radheef.info
ރަދީފު


އިން
ނ (1) ތަރަހައްދު. (2) ތަރައްހައްދު ވަކިކުރާން ޖަހާފާހަގަ. (3) އ. ފެށިގެން. މިސާލު: ގެއިން އެއިން
ބޭރުކިހިލި
ނ ދަނޑިކޮށީގެ ދެމީހުން ކުޅީގައި ޖަހާއެތި ފަހަރެއް މިއެތި ފަހަރުން އަނެކަކު ރެކޭނީ ބާސް ކީއްޔަށް ވާގޮތަށް ދަނޑި ހިފަހައްޓައިގެން ހުރެ އެއިން ޖައްސައިގެންނެވެ
ބޭރުދަތުރު
ނ (1) ރާއްޖެއިން ބޭރަށް ކުރާ ދަތުރު (2) ބޯޓުދަތުރު
ބޭރުދަތުރުކުރުން
މ (1) ރާއްޖެއިން ބޭރަށް ދަތުރުކުރުން (2) ބޯޓު ދަތުރުކުރުން
ބޭބެ
ނ (1) އެއްބަނޑު އެއްބަފާ ނުވަތަ އެއްބަނފާ ނުވަތަ އެއްބަޑު ދޮށީ ފިރިހެނާ (2) ތިމާގެ މީހުންގެ ތެރެއިން ދޮށީ ފިރިހެނާ (3) ތިމާއަށް ވުރެދޮށީ ފިރިހެނުންނަށް ކަމޭހިތުމުގެ ގޮތުން ކިޔާއުޅޭ ނަމެއް
ބޭއިންސާފު
ނ (1) ހަމަޔާ ޚިލާފު (2) އިންސާފުނެތް
ބޭލިކޭން
ނ (1) ކައިއަވަދިވީމާ ހަރުގެއިން ނެރޭކޭން. މިއީ މާލޫދުގެ ރަސްމިއްޔާތަށް ހަރުގެއަށްގެންދާ އިރާކޭން ދަމުކޭން އަވަލިކޭން ފަދަ ކޭން ކައިނިމުނީމާ ހަރުގެއިން ނެރުމުން އެކޭކަމަށް ކިޔާއުޅޭނަމެކެވެ (2) މަޖާޒު: އިނދެގެންއުލެ ދުވަސްދިއުމަށްފަހު ވަރިކޮށްފައި އިން އަންހެންމީހާ
ބޭސް އުށް
ނ މާމުއި ކުޅަނދުރުގެ ހަތައިން ނަގައިގެން ހަދާ އުށެއް މިހުންނަނީ މަޑުދޮން ކުލައެއްގައި އެތިއެތިގަނޑަށެވެ މިއީ ދިވެހިބޭހަށާއި ފާލީސްކުރުމަށް ބޭނުންކުރާ އެއްޗެކެވެ
ބޮނޑިބަތްބޮލި
ނ ބޮލީގެ ބާވަތެއް. މިއީ ދޮޅު އިންޗިއެއްހާ ބޮޑުމިނުގެ ތޮށިގަނޑު ވަރަށް ބޯކޮށް ހުންނަ ބޮއްޔެކެވެ މިބޮލީގެ ބުރިކަށިމަތި ހުންނަނީ ދޮންކުލައިގެ ތިކިތަކަކުން މާތަކެއް ޖަހައިފައި ހުންނަ ކަހަލަ ގޮތަކަށެވެ މިތިކިތައް ހުންނަގޮތުން ވައްތަރުވާނީ ކުދިބަތު ބޮނޑިބަތް ތައްޓަށް އަޅައިފައި ހުންނައިރު ފެންނަ ގޮތާއެވެ
ބޮނޑިބޯ
ނ ތާސްބައިން ކުޅޭކުޅިވަރެއް
ބޮނޑިކުޅުން
މ އެތެރޭގައި ހޮއި ނޯންނަގޮތަށް ރަބަރުން ހަދައިފައި އޮންނަ ބޯޅަޔަކުން ކުޅޭ ކުޅިވަރެއް ކުޅުން. މިކުޅިވަރުކުޅޭނީ މީހުން ދެބަޔަށް ބަހާލައިގެންނެވެ. ކުޅޭނީ ބިންމަތީގައި ބޯޅަޖަހައިގެން މައްޗަށް އެރީމާ އަތުން ކަނދު ހުރަސްކޮށް ޖަހައިގެންނެވެ. މީގައި ސައްޕު ޖަހާނީ ފައިންނެވެ. އަތްމަތި ފޯލީގައި އަތް ޖެހިއްޖެނަމަ ނުބައިވެފައިތިބި މީހުން ދިރޭނެއެވެ
ބޮނޑިމަސްކާށި
