radheef.info
ރަދީފު


ކަމެއް
ނ (1) ދެރަގޮތެއް މިސާލު: އޭނާ މަސްއަލަ ޖެއްސިޔަކަސް ކަލެއަކަށް ކަމެއް ނުވާނެއެވެ (2) ބޭނުމެއް (3) މަސައްކަތެއް (4) މުހުތާދެއް
ވަނދުވުން
މ (1) މޭވާ ފަދަ ތަކެތި ލިބޭ ކޮންމެވެސް ގެއްލުމަކުން ހަރުވެ ފުރިހަމަނުވާގޮތްވުން (2) މަޖާޒު: ކަމެއްގައި ހުންނަންވީ ފުރިހަމަކަން ނެތުން
ވަންހަނާކުރުން
މ (1) ސިއްރު ކުރުން (2) ކަމެއް ފޮރުވުން (3) ނޭނގޭނެ ގޮތްހެދުން
ވަރުފަށް
ނ ކަމެއްގައި ހުންނަ ބާރު ނުވަތަ ފޯރި
)މުސްކުޅިބަހެއް( ހިނގަހިނގާ ހުރިކަމެއް ހުއްޓިލައިފައި އަނެއްކާ ފެށޭއިރު އިހަށްވުރެ ކުރިއަށް ހިނގާގޮތް ވީމާ ދީއުޅޭ މިސާލެއް ވަރުލައިގަންނަންނާ ބޮޑު އިހާ ޖަހާނެއެވެ
ވަރުލާފައިއޮތުން
މ (1) ކަމެއް މެދުކެނޑިފައި އޮތުން (2) ދެރާޅުދޭތެރޭގައި މަޑުވެލައިފައި އޮތުން
ވަރުލުން
މ (1) ވޭވޭހުރިކަމެއް ހުއްޓިލުން (2) ވަމުންދާކަމެއް މެދުކެނޑުން މިސާލު: ފުއްޓަރު ނުވަތަ ފަރަކަށް ހޮޅިލަމުން ބިންދާލާ ރާޅުބައި އެއް ރާޅަށްފަހު އަނެއްރާޅު ބިންދާލުމަށްފަހު ދެވަނަ ރާޅުބަޔާ ދޭތެރޭ ހަމަ ހިމޭންވެފައި އޮތުން
ވަބާ
ނ (1) ރޯގާގެ ގޮތުން ފެތުރޭ ބޮޑެތި ބަލިބަލި (2) މަޖާޒު: ކަމެއްގެ ނުވަތަ މީހެއްގެ އުނދަގޫ މާބޮޑުވުމުން ބުނެއުޅޭ ބަހެއް
ވަޅުނުލިބުން
މ ކަށްވަޅު ކޮނުމުގައި މައްޔިތެއްގެ ކަށިގަނޑު ނުވަތަ ސަންދޯކެއް ފެނުން ފަދަ ކަމަކުން ނުވަތަ އަދި މިނޫންވެސް ކަމެއް ދިމާވެގެން އެތަނަކުން ޖާގަނުލިބުން
ވަޅުޖައްސައިލުން
މ އެއްޗެއް ފަސްގަނޑުތެރޭ ނިވާކޮށްލުން މަޖާޒު: ހިނގާފައިވާ ނުރަގަޅުކަމެއް ވަންހަނާ ކުރުން
ވަޅުޖެހުން
މ (1) ފޭހިފައިވާ ދަގަނޑެއް ކުރައްޖެއްފަދަ އެއްޗެއް ބިމަށް ހަރައިގެން ވަޅެއް ހެދުން. މިކަމަށް ވަޅުހެރުން މިހެންވެސް ކިޔައެވެ. (2) ބިމުގައި ފޮރުވިލާވަރަށް ވަޅުލެވުން. (3) މަޖާޒު: ކަމެއް ކުރާންވެގެން ވާހަކަ ދައްކައިލައިފައި ވީނުވީގޮތެއް ނޭނގި އެކަމެއް ހުއްޓުން
