radheef.info
ރަދީފު


ނާ
ނ (1) ނައު. (2) ނަވު. (3) އކ. ސުވާލާ ދެކޮޅަށް ދޭޒުވާބު. ނުވަތަ ޒުވާބުގެ ކުރީގައި ބުނާ އަކުރެއް. މިސާލު: "ކަލޭނުކާނޫތަ؟" އެހީމާ "ނާ" ބުނެފިނަމަ އެބުނީ ކާނަމެވެ. މިއަކުރު ޒުވާބުގެ ކުރިއަށް ގެންނަ ގޮތަކީ "ކަލޭނުކާނޫތަ؟" އެހީމާ "ނާ" ކާނަންމިއެވެ. (4) ޗާނދާލައިފައި ހުންނަ ހަތަރެސްކަން ރިޔާ ނުވަތަ ގޯސީނަގައިގެން ދުއްވާތަކެތި. (5) ބައެއް ބަސް އެބަހުގެ އިދިކޮޅު މާނައިގައި ބޭނުންކުރާއިރު ބަހުގެ ކުރިއަށް ގެންނަ އަކުރެއް. މިސާލު: ނާއުންމީދު ނާތަހުޒީބު
ރަންވަންގަލަދުން
ނ )ސ ( އަނދުނުގެ ބާވަތެއް މިގަލަދުމަށް އިރުގެ ދަޅައެޅުނީމާ ނުވަތަ އަލި އެޅުނީމާ ފެންނާނީ ރަންކުލައިގައެވެ
ރަންމަތީލުން
މ ދިރޭރަހަޔާއި އިބްރާހީމު ރަނުގެ ކުނޑިޔާ އޮޑިހަނަކަށް އަޅައިގެން 27 ގަޑިއިރުވަންދެން އެއްކުރުމަށްފަހު ރަންމަތީލާންވީ އެތި އަލިފާނުން ރަނގަޅަށް ދޮންކޮށް ތެޔޮކަނޑުވައިލައި ހިހޫވީމާ ލުނބޯހުތާ ސައިބޯނިއޮށުގެ ފެނުން ލޯނަރު ބުރުސް އަޅައި ރަނގަޅަށް ދޮވެސާފުކޮށްލައި އޭގެފަހުން ރަންމަތީލާއެތީގައި ރަނގަޅަށް އޮޑިހަނުގައި ގާނައިފައި ހުރި ކުނޑިތައް ކުޑަ ފިއްސަކުން ހާކައިލައި އެއްވަރުކޮށް ލުމަށްފަހު އަނެއްކާވެސް އަލިފާން މަތީބާއްވައިލައި ހޫނުކޮށް ލާނެއެވެ. އެއިރުން ދިރޭރަހައިގެ ބައި ދުމަށްވެގެން ހިނގައިދާނެއެވެ. އެއިރުން ރަންކުނޑި ހުންނާނީ އޭގައި ހަރުލައިފައެވެ. ދެންއޭގެމަތީގައި އޮފުއަރުވާކަށި ކާއްތާ އޮފުއަރުވާ ކުރެހުން ނުވަތަ ލިޔުން ގަނޑެއް ނަމަ އޭގެތެރޭގައި ކަށިކާއްތާ އޮފުއަރުވައި ހިކިކޮށް ހުރި އުއްތަން ހަދައިފައި ހުންނަ ބޭހުން އެތިފޮދެއް އޭގެ މަތީގައި ހާކައިލައި އަނެއްކާ އަލިފާނުން ހޫނުކޮށްލާނީއެވެ އޭރުން ހުންނާނީ އޭގެމައްޗަށް ރަންކުލަ އައިސްފައެވެ ދެން ފެންފޮދަކުން ދޮވެލައި ބުރުހުން ސާފުކޮށް ލުމުން ރަންމަތީލެވުނީއެވެ
ރަންފާނަ
ނ ފާނައިގެ ބާވަތެއް މީގެ ކުލައަކީ ރަންކުލައެވެ މަހުގެ ބޮލާއި ހަށިގަނޑުގައި ނާރިގު ކުލައަކަށްދާ ރީނދޫ ކުލައިގެ ކުދި ތިކިތަކެއް ހުރެއެވެ މަހުގެ ނިގޫފަތުގެ ކޮޅުގައި ނޫކުލައިގެ ހިމަ ފަށެއް ހުރެއެވެ
