radheef.info
ރަދީފު


ކެތި
ނ (1) ހުޅަނގުމޫސުމުގެ ތިންވަނަ ނަކަތް (2) ކައިރިކައިރިކޮށް އެކީގައި ލޮލަށްފެންނަން ހުންނަ ތަރިބޮނޑިއެއް
ފިތުރުދިނުން
ނ ފިތުރު ޒަކާތަށްވާ ތަކެތި ދިނުން
ފިތް
ނ (1) އާދަމުގެ ދަރިންނާ ކުކުޅުހާފަދަ ބައެއް އެއްޗެހީގެ އެތެރެ ހަށީގައި އޮންނަ ވަރަށް ކުޑަ ގުނަވަނެއް. މިއީ ހަޖަމު ކުރުމުގެ ދިޔަ އުފައްދާ ގުނަވަނެވެ. (2) ބައެއް ތަކެތި ހަދައިފައި ހުންނައިރު އެއްސިފަޔަށް އުފުލިފައި ހުންނަހެން ހަދައިފައި ހުންނަ ތަންތަން. މިސާލު: ގޯނބިލިފުޅީގެ ފިތް. (3) ކެވޭ އެއްޗަކުން ނުވަތަ އެހެންވެސް ގޮތަކުން ގައިގެ ތަންތަނުން އުފުލޭ ތަންތަން. (4) ލުނބޯ ފޮނިލުނބޯ ފަދަ އެއްޗެހީގެ އެތެރޭގައި ބައިބައި ވަކިކޮށް ނެގެން ހުންނަ ބައިތަކުން ބައެއް. (5) މިޔުޒިކް ކުޅެން ގެންގުޅޭ ބައެއް އެއްޗެހީގައްޔާއި ރޭޑިޔޯގައި ހުންނަ ބައިތަކުން ބައެއް. (6) ބައިސްކަލް ޗޭނާއި ގަޑީ ޗޭނާއި ކަމަރުފަދަ ތަކެތީގެ ބަދައެއް. (7) ފިތްޖެހި ތެލީގައި ހުންނަ ކޮންމެ އަޑިތަނެއް. (8) ފުމެން ގެންގުޅޭ ދުންމާރީގެ ކޮޅަށް ފަނުން ނުވަތަ އެނޫންވެސް އެއްޗަކުން ހަދައިގެން ޖަހައިފައި ހުންނަ އެތިކޮޅު
ފިލި
ނ (1) އަކުރުގެ އަޑުނެރޭގޮތް އޮޅުން ފިލުވައިދިނުމަށް ޖަހާ ނިޝާން. މިސާލު: އަބަފިލި އިބިފިލި (2) ގަހެއްގެ ނަން (3) ފުރޯދަނޑިއާއި ވަޑާން ކައްޓާއި ކޮށާވަޅި ފަދަ އެއްޗެހީގެ މުށްގަނޑުގައި ދަގަނޑުން ނުވަތަ ލޮއިން އަޅައިފައި ހުންނަ ބަންދު (4) އެންހިފާއިރު ދަލުތެރެއަށް ޖަހަން ފިލިމަހުން ކަހައިފައި ހުންނަ މަސް (5) ފަރު ކެޔޮޅުކަމުގައި މަސްތިލަ ކުރުމަށް އުކާ ކަރުގޮހޮރު ފަދަ ތަކެތި (6) "ފިލުން" މިބަހުގެ ނިމިނިމުނުކަން މަޖާޒު: (7) ރިޝްވަތު (8) ކަމެއް ކުރުވުމަށް ބާޜުއެޅުވުމުގެ ގޮތުންދޭ އެއްޗެހި
ފީ
ނ (1) ލަކުޑިޔާއި މޭވާއާއި މިނޫންވެސް ބައެއް ތަކެތި ގިނަދުވަސް ވެގެންވާ ހަލާކު. (2) ދޫނިސޫފާސޫފި ބިސްތައް މަތީގައި އޮންނަ އޮތުމުން ބިހަށް އަންނަ ބަދަލު. (3) ބިހަށް ގެއްލުމެއް ލިބިގެން ނުވަތަ ގިނަ ދުވަސް ވެގެންވާ ހަލާކު (4) ބިސް ފީކުރާ ދުވަސްވަރު ކުކުޅަށްވެފައި ހުންނަގޮތް (5) ބައެއް ތަކެތީގައި ހަލާކު ވާންވެގެން ޖަހާ ކަޅުކުލައިގެ ލައްތަކެއް (6) ބައެއް ޒާތުގެ ޚިދުމަތަށާއި ބައެއް ހުއްދައަށް ދައްކަންޖެހޭ ފައިސާ (7) މަޖާޒު: ކަމުނުދާ (8) ރަނގަޅު ނޫން
ފީރު
ނ އެއްޗެހި ގާނައި އޮމާންކުރުމަށާއި ހުނިގޮނޑި ތިލަ ކީސް ފަދަ ތަކެތި ތޫނު ކުރުމަށްޓަކައި އެކަތައިން ހަދައިފައި ހުންނަ ހަތިޔާރެއް. މީގެ ދެތިން ހަތަރު ވައްތަރެއް ހުރެއެވެ. މިސާލު: ތިންއަރިފީރު އޮނުފަޅިފީރު ފަތިފީރު ގަސްގާނާފީރު
ފީކަސާލި
ނ )ސ ( ޒަމާންވެ ބާވެފައިވާ ތަކެތި
ފީކުރުން
މ ކުކުޅު އަސްދޫނި ފަދަ ބިސް އަޅާތަކެތި ބިސްމަތީގައި އޮވެގެން ބިސްތަކަށް ހޫނު ދިނުން
ފީވުން
