގައިގެ ތެރޭގައިވާ ވާހަކަދެއްކުމަށް އެހީވެދޭ ގުނަވަން. (2) ރަހަބެލުމުގެ ގުނަވަން. (3) ގޮނޑި އަލަމާރި މޭޒު ދޮރު ދޮރުފަތްފަދަ ތެދުއުއިވަޑާމުގެ ތަކެތި ހެދުމުގައި އެއްބައި އަނެއް ބަޔަށް މެހުމަށް ވަށައިގެން ކަނޑައި ކޮޅުން ނެރެފައި ހުންނަ ތަންކޮޅު. (4) ތަޅުލުމަށާއި ހުޅުވުމަށް ތަޅާއި ތަޅުދަނޑީގައި ހުންނަ ތަންކޮޅު. (5) ވައިޖަހާ އެއްޗިއްސަށް ވައިވައްދަން ހުންނަ ތަންކޮޅު. (6) ބާރު މިބަހުގެ ހަތަރުވަނަ މާނައިގެ އިދިކޮޅު (7) ވާން މިބަހުގެ އިދިކޮޅު (8) ފަލިތަންޑުގެ ކޮޅުގައި ފެނުގައި އެޅުވުމަށް ހަރުކޮފައި ހުންނަ ފިލާކޮޅު (9) ރަށް
ފިނދު
ނ (1) އާދަމުގެ ދަރިންނާއި ޖަނަވާރާއި ދޫނި ސޫފާސޫފީގެ ބޮޑުކަމު ނަޖިސް ނުކުންނަ ދޮރާއި ކުޑަކަމު ނަޖިސް ނުކުންނަ ދޮރު. (2) ތެލަނގަ އާއި މަޑިފަދަ އެއްޗެހީގެ ފަހަތުކޮޅުގައި ގުޅާނަގޫ. (3) އިންސާނުންނާއި ޖަނަވާރުގެ ފިނދުމަސްގަނޑު. (4) އެއްލާގުޑީގެ ތެރޭގައި ހިމެނޭ ވާލުގެ ފަހަތުކޮޅުން ދެފަޅިއަށް ފަޅައިފައި ހުންނަތަން. (5) ކުކުޅު ހާލާއި ދޫނީގެ ފިނދުފަތްގަނޑު.
ފިނދުފަތްގަނޑު
ނ ކުކުޅު ހާލާއި ދޫނީގެ ފަހަތުކޮޅުގައި ހުންނަ ފަތްތައް
ފިއްގޮވާ ދޫނި
ނ ފެންފޯއް ދޫނި
ފިލުނދު
ނ (1) ކައްކައިފައި ހުންނަ ކާއެއްޗެހި ރާމާވުމަށް ފަހު ކުނިވުމުގެ ކުރިން އައިސްފައި ހުންނަ ބަދަލު. (2) ދިރޭ އެއްޗެހި )އިންސާނުން ނާއި ޖަނަވާރާއި މަސްމަހާމެހި ފަދަ( މަރުވުމަށްފަހު ގިނައިރުވުމުން މަސް ގަނޑު ކުނިވާން ފެށުމުގެ ކުރިން ހަންގަނޑު ދޫވެ މަސްގަނޑު މަޑުވާ މަޑުވުން
ފިލުނދުވުން
މ (1) ކައްކައިފައި ހުންނަ ކާއެއްޗެހި ރާމާވުމަށްފަހު ކުނިވުމުގެ ކުރިން ދެން އަންނަ ބަދަލު އައުން. (2) ދިރޭ އެއްޗެހި )އިންސާނުން ނާއި ޖަނަވާރާއި މަސްމަހާމެހި ފަދަ( މަރުވުމަށްފަހު ގިނައިރުވުމުން މަސްގަނޑު ކުނިވާން ފެށުމުގެ ކުރިން ހަންގަނޑު ދޫވެ މަސްގަނޑު މަޑުވުން
ފިޔަކަށި
ނ ދޫނީގެ ފިޔަ
ފިޔަވަޅު
ނ (1) އާދަމުގެ ދަރީންނާއި ޖަނަވާރާއި ދޫނި ސޫފާސޫފީގެ ފައިތިލައިގެ ނިޝާން (2) ފައިތިލަ (3) މަޖާޒު: ކަމަކާ ބެހޭގޮތުން ކުރާ ޢަމަލު
ފިޔަމޯޅިކުރުން
މ ދޫނިސޫފާސޫފީގެ ފިޔަތައް ފަހަތަށް ދިގުކޮށް ދަމައިލުން
ފިޔަފެޅުން