)މުސްކުޅިބަހެއް( މޮޅު މީހަކު ކުޅަ ވިޔާނުވާ ކަމެއްގެ ވާހަކަ ދެރަމީހަކު ދައްކައިގެން ނުަވަތަ މޮޅު މީހަކު ކުރާ ވިޔާނުވާ ކަމެއްގައި ދެރަ މީހަކު ބައިވެރިވެގެން މޮޅު މީހާއަށް ގެއްލުމެއް ނުލިބި ނުވަތަ މާބޮޑު ދެރައެއް ނުލިބި ދެރަމީހާއަށް ދެރަލިބުނީމާ ދީއުޅޭ މިސާލުބަހެއް ވަޅެއް ނުތެޅޭނެއެވެ ތެޅޭނީ ދާންޏެވެ
ވަކަރުޖެހުން
މ (1) ރުއްކަނޑާންވެގެން ވަކަރުލާތޯބަލާން ފުރޮއިން ހޮނދުޖަހައިލުން (2) މަޖާޒު: މީހާގައިހުރި ހަރުދަނާކަމެއް ބަލައިލުން
ވަކަދިއުޅި
ނއ މަޖާޒު: ކަމެއް ކުރުމުގައި ހަރަކާތް ލަސްވެ ދެމިގެންވާ
ވަކަދިއުޅިދެމުން
މަޖާޒު: ކަމެއްގައި އެކަށީގެންވާ ވަރަށްވުރެ ދިގުދެމި ހަރަކާތް ކުޑަވެފައި އޮތުން
ވަކަދެމުން
މ (1) ގަސްގަހުގެ ތޮށިން ވަކަ ނެގުން (2) މަޖާޒު: ކަމެއްގެ މުއާލާތް ކެނޑިގެން ދާހާ ދިގު ދެމުން
ވަކާލާތުކުރުން
މ މީހެއްގެ ނުވަތަ ބައެއްގެ ފަރާތުން ޝަރީޢަތުގެ މަޖްލިސްގައި ނުވަތަ ޤާނޫނީ ކަމެއްގައި ވާހަކަ ދެއްކުން
ވަކީލު
ނ (1) ޤާނޫނީ ވަކީލުކަމުގެ ފާސް ލިބިފައިވާ މީހާ (2) ޤާނޫނީ ނުވަތަ ޝަރުޢީ ކަމެއްގައި މީހެއްގެ ފަރާތުން ހުންނަމީހާ (3) އޭޖެންޓް (4) ބަދަލުގައި ހުންނަ މީހާ
ވަކީލުކުރުން
މ ހުރިހާ ޙާލަތެއްގައި ހުރިހައިކަމެއް ﷲ ސުބުޙާނަހޫ ވަތަޢާލާއާ ހިތުގެ އަޑިން ޙަވާލުކުރުން
ވައިއެނބުރުން
މ (1) ޖެހޭވައި އެކިދިމަދިމާއަށް ބަދަލުވުން މިހެންވަނީ ދެމޫސުން ބެދޭ ދުވަސް ވަރަށެވެ (2) މަޖާޒު: ކަމެއްރާވާގޮތް ނޫން އެހެން ގޮތަކަށް ބަދަލުވުން
ވައިމަތިނުބައިވުން
މ (1) ވިއްސާރަ ވައްތަރުވުން (2) ކުރާން އުޅޭކަމަކަށް ހުއްޓުން އަރާ ފަދަ ކަމެއް ނުވަތަ އެކަމަކަށް މަސައްކަތް ކޮށްފިއްޔާ ގެއްލުމެއް ލިބިދާނޭ ފަދަ ލިސާނެއް ފެނުން (3) މަޖާޒު: އަމުރުވެރިއަކު ނުރުހޭގޮތް ފެނުން