މ (1) ލަކުޑިއާއި މައުދަނުގެ ތަކެތި ބާވެ އެތަކެތީގެ ބާރުދިޔުން (2) މޭވާއާއި ގޮވާން ފަދަ ތަކެތި ގިނަދުވަސް ވެގެން ބޭނުން ނުހިފޭ ވަރަށް ހަލާކުވުން (3) ކުޑަކުދިން ރުޅިގަދަ ވެފައި ފިނޑިވުން (4) ބިސްފީކުރާ ދުވަސްވަރު ކުކުޅަށްވެފައި ހުންނަ ގޮތްވުން (5) މަޖާޒު: ވެރިކަމާއި ޢާއިލާ ތަކާއި މީހުންގެ ބާރުކެނޑުން
ފުށްއެރުން
މ ތަރުކާރީއާއި މޭވާފަދަ ތަކެތި ވަކިވަރަކަށް ހަރުވުން
ފުށްވުން
މ (1) ލަކުޑިއާއި ކަރުދާސްފަދަ ތަކެތި މަޑުވެ ފުނޑުވާގޮތްވުން. (2) އަލުވި ކައްޓަލަ ފަދަ ތަކެތި މާބޮޑަށް މަޑުވުމުން އެތަކެއްޗާއި މެދު ބުނެ އުޅޭގޮތެއް
ފުށްދެމުން
މ އަނބާއި މުރަނގަތޮޅި ފަދަ ތަކެތި ފެނު ކައްކައި މަޑުކޮށްގެން އޭގައި ހުންނަ ފުށް ކަހައިގެން ނެގުން
ފުނަވާރު
ނ ވާރުނެގި ޒަމާނުގައި ވިލިވިލީން ދޭވަރު. މިވާރަށްނަގާ ތަކެތީގެ ތެރޭގައި ރަށް މާލޫދަށާއި ކަފުއޮޑީގެ ސާމާނަށް ބޭނުންވާ ތަކެތި ހިމެނެއެވެ
ފުރިބާރުވުން
މ (1) އެއްޗަކަށް ތަކެތި އެޅެންހުރި އެންމެ ގިނައެއްކޮށް ތަކެތި އެޅުމުން އެވާގޮތްވުން. (2) ތަނެއްގައި ޖާގައޮތް އެންމެ ބޮޑުމިންވަރަކަށް ނުވަތަ އެއްޗެހި ވެއްދުމުން ނުވަތަ ވަނުމުން އެވާގޮތްވުން (3) އުޅަނދަކަށް މީހުންނާއި ތަކެތި އެރުވެންއޮތް އެންމެ ގިނައެއްކޮށް އެރުވުމުން އެވާގޮތްވުން
ފުރޭނުން
މ (1) ދިޔާ އެއްޗިއްސާއި ހިކިތަކެތި ފުރޭންޏަށް ނުވަތަ އެފަދަ އެއްޗަކަށް އަޅައިގެން ރާޅުބަޔާއި ހިމުން ބައި ވަކިކުރުން. (2) ދިޔާ އެއްޗިއްސާއި ހިކިތަކެތި ފުރޭންޏަށް ނުވަތަ އެފަދަ އެއްޗަކަށް އަޅައިގެން ކަމުދާ ބަޔާއި ކަމުނުދާ ތަކެތި ވަކިކުރުން. (3) މީހުންތަކެއް ނުވަތައެއްޗެހި ތަކެއްގެ ތެރެއިން ވަކިބަޔެއް ހޮވައި ވަކިކުރުން (4) ބައެއްގެ ތެރެއިން ފޭދިގެން ގޮސް އެބަޔަކާ ވަކިވުން
ފުރޭމުކުރުން
މ ފޮޓޯ ފަދަ ތަކެތި ލޮޔަށްލުން
ފުރޮޅުން
މ (1) އެއްޗެއް އަނބުރަމުން ގެންދިއުން (2) ބައެއް ކަހަލަ ތަކެތި އެއްފުށުން އަނެއް ފުށަށް ޖެހުން
ފުކުރުން
މ )ޏ ސ ( ރޮދި ފަދަ ތަކެތި ކަނޑައިގެން ދިއުން
ފުއްވަޅުންދިއުން
މ (1) ބޮޑުބަޑި ނުވަތަ ހަވާފަދަ ތަކެތި ރޯކޮށްލުމުން ނުގޮވައި ފުއް ވަޅުން އަނދައިގެން ދިއުން (2) މަޖާޒު: ރާވައިގެން ވަކިގޮތަކަށް ކުރަން އުޅުނު ކަމެއް ނުވެދިއުން
ފުއްވުން
މ (1) މަޢުދަނީ ތަކެތިން ހަދާގެވެހި ކަންވާރުތަކާއި ގަހަނާތަކުގެ ކުރެހުންތައް އުސްކޮށް ހުންނާނެހެން ބެހެއްޓުން (2) ތައްގަނޑަކަށް އޮއްބައިގެން ފުފޭގޮތް ހެދުން (3) ބޮޑާހޭކުން (4) ތިމާ ރުޅި އައުމުން ކަންބޮޑުވާ ފަދަ ފަރާތަކަށް މާބޮޑަށް ނުރުހުމުގެ ކުލަ މޫނުމަތިން ދެއްކުން
ފުލުސް
ނ (1) އިސްކުރާއި ބޯލްޓް ފަދަ ތަކެތި ނުވަތަ އިސްކުރު ކަނޑައިފައި ހުންނަ އެއްޗެހި ހިފެހެއްޓުމަށް ނުވަތަ ބާރު ކުރުމަށް އޭގެ ކޮޅަށް ލައްވާ އިސްކުރު ކަނޑާފައި ހުންނަ އެތި (2) ފުލުހުން (3) ގޭތެރޭގައި ކުޅޭ ކުޅިވަރެއް