radheef.info
ރަދީފު


ދައި
ނ ފޮއިހިންގައިގެން އެއްޗެހި ހިމުންކުރުމަށް ހިލައިން ހަދައިފައި ހުންނަ ފަތާ އެއްޗެއް
އުއްތުންގަނޑު
ނ އުއްތާން ހަދައިފައި ހުންނަ ފެން ނުވަތަ ބޭސް
އުވަވަޅު
ނ (1) ގައު އަންދައިގެން އުވަޔަށް ހަދައިފައި ހުންނަވަޅު (2) އުވަދަވާން ކޮނެފައި ނުވަތަ އުވަދެވުމަށްފަހު އުވަނަގައިފައި ހުންނަވަޅު
އުވަދެވުން
މ މުރަކަ އަކިރި ގައުފަދަތަކެތި އަންދައިގެން އުވަޔަށް ހެދުން
އުވަދޯނި
ނ ދިގުއޮޑިކޮށް އުވަގަށާން ހަދައިފައިހުންނަ ފޮށިގަނޑު
އުވަގަށާފަލި
ދޭފަތެއްގެ ސިފައިގައި އުވަގަށަން ހަދައިފައި އޮންނަ އެއްޗެއް މިއޮންނާނީ ފަރަންޖީން ގެންގުޅޭ ކަހަލަ ދިގު އޮޑިފައްޔެއްހެނެވެ
އުވަގަނޑުހެދުން
މ (1) އުވަގަނޑު ވަކި ނަމޫނާއަކަށް ނުވަތަ ވަކި ބައްޓަމަކަށް ހަދައި ނިންމުން (2) އުވަޖަހާއިރު ބޯކޮށް އުވަފަށް ނެރުން
އުމަތް
ނ މިނަށް ހަދައިފައިހުރި ތާކަށް ހަރާއެއްޗެއް ކަތިވެގެން ވާތާށި
އުފެއްދުން
މ (1) އަލަށް އެއްޗެއް ހެދުން. (2) އިހަށްނެތް އެއްޗެއް ހުންނާނޭގޮތް ހެދުން. ރ. އުފެއްދި ނނކ އުފައްދައިފި ނކ އުފައްދަނީ ވވ އުފައްދާނެ ވނ އުފައްދާ އމ
އުދަލި
ނ ދަގަނޑުންހަދައި ލަކުޑި ދަނޑިއެއްލައިފައި އޮންނަ ވަޅު ކޮންނަން ގެންގުލޭ އާލަތެއް މީގެ ތިލަ އޮންނަނީ ތުނިކޮށް ހަތަރެސްކަން ހަމަވާ ވަރަށްވުރެ ކުޑަ ތަންކޮޅެއް ދިގުކޮންނެވެ
އުޑި
ނ (1) ބިންބި ފަދަ އެއްޗެހި މުގުރުމަށް ހިލައިން ހަދައިފައި ހުންނަ އެއްޗެއް މިހުންނާނީ ވަށްބުރުހަމަ ދެކިބައަށެވެ އަޑީކިބައިގެ މެދުގައި މަތީކިބަ އެމުނޭނޭގޮތަށް ނާރެހެއް ހުންނާނެއެވެ މަތީކިބައިގެމެދުގައި އެއްފަރާތުން އަނެއްފަރާތަށް ފޫގޮސްފައިވާ ލޯވަޅެއް ހުންނާނެއެވެ އަދި މަތީކިބަ އެނބުރުމަށްޓަކައި ހިފަހައްޓާނެ މުށްގަނޑެއްވެސް ހަރުކޮށްފައި ހުންނާނެއެވެ (2) )ސ ( އުނިޔަ
އެނދު
ނ (1) އެއްތަނުން އަނެއްތަނަށް ގެންދެވޭނޭހެން ނިދާން ހަދައިފައި ހުންނަ ޚާއްޞަ ދާނެއް (2) ފުރާދުއްވާ ތަކެތީގައި ނިދާން ޚާއްޞަކޮށްފައި ހުންނަ ތަން
އެނގަ
ނ ހަތަރެސްކަން ރިޔާނަގައި އެއްޗެހީގެ އަރަލުގެ ދެކޮޅުގައި ބައްދައިފައި ތިރިޔަށް ގެންގޮސްފައި އޮންނަ ދެވައު
އެންކެވުން
މ ދަލުގައި ބައްދައިފައި އޮންނަ އެންގަނޑު ވަށިން ދޯންޏަށް ކެހުން
އެކަތަ
ނ ސާފުކޮށް ކާރބަންއާ އެއްކޮށްފައި ހުންނަ ދަގަނޑު އާދައިގެ ދަގަނޑަށްވުރެ މިދަގަނޑު މާހަރުވާނެއެވެ
