radheef.info
ރަދީފު


މުގަ
ނ )ބދ ( މޫނު
ފިލި
ނ (1) އަކުރުގެ އަޑުނެރޭގޮތް އޮޅުން ފިލުވައިދިނުމަށް ޖަހާ ނިޝާން. މިސާލު: އަބަފިލި އިބިފިލި (2) ގަހެއްގެ ނަން (3) ފުރޯދަނޑިއާއި ވަޑާން ކައްޓާއި ކޮށާވަޅި ފަދަ އެއްޗެހީގެ މުށްގަނޑުގައި ދަގަނޑުން ނުވަތަ ލޮއިން އަޅައިފައި ހުންނަ ބަންދު (4) އެންހިފާއިރު ދަލުތެރެއަށް ޖަހަން ފިލިމަހުން ކަހައިފައި ހުންނަ މަސް (5) ފަރު ކެޔޮޅުކަމުގައި މަސްތިލަ ކުރުމަށް އުކާ ކަރުގޮހޮރު ފަދަ ތަކެތި (6) "ފިލުން" މިބަހުގެ ނިމިނިމުނުކަން މަޖާޒު: (7) ރިޝްވަތު (8) ކަމެއް ކުރުވުމަށް ބާޜުއެޅުވުމުގެ ގޮތުންދޭ އެއްޗެހި
ފީހުން
ނ މަޑުގޮތަކަށް އަންނަ ހުމެއް މިހުމުގައި ކުޑަކުޑަކޮށް ހީކެރުވުމެއް ހުންނާނެއެވެ
ފުހުން
މ (1) އެއްޗެއްގެ އަސަރު ފިލުވައިލުން. (2) ޥުޟޫކުރުމުގައި ބައެއް ގުނަވަނުގައި ނުވަތަ ގުނަވަނުގެ ބަދަލުގައި ހާކަންޖެހޭ އެއްޗެއްގައި ފެން ހޭކުން (3) ތަޔަންމަމު ކުރާއިރު ގުނަވަންތަކުގައި ހިރަފުސް އުނގުޅުން (4) މަޖާޒު: ހަނދާން ނައްތައިލުން
ފުށުތިލޯށި
ނ އޮޑިދޯނިފަހަރުގެ ވާ އެއްސުމަށް އެއްގަމުގައި ޖަހައިފައި ހުންނަ އެތި
ފުށްދީފައިދިއުން
މ (1) ކޮކާ އަތުގައި ޖެހުމާއިއެކު ނުހިފިދިއުން އޭރުހުންނާނީ ކޮކާލުގެ ފުށް އަތުގައި ހޭކިފައެވެ (2) މަޖާޒު: ޝަހްވާނީ އެދުމުގައި އަންހެނަކާ ބައްދަލުވާ އިރަށް ފިރިހެން މީހާގެ އެދުން ފުދުމުން ފިރިހެން މީހާ ދާދިއުމަށް ބުނެއުޅޭ ބަހެއް
ފުނަބެރު
ނ ބެރު ޖެހުމުގައި ފުނަޖަހަން ގެންގުޅޭ ޚާއްޞަ ބެރެއް
ފުރަގަހުންބެއްދުން
މ ގުޅަމަތި ހިފުމުގައި ފުރަގަހުން އައިސް ހިފައިގަތުން
ފުރޮޅުބުރަށްއެނބުރުން
މ މާޗުކުރުމުގައި ސަފުސަފަށް ހިނގާފައިދާއިރު ކަނާތް ފަރާތަށް ނުވަތަ ވާތްފަރާތަށް އެސަފުތައް އެކުގައި ގޯޅި އަޅާގޮތަށް ލަނބާލުން
ފުއްގަހުގުރާ
ނ (1) ޑިންޑިން ކޮވެލި ވައްތަރަށް ހުންނަ އެއަށްވުރެ ކުޑަ ދޫންޏެއް މިއީ ގާތްގަނޑަކަށް 01 ވަރަކަށް އިންޗި ހުންނަ ދޫންޏެކެވެ މި ދޫނި ދިވެހި ރާއްޖެއަށް އަންނަނީ އިރުވައި މޫސުމުގައި ދެކުނު އިންޑިޔާއިންނާއި ސިރީލަންކާއިންނެވެ (2) މަޖާޒު: ރީތި އަންހެންކުދިން
ފޫ
ނ (1) ބައެއް ކަހަލަ ކާއެއްޗެހި ގިނަ ދުވަސްވެ ހަލާކުވެގެން ނުވަތަ ވައި ބަންދުވެ ދުވަސްވެގެން އޭގައިޖަހާ ކަފަގޮތަށް ނުވަތަ ކެހެރި ފާޑަށް ހުންނަ އެއްޗެއް. މިއީ ދިރުން ހުންނަ ހުދުކުލައަކަށްދާ އެއްޗެކެވެ. ދުވަސް ވީވީހެން ކުލަ ބަދަލުވަމުންގޮސް ކަޅުކުލައަށް ބަދަލުވެއެވެ. (2) ދާ ހިއްލާ ހިކުނީމާ ގައިގަޔާއި ފޭރާމުގައި ހުންނަ ހިކިފައިވާ ލޮނު. (3) ޖަންބާއި