މ (1) ޅަދޫނީގެ ވަރަނުކުތުން ނުވަތަ ޅަދޫނީގެ ފިޔަގަނޑުން ފަތް ނުކުތުން (2) މަޖާޒު: އަމިއްލަ ފައިމައްޗަށް ތެދުވެވޭގޮތްވުން (3) ކުއްޖަކު ބޮޑުވެ އަމިއްލައަށް އުޅެވޭވަރުވުން
ފިޔަދަމާލުން
މ ދޫނި ސޫފާސޫފީގެ ފިޔަހުޅުވައިލުން
ފިޔަދިގުވުން
ނ (1) ދޫނި ސޫފާސޫފީގެ ފިޔަފަޅައިގެން އުދުހޭ ވަރުވުން (2) ފިޔަ ކޮށައިފައި ހުންނަ އެއްޗެހީގެ ފިޔަފަޅައިގެން އުދުހެވޭ ވަރުވުން
ފިޔަޖެހުން
މ (1) ދޫނި ސޫފާސޫފި އުދުހޭ އިރު ދެފިޔައިން ޙަރަކާތްކުރުން (2) ތަރި ނިވިނިވިފައި ދިއްލޭހެން ހީވުން
ފިޔޮއްގޮވުން
މ (1) ކުކުޅު ފިޔޮކާއި އެހެންވެސް ދޫނީގެ ޅަ އެއްޗެހި ގޮވާގޮވުން (2) ކުކުޅުގެ ބިހާއި އެހެންވެސް ދޫނީގެ ބިހުން ފިޔޮއް ނުކުންނަން ކައިރިވީމާ ބިހުގެ ތެރެއިން ގޮވާގޮވުން
ފީ
ނ (1) ލަކުޑިޔާއި މޭވާއާއި މިނޫންވެސް ބައެއް ތަކެތި ގިނަދުވަސް ވެގެންވާ ހަލާކު. (2) ދޫނިސޫފާސޫފި ބިސްތައް މަތީގައި އޮންނަ އޮތުމުން ބިހަށް އަންނަ ބަދަލު. (3) ބިހަށް ގެއްލުމެއް ލިބިގެން ނުވަތަ ގިނަ ދުވަސް ވެގެންވާ ހަލާކު (4) ބިސް ފީކުރާ ދުވަސްވަރު ކުކުޅަށްވެފައި ހުންނަގޮތް (5) ބައެއް ތަކެތީގައި ހަލާކު ވާންވެގެން ޖަހާ ކަޅުކުލައިގެ ލައްތަކެއް (6) ބައެއް ޒާތުގެ ޚިދުމަތަށާއި ބައެއް ހުއްދައަށް ދައްކަންޖެހޭ ފައިސާ (7) މަޖާޒު: ކަމުނުދާ (8) ރަނގަޅު ނޫން
ފީނދިމަހާނޑޮ
ނ )ޏ ( ދޫނިސޫފާސޫފީގެ ބަނޑުދޮށުގެ މަސްގަނޑު
ފީކިރިލި
ނ މަސް އައިން މަތީގައި އުޅޭ ކުޑަ ދޫންޏެއް މިއީ ވައްލައާ އެއްކަހަލަ އެއަށްވުރެ ކުޑަ ދޫންޏެކެވެ
ފީކުރުން
މ ކުކުޅު އަސްދޫނި ފަދަ ބިސް އަޅާތަކެތި ބިސްމަތީގައި އޮވެގެން ބިސްތަކަށް ހޫނު ދިނުން
ފީފިލުން
މ ކުކުޅާއި އަސްދޫނި ފަދަ އެއްޗެހި ބިސްއަޅައިގެން ނުވަތަ ވިހައިގެން އުޅޭއިރު މައި އެއްޗަށް ވެފައި ހުންނަގޮތް ރަނގަޅުވުން
ފީފިލުވުން
މ ކުކުޅާއި އަސްދޫނި ފަދަ އެއްޗެހި ފީވެގެން އުޅޭގޮތް ކަނޑުވާލުން
ފުށްގަހުގުރާ
ނ (1) ޑިންޑިން ކޮވެލި ފާޑަށް އިންނަ އެއަށްވުރެ ކުޑަ އެއްގަމު ދޫންޏެއް (2) މަޖާޒު: މާގިނައިން ފުށްޖަހައިފައި ތިބޭ މީހުންނަށް މަލާމާތުގެ ގޮތުން ބުނެއުޅޭ ބަހެއް މިސާލު: ހީވަނީ ފުށްގަހު ގުރައެއް ހެންނެވެ (3) ސަމައްތަރު ހެޔޮ ޗާލު އަންހެން ކުއްޖެއްގެ ރީތިކަން ބަޔާން ކުރުމަށް ބޭނުންކުރާ ބަހެއް