radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
ރައްކާ
ނ (1) ސަލާމަތް (2) އެއްޗެއް ފޮރުވާ ފޮރުވުން (3) ފަޗިސްފޮތިގަނޑުގެ މެދުން ދެފަރާތުގައި ބުރަފަތިކޮށް ބަގިޔާޖަހައިފައި ހުންނަގޮޅި
ރައްކޯބައިން
ނ )ސ ( (1) ރިޔާ ކުނބުކުރީގައި ގެއްސުމަށް ހަންޖާވާންކުރާއިރު ދެހަންޖާއެއްކޮށް އަތްފޯރާ ހިސާބުގައި ބަންނަވާފަށް (2) ގުޅިރުއްކަނޑާއިރު ރުކާއެއްކޮށް އުނަގަނޑުގައި ބައްދާވާފަށް (3) މަޖާޒު: ބައެއްޒާތުގެ ކަންކަމުގައި ރައްކާތެރިކަމުގެ ގޮތުން އަޅާ ފިޔަވަޅު މިސާލު: މިރުސްގަސް ފަދަ ގަސްގަސް އިންދައިފައި އެތަންވަށާ ދަމާފަށް
ރަމަންނެގުން
މ (1) ބިރުގަނެގެން ނުވަތަ ދެހާ ތަޅައިގެން ބަލިވާ ހައު ކެޔޮފޮތީގެ ފަހަތުގައި ހުންނަ ފަތްކޮޅު އުފުލުން އެހެންވެސް ޖަނަވާރު އެއަށްވުރެ ގަދައެއްޗެއް ފެނުނީމާ ބިރުން ދިއުމަށްވެސް ކިޔަނީ މިހެންނެވެ (2) މަޖާޒު: މީހަކު މާމޮޅު މީހަކަށް ހެދިގެން އުޅެނިކޮށް މޮޅުމީހަކު އައީމާ ހެދިގެން އުޅޭ މީހާ ދެރަވުން
ރަތުރަން
ނ ގަޑުބަޑު ނުކޮށްހުރި ރަން
ރަތުރޭރު
ނ ރޭރުގެ ބާވަތެއް މިރޭރު ހުންނާނީ އާދައިގެ ރޭރަށްވުރެ ބޮޑެތިކޮށް ބޮނޑި މަސްކޮށެވެ ބުރަކަށީމަތީ ފަތްތައް ހުންނާނީ ރަތްކުލައިގައެވެ
ރަތް ބުރުލީފާނަ
ނ އާދައިގެ ފާނައަށްވުރެ ފަހަތުކޮޅަށް ހިމަކޮށް ހުންނަ ރަތްކުލައިގެ ފާނައެއް
ރަތްހޮނޑަލި
ނ ހޮނޑަލީގެ ބާވަތެއް. މިއީ އާދައިގެ ހޮނޑައްޔަށްވުރެ ފަލަ ކުޑަކޮށް ރީނދޫކޮށް ހުންނަ އެމެކެވެ
ރަތްރުމާ
ނ ކުރީގައި ގެންގުޅުނު ރަތްކުލައިގައި ހުންނަ ފަލިޔާކާޓްރުމާ މިއީ އިހުގައި އަންހެނުން ބޮލުގައި އަޅައި އުޅުނު ޚާއްޞަ ރުމާލެކެވެ މިރުމާ ބޮކްސާ ބަނުމަށާއި ތާރަޖަހާއިރު ކަރުގައި އައްސަން ބޭނުންކޮށް އުޅުނެވެ
ރަތްބުރެކި
ނ ބުރަކީގެ ބާވަތެއް މިއީ ނަގޫފަތް ދިގުކޮށް ބޯކުޑަކޮށް ހުންނަ ކަޅު ރަތްކުލައިގެ އެމެކެވެ
ރަތްބޯ
