radheef.info
ރަދީފު


މަ
ނ (1) ބަސް ބުނާ ފަރާތަށް ނުވަތަ އެއްވަނަ ފަރާތަށް ރައްދުވާ ބަދަލު ނަމެއް މިސާލު: މަނުދަން (2) އަހަރެން
ހިނދި
(1) އަޑި މިސާލު: ހިނދިބަނޑު (2) އަޑިކޮޅު (3) ވައިރޯޅި ނެތިވެފައި އޮންނަމަޑު
ހިނދުން
މ (1) ކެކިކެކިފެން ހުސްވުން (2) ދިޔަވަރު އަޑިވުން (3) އޮއްވަޅު ކުޅޭއިރު ހުސްވަޅަކަށް އަތްހުސްވުން މަޖާޒު: ކަމެއް ކުރަމުންގޮސް ގަސްތުކުރި ގޮތަށް ނުވެވި އެކަމެއް ހުއްޓުން (4) ކަނޑުގައި ހިފާވަރަށް ވައިރޯޅި ނެތުން (5) ފުފިފައި ހުރި އެއްޗެއް ހައިވުން (6) ރޮމުން ރޮމުން ނުވަތަ ހެމުން ގޮސް ނޭވާނުލެވޭ ވަރުވުން (7) ދިޔާއެއްޗެހި އާތްވަށް އަރާހުސްވުން
ހިނގައިލުން
މ (1) ވައިޖައްސައިލާން ނުވަތަ ހިތްފަސޭހަކޮށްލަން ގެއިން ބޭރު ކޮންމެވެސް ތަނެއްގައި ހިނގުން (2) ކަމަކަށް ތާޢީދު ކުރުމުގެ ގޮތުން ނުވަތަ ކަމަކާ ދެކޮޅު ހެދުމުގެ ގޮތުން ގިނަބަޔަކު އެކުގައި ހިނގުން
ހިނގަމަހަ
ނ )ގ ( އަލަނާސިމަސް
ހިނގަމަސް
ނ )ސ ( އަނގަބޮޑު ރަތްކުލައިގެ ލޮނދިމަހެއް މިއީ ރަތްމަސް ފާޑު މަހެކެވެ
ހިނގާޞަލަވާތް
ނ އިހުގައި ސަރުކާރުގެ ފަރާތުން ޒިޔާރަތް ޒިޔާރަތްދޮށުގައި ކިޔެވި ޞަލަވާތް. މިޞަލަވާތް ކިޔަވައި އުޅުނީ ކޮންމެ ދުވަހަކު ޒިޔާރަތެއް ދޮށުގައެވެ. މާލޭގައި ހުރިހާ ޒިޔާރަތްވަށާ ޖެހުނީމައި އަނެއްކާ ފަށަނީއެވެ މިކަމަށް ގެންދާ ކޭން ކައްކަނީ ކަބާފާނު ގަނޑުވަރުގައެވެ
ހިނާ
ނ (1) ލޯބި (2) (ގ ، ޏ ) ހިނި (3) ހިނައިގަތުމަށް ކުރާ އަމުރު
ހިނިއައުން
މ (1) މޫނާއި އަނގަ މަތިން އުފާވެރިކަމުގެ އަސަރު ފައުޅުވުން (2) ހެވުން
ހިނިވަރުނަ
ނ އެންމެ މާތް މީހުން ހޭ ހިނި މިބަސް މިހާރު ބޭނުންކުރަނީ ރަސޫލުﷲ ޞައްލަﷲ ޢަލައިހިވަސައްލަމައަށް ނިސްބަތްކޮށް ލިޔާލިޔުމާއި ދައްކާ ވާހަކަ ދެއްކުމުގައެވެ
ހިނިވަރުނަކުރެއްވުން