އެއްތެޔޮ
ނ ވައުކޮށް ވެލަށް ހެދޭ ގަހެއް. މީގެ ގަސްގަނޑު ހުންނާނީ ދުރުދުރުގައި ބަދަ ޖަހައިފައެވެ. މިއީ ވަރަށް ދިގުވާ މަޑު އެއްޗެކެވެ އަދި ވަރަށް ތަތްކޮށް ހުންނަ ގަދަ އެއްޗެކެވެ އެއްތެޔޮވަށި ހަދައި ގޮނޑީގައި އެއްތޮޔަ ފުރާ ހަދަނީ މިއިންނެވެ މީގެ އެތެރޭގައި ބަނބުކެޔޮ މުލުގައި ހުންނަހެން ލޯވަޅު ހުންނާނެއެވެ
އޮށިކުރި
ނ (1) އޮށީގެކުރީކޮޅު (2) ފޫދުއްވައި ތޮރުފާ ލޯވަޅުން ކުނޑިނެރެ ސާފުކުރާން އޮށީގެ ކުރީން ހަދައިގެން ގެންގުޅޭ އެއްޗެއް މީގައި ހިސާބަކަށް ފަންވަތުގެ ބުޑުތައް ހުންނާނެއެވެ
އޮށިގަނޑު
ނ (1) މައްޔިތާ ސަންދޯކުނާޅާ ވަޅުލަންޏާ ޤަބުރުސްތާނަށް ގެނދާން އޮށީން ބަނދެގެން ގެންގުޅޭ އެއްޗެއް. (2) ބަލިމީހުން އެއްތަނުން އަނެއް ތަނަށް ގެންދާން ދެދަނޑީގައި ފޮތިޖަހައިގެން ނުވަތަ ފީތާ ފުރައިގެން ހަދައިފައި އޮންނައެއްޗެއް. (3) ބައިސްކަލު ފަހަތުގައި އެއްޗެތިބަހައްޓާން ހުންނަ ޖާލީގަނޑެއް. (4) ވެޔޮއެރުވުމާއި ތަވާބަންޑުން ޖެހުމާއި އަދި މިނޫނަސް އެކިއެކި ބޭނުމުގައި ޖާލީހެއް ބަނދެފައި ހުންނަ އެއްޗެތި
އޮށް
ނ (1) އޮށްޓަރު (2) ބައެއްގަސްގަހުގައި އަޅާވައް (3) ގަސްގަހުގެ ވަކުގެ ތެރޭގައި ހުންނަ އޮށްޓަރު (4) ބިއްލޫރިއާއި ލަކުޑިފަދަ އެއްޗެތީން ހަދައިފައި ހުންނަ ކުދިގުޅަ (5) ލޮލު ތެރޭގައި އޮންނަ ހުދުގުޅަ (6) އުރަވަޅީތެރޭ ހަރުކޮށް އޮންނަ ދެގުޅަ (7) ޖަމަލު
އޮށްވަޅު
ނ ފަރާތެއްގައި އަށްވަޅު ދެފަރާތުގައި ސޯޅަވަޅު ދެކޮޅުގައި ފިހާރައޭ ކިޔާ ބޮޑު ދެވަޅުހުންނަ ގޮނޑިއަކަށް ބޮލިއަޅައިގެން ކުޅޭ ކުޅިވަރެއް ބިންމަތީ މިގޮތަށް ވަޅުކޮނެގެން އެއަށް އޮށް އަޅައިގެންވެސް މިކުޅިވަރު ކުޅެއެވެ އާދައިގައި މިކުޅެނީ ވަޅަކަށް އަށްފުށް އަޅައިގެންނެވެ
އޮނު
ނ (1) ބަދަޖަހަމުން އެއްތަނޑަށް ވަރަށް މައްޗަށް ހެދޭ ފިނިވާ އެތެރޭ ގައި ހޮއިއޮންނަގަހެއް މީގެ ގޮފި ޤަލަން ޖަހާން ބޭނުންކުރެއެވެ (2) މީގެ އެތިކޮޅެއް (3) އުނދުނަށް ފުމޭން ފޯލިކޮށް ހަދައިފައިހުންނަ ހޮޅިބުރި (4) ސަފުސާންއޮނު (5) ފުންމާއޮނު (6) އެތެރޭގައި ހޮއި އޮންނަ ބައެއްތަކެތި މިސާލު: ފަޅޯއޮނު ހިތްތަލަތަނޑު (7) އުންފާޑަށް ގައިން ނުކުންނަ ކަޅުކުލައިގެ ހަމުގެ ބައްޔެއް މީގެ އެތެރޭގައި ދިޔައެއް މެދުގައި ލޯވަޅެއް ނުހުންނާނެއެވެ