radheef.info
ރަދީފު


އިހު
ނ (1) ވޭތުވެދިޔަ ޒާމާން (2) މިހާރުގެކުރި
ފުރާކު
ނ ސިފައިންގެ ކަމަރުގައި މުގުރުޖަހަން ހަރުކޮށްފައިހުންނައެތި
ފުރިފައިހުރި ބަނޑިޔަލެއް ގުޑުގުޑެއްނާޅާނެ
)މުސްކުޅިބަހެއް( ފުރިފައިހުރި އެއްޗެއް ގުޑުގުޑެއް ނާޅާނެ
ފުރެއްދެލަވަ
ނ ހިންދުސްތާނު ލަވައެކޭ ހީވާގޮތަށް އިހުގައި ހަދާފައި ހުންނަ ލަވަ
ފުޅިއަށްޖެހުން
މ އިހުގައި ގަޑިއަންގައި ދިނުމަށްޓަކައި ދަމުއަށީގައި ހުންނަ ލޯގަނޑުގައި ޖެހުން
ފުޅިދޮށުއަށި
ނ އިހުގައި ގަނޑުވަރުތެރޭގައި ހުންނަ ދަމަށް ގޮސް ތިބޭ އަށިތަކުގެ ތެރެއިން އެންމެ އެތެރޭގައި ހުންނަ އަށި ލޯގަނޑުން ޖަހަން ފަށާ އައްޓަކީވެސް މިއެވެ
ފުޅު
ނ (1) މީހެއްގެ ދަރަޖަ މާތް ކުރުމުގެ ގޮތުން އެމީހެއްގެ ނަމުގެ ފަހަތަށް އިހުގައި ގުޅައި އުޅުނު އަކުރެއް. މިސާލު: ޙަސަންފުޅު މޫސާފުޅު (2) މާތްކުރުމުގެ ގޮތުން ނަމެއްގެ ފަހަތަށް އިތުރުކުރާ އަކުރެއް މިސާލު: އަނގޮޓިފުޅު ހިނިފުޅު
ފުތޫރުދޮލަނގު
ނ އިހުގައި ހިތިގެ ދޮށަށް ރޯދަވީއްލަން ގެންދާ ދޮލަނގު
ފުލުގޮށްމޮހޮން
މ (1) އެއްޗެހި ތަކެއް އަމުނައިފައިހުރި ފައްޗެއްގެ ފުލުގައި ޖަހައިފައި ހުރި ގޮށް މޮހުން (2) މަޖާޒު: ކަމެއް ބޮއްސުންލުން
ފުލޯކުވާހަކަ
ނ (1) ޚިޔާލީ ވާހަކަ (2) އިހުއްސުރެ ކިޔެމުން އަންނަ އަޞްލެއްނެތް ވާހަކަ
ފެންނާޔަކަ
ނ އިހުޒަމާނުގައި ވެރިކަމުގެ ހުކުންކުރާ މީހުންނަށް ކިޔާނަމެއް
ފެންކުޅި
ނ ކުޅިވަރެއްގެ ގޮތުން އެކަކު އަނެކެއްގެ ގަޔަށް ފެންޖަހާ ފެންޖެހުން. މިއީ އިހުގައި ކުޅެ އުޅުނު ކުޅިވަރެކެވެ މިކުޅިވަރު ފެށެނީ ހިތަނަކަތުން ތިންވަނަ ދުވަހުއެވެ
ފެންކުޅީގެރި
ނ އިހުޒަމާނުގައި ފެންކުޅި ފެށުމުގެ ކުރިން ކިޔަވާ ޞަލަވާތް ފާތިޙާއަށް ކަތިލާގެރި މިގެރި ކަތިލާނީ ރަދުން ވަޑައިގެން ހުންނަވައިގެންނެވެ
ފެންފޮޅިތާނަ
ނ އިހުގައި ތާނަ ލިޔެއުޅުނު ގޮތެއް މިލިޔުމުގައި ކޮންމެ އަކުރެއް އަޅައިފައި އެއަކުރާ ގުޅިގެން އެއަކުރެއްގެ ވަށައިގެން ބޮޅުތަކެއް އަޅައެވެ
ފެންފޮދުއޮޑިކޮޅު
ނ އިހުގައި ގަނޑުވަރުތެރޭ ބޭފުޅުން އާލާސްވެއިންނަވާ ހަތްމަސް ފުޅަށް އަޅައިގަތީމާ ކުރެންދޫ ޒިޔާރަތުން ފެން ފޮދު ބަލައިދާ އޮޑި މިފެންފޮދު ގެންނަނީ އެބޭފުޅަކު ނައިނެ ފިއްލެވުމަށެވެ
ފެންދުއްވާއޮނުގަނޑު
ނ އިހުގައި ފެންކުޅިކުޅޭއިރު މީހުންގެ ގަޔަށް ފެންޖެހުމަށް ގެންގުޅޭ އޮނުގަނޑު
ފެންތެލި
ނ (1) ފެންއަޅައިފައި ހުންނަ ތެލި. (2) އިހުގައި މީހުންވިހޭމާ އާއްމު ގޮތެއްގައި ނުވަރޭ ފެނުން ކެނޑެންދެން އުނދުން ނިވުވަނުދީ ހުންނަ ފެންއެތި
ފެންތެލިކާށި
ނ އިހުގައި އުޅޭމީހުން ބޭނުންކުރަން އެތެރޭގައި ބަހައްޓައިފައި ހުންނަ ފެންތެލި ނުވަތަ ފުފޭ ބެހެއްޓިފައި ހުންނަ ތިން ކާށި
ފެންތެލިފުފޭ
ނ އިހުގައި ވިހައިގެން އުޅޭމީހުން ބޭނުންކުރަން ފެންއަޅައިފައި އެތެރެގޭގައި ބަހައްޓައިފައި ހުންނަ ފުފޭ
ފެންތެލީރުއް
ނ އިހުގައި ކުދިން ލިބުނީމާ ލިބޭ ކުއްޖާގެ ނަންމަތީގައި އިންދާ ފެންތެލި ކާށީގެ ތިން ރުއް
ފެންތޮޅިލުން
މ (1) ހިސާބަކަށް ފެން ހިކިލުން (2) ހިއްކަން އަޅައިފައިހުރި އެއްޗަކުން ފެންތިކި ނުތަޅާ ވަރުވުން