ނ )ސ ( ހިކާގެ ބާވަތެއް މިހިކައިގެ ބޮލުން ފެށިގެން ނަގުލާ ހަމައަށް މަހުގެ ދެފަރާތުގައި ކަޅުރަތް ކުލައިގެ ދެރޮނގު ހުރެއެވެ މަހުގެ ކުލައަކީ މަޑުފިޔާތޮށި ކުލައެވެ ލޮލުގެ ކައިރި ހުންނަނީ ރީނދޫ ކުލައިގައެވެ ވަދުމަސްވެރިކަން ކުރާއިރު މިހިކާ އެމަށްވެސް ބޭނުންކޮށް އުޅެއެވެ
ރަތްކަޑިމަދު
ނ )ދ ( ދޮންމަދުގެ ކާބައި ވަކިކޮށްލީމާ އޮށްގަނޑު ރަންކުލައިގައި އޮންނަ މަދު
ރަތްކޮށްލުން
މ (1) ތެލުގައި ނުވަތަ ގިތެލުގައި ފިޔާކޮޅު ރޯފިލަންދެން ހޫނުކޮށްލުން (2) މާޖާޒު: ރުޅިއަރުވާލުން
ރަތްމަސް
ނ ފަރުމަހުގެ ބާވަތެއް މިއީ ހުޅުނބުގިނަ ރަތްކުލައިގެ މަހެކެވެ މިމަހުގެ ދެއަރިމަތީގަިއ ރިހިކުލައިގެ ދެލައްހުރެއެވެ މިފާހަގަ ބޮޑަށް ފާޅުކޮށް ފެންނަނީ ކަނޑުގައި އުޅޭއިރުއެވެ
ރަތްމުރަކަ
ނ މަޑުރަތްކުލައެއްގައި ހުންނަ މުރަކައެއް މިއީ ވަރަށް ބޮޑެތިކޮށް ހެދޭމުރަކަ އެކެވެ މިމުރަކަ ނަގަނީ ކަނޑުންނެވެ މިމުރަކައިން ގަހަނާ ހަދައެވެ މިއީ ދުނިޔޭގައި ވަރަށް އަގުބޮޑު އެއްޗެކެވެ
ރަތްފިތަލި
ނ ހަމުގެ ބައްޔެއް މިބަލިހުންނަނީ ރަތްކޮށް ބޯކޮށްނަގައިފައިހުންނަ ބިހިގަނޑުގަނޑަށެވެ
ރަތްދަނޑިކުރި
ނ ބިލެތުގެ ރަތްކޮށް ހުންނަ ކުރި
ރަތްދަނޑިސާގު
ނ މައްސާގު ވައްތަރަށް ފަތް ހުންނަ އެއަށްވުރެ ބޮޑެތިކޮށް ހެދޭރަތް ކުލައިގެ ގަހެއް މިގަހުގެ ފަތުގައި ރިހަކައްކައެވެ
ރަތްދަތިލަނޑާ
ނ )މ ( ލަނޑާގެބާވަތެއް: މިލަނޑާގެ ހުޅުނބުތައް ހުންނަނީ ބޯކޮށް ފިތްފިތަށެވެ މިއީ ރަތްކުލައިގެ ލަނޑައެކެވެ
ރަތްދޭވާނި
ނ ފަނިފަކުސައިގެ ބާވަތެއް މިއީ ގޮވާމުގެ ޅަގަސްގަހުގައި އަޅާބައްޔެކެވެ މި ޙާއްޞަކޮށް ގިނައިން އަޅަނީ ގޮވާމުގެ ވައްތަރު ތަކުގެތެރޭން ބިންބި ކުދިބަތް މިދެބާވަތު ގެ ގަސްގަހުގައެވެ މިއީ ހުވަނީގެ ސިފައިގައި ރަތްކުލައިގައި ހުންނަ އެއްޗެކެވެ މިފަނިދުވަނީ ފަތުގެ މެދުތެރޭގައިވާ ފެހިބައިކަމުންނެވެ
ރަތްލަނޑާ
ނ މިއީ ހުޅުނބު ބޮޑެތިކޮށް ލޯރަތްކޮށް ހުންނަ މަޑުދޮންކުލައިގެ ލަނޑައެކެވެ