ނ ރޯދަޔަށް ހަނދުބަލާރޭ ފައިންޕުޅު ހިފައި ނިމޭއިރަށް ދާލަބޮޑުއަށި ކައިރީގައި ހަނގުބޭކަލުންނަށް ތައްޔާރުކޮށްފައި ހުންނަ މާހެފުން މީގައި ހުންނާނީ ބޮނޑިއާއި އާރޮހާއި މަހާއި ކާއްޓެވެ
ބޮނި
އމ (1) ބުއިން މިބަހުގެ އަމުރު މިއީ އިހުގައި ބޭނުންކޮށް އުޅުނު ގޮތެކެވެ މިސާލު: މިބޭސްކިޔާއި މާމުޔާއެކުބޮނީ (2) ރޯފަންފުޅަނގީގެ ޅައެއްޗެހި
ބޮންޑާފާނަ
ނ އޮޅުފާނައިގެ ބާވަތެއް. މިއީ އާދައިގެ ފާނައަށްވުރެ ބިޔަ ނިގޫފަތުގެ ކޮޅު އެއްވަރަކަށް ހުންނަ އަނގަ ބޮޑު ދަތްތޫނު ގަދަރަތްކުލައިގެ މަހެކެވެ. މަހުގެ ވަށައިގެން ގަދަ މުށިކުލައިން ކައިރިއެޅިފައި ހުންނަ ނޫކުލައިގެ ތިކިތަކެއް ހުރެއެވެ. އަދި ބުރިކަށިމަތީގައި ހުރަހަށްވާގޮތަށް ފުޅާ ދެތިން ގަޅި ހުރެއެވެ
ބޮކޮބޮކޮޖެހުން
މ (1) ގަޑަގަޑަލުން (2) ފެންކެކޭއިރު ފެނުގެތެރެއިން ބޮކިޖެހުން
ބޮއި
ނ (1) ތަނެއް ނުވަތަ އެއްޗެއް ފާހަގަކުރުމަށްޓަކައި ފެންމަތީ އޮންނާނެހެން ހަރުކޮށްފައި ނުވަތަ އުޅަނދުފަހަރު އެޅުމަށް ފެންމަތީ އޮންނާނެހެން ހަރުކޮށްފައި އޮންނަ ކޮންމެ އެއްޗެއް (2) އުޅަނދުފަހަރު ތަނެއްގައި ނުވަތަ އެއްޗެއްގައި ޖެހިގެން ގެއްލުމެއްވިޔަ ނުދިނުމަށް ކައިރިފަށުން ބޭރުން އެލުވައި ހަރުކޮށްފައި އޮންނަ އެއްޗެއް (3) ބުއިން މިބަހުގެ ވާކަމާއި އަމުރު
ބޮއިލަރު
ނ އިންޖީނު ހިންގުމަށް އާވި އުފައްދާ ތާނގީ
ބޮއްވާމަޅި
ނ )ސ ( އަވަހަށް ބާރުވާ ފަސޭހައިން ބެދޭ މަޅި
ބޮލި
ނ (1) މޫދުގައި މަސްލައިގެން ދުވާ ދިރޭ އެއްޗެއް. މިހުންނަނީ އެކިބޮޑުމިނުގައި އެކި ކުރެހުމުގައި އެކި ކުލަކުލައިގައެވެ. މީގައި ވަރަށް ރީތި އޮފުވެސް ހުރެއެވެ. މީގެ ތެރެއިން ރާއްޖޭގައި އެންމެ މަޝްހޫރު ވެގެންވަނީ ހުދުކުލައިގައި ހުންނަ ކުދި އެއްޗިއްސެވެ (2) )ސ( ނއ ބޯ ނުވަތަ ތުނީގެ އިދިކޮޅު
ބޮލުފޭލި
ނ އަންނަ ފޭއްޔާ އެއްވައްތަރަށް އެއަށްވުރެ ކުދިކޮށް ހަނިކޮށް ބޮލުގައި އަޅަން ވިޔެފައި ހުންނަ ފޭލި މީގެ ތެރެއިން ފިރިހެނުން ބޮލުގައި އަޅާފޭލީގެ މެދު ހުންނަނީ ރަތްކޮށެވެ އަންހެނުން އަޅާފޭލީގެ މެދު ހުންނަނީ ކަޅު ކޮށެވެ މިއީ ރަސްމީގޮތުން އަޅައި އުޅުނު އެއްޗެކެވެ
ބޮޑަހަނދި
ނ ފަރުމަހުގެ ބާވަތެއް މިއީ ފަޅުފަޅާއިފަރުގެ ގާތަކުގެ ތެރޭގައި އައިން ހަދައިގެން އުޅޭމަހެކެވެ މިމަހުގެ ލޯބޮޑުވެފައި ހުޅުނބު ގިނަވާނެއެވެ ތާފަތުގެ ކައިރީގައި ކަށްޓެއްހުންނާނެއެވެ މިއީ ރީނދޫ މަހާއި ދާދިއެއް ވައްތަރަކަށްދާ މަޑު ފިޔާތޮށިކުލައެއް ހުންނަ މަހެކެވެ