ރަންދާމުޅަ
ނ )ރ ( ރަށުން އެންމެ ރީތި އަންހެނާ
ރަންގަނޑު
ނ މަޖާޒު: ލޯބީން ނުވަތަ ޤަބޫލުކަން ބޮޑު ވެގެން މީހުންނާ ދިމާއަށް ބުނެއުޅޭ ބަހެއް
ރަންގުކައްޓަލަ
ނ ކައްޓަލައިގެ ބާވަތެއް މީގެ އެތެރެ ހުންނާނީ މަޑު ދަނބު ކުލައެއްގައެވެ
ރަންގުވެޔޮ
ނ ރަންގުއޮށް އަޅާ ވެޔޮ މިވެޔޮހެދެނީ ގަސްގަހުގައި ހަކި ހިއްޕައިގެންނެވެ އޭގައި އަޅާ އޮށް ފިތައިލީމާ ނިކުންނާނީ ރަންގުކުލައެވެ މިވެލުގެ ފަތް ވަރަށް ކުދިވާނެއެވެ މިއީ ވަލުގައި ވަރަށް ގަދަޔަށް ހެދޭ ވެލެކެވެ މިވެޔޮ ރުކަކަށް އަރައިފިއްޔާ ރުއް މަރުވެސް ވެދާނެއެވެ
ރަންގުފަޅޯ
ނ ފަޅޮލުގެ ބާވަތެއް މީގެ އެތެރެ ހުންނާނީ މަޑުރަތް ދަނބުކުލައެއްގައެވެ
ރަންގުފޭރު
ނ ފޭރުގެ ބާވަތެއް މީގެ އެތެރެ ހުންނާނީ ރަތް ދަނބުކުލައިގައެވެ
ރަންޏަކު ދަރިއެއް ބޮޑެއް ނުކުރާނެއެވެ.
(މިސާލުބަހެއް) ރަނިބޭކަނބަލުންނަކީ ކުދިން ބެލުމުގެ ބަރުއުފުލާ ބަޔަކު ނޫނެވެ. ތިމާ ނުކުރިޔަސް ކުށްވެރިނުވާ ކަހަލަ ތިމާކުރާންވާ ބައެއް ކަންތައް އެހެން މީހުންނާ ޖައްސާ ބައެއް މީހުންނާ މެދުގައި ބުނެއުޅޭ ބަހެއް.
ރަންޑީ
ނ ލަވަކިޔައިނަށައިފައި ފައިސާޔަށް މީހުނާ މޮށެ އުޅޭ އަންހެނާ
ރަންޑީބާޒީކުރުން
ނ ރަންޑީންނާ މޮށުން
ރަކި
ނ (1) މީހުންނާ ކުރިމަތިލާން ފަސްޖެހި ލަދުގަންނަ ލަދުގަތުން (2) ލަދުގަނެގެން ފާޅުވާ އަސަރު
ރަކިކުރުން
މ މީހުންނާ ކުރިމަތިލާންފަސްޖެހޭ ވަރަށް ލަދުގަނެ ދެރަވާނެގޮތް ހެދުން
ރަކިކޮށްޓުން
މ )ސ ( ހިތްކިޔާވަރުގެ އަންހެންކުދީންނާއި ފިރިހެން ކުދިން ވާހަކަ ދައްކާލީމާ ލަދުގަންނަގޮތްވުން
ރަކިވުން
މ (1) މީހުންނާ ކުރިމަތިލާން ފަސްޖެހި ލަދުގަތުން (2) ލަދުގަތުމުގެ އަސަރު ފާޅުވުން
ރަކިސް
ނ )ބ ( މާކަނާހޮޑު
ރައިވަރު
ނ ދިވެހިޅެމުގެ ބާވަތެއް. މިހެދިފައި ހުންނަނީ ތިންބަހުންނާއި ހަބަހުންނެވެ މީގެކުރީން މިއަށްވުރެ ގިނަބަހުންވެސް ރައިވަރު ހަދައި އުޅެއެވެ
ރައްކައުކުރުން
މ (1) ސަލާމަތް ކުރުން (2) ފޮރުވުން (3) ވިއްސުމަށް މާތްބަހުންނާއި އެންމެ މާތްބަހުން ކިޔާގޮތް
ރައްކައުވުން
މ (1) ސަލާމަތްވުން (2) ފިލުން (3) ވިހެއުމަށް މާތްބަހުންނާއި އެންމެ މާތްބަހުން ކިޔާގޮތް