ޖަނބުރޯލުފަދަ ތަކެތީގެ މަލުގެ ފިޔަ ވެރުނީމާ މޭވާއަކަށްވުމުގެ ކުރީގައި ހުންނަބައި. (4) އެއްޗެހި ހަރުލާގޮތަށް ހުންނަ ކޮންމެ އެއްޗެއްގެ އަޑީގެ ދެފަރާތް. މިސާލު: ތެލި ވަޅު ތާނގީ ދަޅުފަދަ އެއްޗެހީގެ ފޫ (5) މަސްއަރީގެ ނިމޭކޮޅު (6) ދަނޑި ނުވަތަ ރިތް ފަދަ ތަކެތީގެ ފަލަކޮޅު (7) ފިނދުމަސްގަނޑު (8) މޭވާއާއި ތަރުކާރީފަދަ ތަކެތީގެ ތަނޑު ހުންނަކޮޅު ނޫން އަނެއް ކޮޅު
ފޫޖެހުން
މ (1) ބައެއް ކަހަލަ ކާ އެއްޗެހި ގިނަދުވަސްވެ ހަލކުވާން ވެގެން ނުވަތަ ވައި ބަންދުވެގެން އޭގައި ކަފަގޮތަށް ނުވަތަ ކެހެރި ފާޑަށް ހުންނަ އެއްޗެއް އުފެދުން (2) ދާ ހިއްލާ ހިކުނީމާ ގައި ގައްޔާއި ފޭރާމުގައި ހިކިފައިވާ ލޮނު އުފެދުން
ފެހުން
މ (1) ދިރޭ އެއްޗެހި ކައިރިއަށް އަޔަނުދީ ދުރަށްލުން (2) ތިނޯހާއި އިލިފަދަ ތަކެތީން ރޮދި ނުވަތަ އެނޫންވެސް އެފަދަ އެއްޗެއް ބޭނުންކޮށްގެން ދެއެއްޗެއް ގުޅުވުން (3) އެއްޗެއް ހިފުމުގެ ނުވަތަ އަތުލައިގަތުމުގެ ބޭނުމުގައި ފަހަތުން ދުވުން
ފެށިއެޑުން
މ )ޏ ( (1) ދުމަށީގައި ފަތި އެޅުން (2) ތަނެއް ހިޔާކުރުމުގައި ތޮށަލިފަށްއެޅުން
ފެނުއެޅުން
މ އެކިބާވަތުގެ އެއްޗެހި އެކި ބޭނުމުގައި ފެނަށްލައިފައި ބެހެއްޓުން
ފެނުޖެހުން
މ (1) ދަގަނޑުން ހަދައިފައި ހުންނަ އެއްޗެއްސަށް ހަރުކަން ގެނައުމަށްޓަކައި ދޮންކޮށްފައި ވަކިގޮތަކަށް ފެނުގައި ޖެއްސުން. (2) ބާރަށް ކުރިއަށްދާ އެއްޗެއް ފެންގަނޑުގެ މަތީގައި ނުވަތަ ބިމުގައި ޖެހިފައި ނައްޓާލައިގެން ކުރިޔަށް ދިއުން
ފެންހެދުން
މ (1) ބިންބިމުގައި ފެން އުފެދުން ނުވަތަ އުފެދިފައި ހުރުން (2) ފާރުގަނޑުގައި ފެން އުފެދުން
ފެންފޮޅިތާނަ
ނ އިހުގައި ތާނަ ލިޔެއުޅުނު ގޮތެއް މިލިޔުމުގައި ކޮންމެ އަކުރެއް އަޅައިފައި އެއަކުރާ ގުޅިގެން އެއަކުރެއްގެ ވަށައިގެން ބޮޅުތަކެއް އަޅައެވެ
ފެންދަފަތް
ނ އެއްގަމުގައި ދުއްވާ ތަކެތީގެ ފުރޮޅުގެ ކައިރީގައި އެއެއްޗަކަށް ފެނާއި ކިސަޑާއި ވެލިބުރިޔަ ނުދިނުމަށް ހަރުކޮށްފައި ހުންނަ އެތި ޢާއްމުކޮށް މިހަދައިފައި ހުންނަނީ ރަބަރުންނެވެ
ފެންގަނޑު
ނ (1) "ކުޅި" މިބަހުގެ ފުރަތަމަ މާނަ ބަލާ! (2) ވާރޭ ވެހުމުގެ ސަބަބުން ނުވަތަ އެނޫންވެސް ގޮތަކުން އެއްގަމުގައި ފެންހެދި ގިނަ ދުވަހަށް ނުހިނދި ހުންނަ ތަންތަން
ފެންޑާ
ނ (1) ދިވެހިން ގެދޮރު އެޅުމުގައި މައިގޭގެ މައިދޮރޯއްޓާ ވީ ފަރާތަށް އިތުރު ކުރާބައި. (2) ދިވެހިން ގެދޮރު އެޅުމުގައި މައިގެއާއި ގުޅައިގެން ކޮންމެ ފަރާތަކަށް ވިޔަސް އިތުރު ކުރާބައި. މިބައި ހުންނާނީ މައިގެޔަށްވުރެ ތިރިކޮށް ބަންދު ނުކުރެވޭ ގޮތަށެވެ