މ އެންމެ މާތް މީހުން ހޭ ހުނުން މިބަސް މިހާރު ބޭނުންކުރަނީ ޚާއްސަކޮށް ރަސޫލުﷲ ސައްލަﷲ ޢަލައިހިވަޞައްލަމައަށް ނިސްބަތްކޮށް ލިޔާލިޔުމާއި ދައްކާ ވާހަކަ ދެއްކުމުގައެވެ
ހިނިވަރުނަވުން
މ އެންމެ މާތް މީހުންގެ ހެވުން މިބަސް މިހާރު ބޭނުންކުރަނީ ޚާއްޞަކޮށް ރަސޫލުﷲ ޞައްލަﷲ ޢަލައިހިވަސައްލަމައަށް ނިސްބަތްކޮށް ލިޔާލިޔުމާއި ދައްކާ ވާހަކަ ދެއްކުމުގައެވެ
ހިނިވެސް ފަރުބަދަ ކަނޑައެވެ
(މުސްކުޅިބަހެއް) ކިތަންމެ އުނދަގޫކަމެއްވެސް އެކަމަކާ ގަދައަޅައި މަސައްކަތް ކުރުމުން ފުރިހަމަ ކުރެވިދާނެކަން އެންގުމަށް ބުނެއުޅޭބަހެއް
ހިނިތުންކުރުން
މ އަނގަމަތިން ހިނިތުންވުމުގެ އަސަރު ފާޅުކުރުން
ހިނިތުންވުން
މ އަނގަމަތިން ހުނުމުގެ އަސަރު ފައުޅުވުން
ހިނެވުން
މ މައްޔިތާ ޝަރުޢީ ހިނެވުމަކުން ފެންވެރުވުން މިސާލު: ހިނަވައިފައި އޮތް މައްޔިތެއް
ހިނޭ
ނ (1) ވެލާ ކަހަނބު ފަދަތަކެތި ބިސް އަޅައިފައި އެތަން ފޮރުވުމަށް ފަސްގަނޑަށް ހަދާގޮތް މަޖާޒު: (2) ފަސްގަނޑު ހާވައިފައިހުންނަ ހުރުން (3) ތަންމަތިއަޅައިފައިހުރި އެނދެއްގެ ފޮތިގަނޑު ބޮނޑިކޮށްލައި ބާލިސްތަކާއި އެއްޗިހި އެފުށް މިފުށަށް ޖަހާ ޖެހުން
ހިނޭޖެހުން
މ (1) ވެލާ ކަހަނބު ފަދަ ތަކެތި ބިސްއަޅައިފައި ބިސްވަޅު ނާންގާން ފަސްގަނޑު އެގޮތް މިގޮތަށް ހޭވުން މަޖާޒު: (2) ބިންމަތީގައި ނުވަތަ ފަސް ފުންޏެއްގައި ބަކައެޅުން (3) ގައިގެ އެތަން މިތާގައި އުނގުޅޭ ގޮތަށް ބައެއްކަހަލަ މަސައްކަތް ކުރުން މިސާލު: ރިހާކުރު ނުވަތަ ދިޔާހަކުރު ފަދަ ތަކެތިން ހިނޭޖެހުން
ހިންހަރައިލުން
މ (1) ހިންބާރުކޮށްލުން (2) ޙާޖަތަށްދިއުމަށް ބާރުލާހެން އެތެރެ ހައްޓަށް ބާރުލުން
ހިންމަންތެރި
ނއ (1) ސާބިތުވެހުރުމާއެކު ހިތްވަރުކުރާ (2) ގަސްތުކުޅަ ކަމެއްގައި ކެތްތެރިކަމާއެކު މަސައްކަތްކުރާ (3) ގަދައަށް ހިތްވަރުކުރާ
ހިންމަފުށީލަދުބޮޑުބޭހެދުން
(މިސާލުބަހެއް) ލަދުނުގަންނަންވީ ކަމަކަށް ލަދުނުގަނެ ލަދުގަންނަންވީ ކަމަކަށް ލަދުގަތުމުން ބުނެއުޅޭ ބަހެއް.