radheef.info
ރަދީފު


ހީ
ނ (1) ޝައްކު (2) ކަށަވަރުކަމެއްނެތި ހިތަށްއަރާ އެއްޗެހި (3) ފިނިކަމުން ހަށިގަނޑަށް ލިބޭ އުނދަގޫ
ފުއްގަނޑު
ނ އަތްބައްތި ފުޅިބައްތި ފަދަ އެއްޗެހީގެ ހުޅުރޯވެފައި ހުންނަބައި
ފުސް
ނ (1) ބައްޔެއްގެ ސަބަބުން ބައެއް މީހުންގެ ލޮލަށް ވާގޮތެއް (2) ބަނަ (3) ބިއްލޫރި ފަދަ ތަކެއްޗަށް ފިނި ހޫނުގެ ސަބަބުން އަންނަ ނުސާފުކަން (4) ނަކަތެއްގެ ނަން )ހުޅަނގު މޫސުމުގެ 8 ވަނަ ނަކަތް ( (5) ވިއްސާރަވިލާ (6) )ސ ( އެއްޗެހީގައި ޖަހާފޫ
ފުސްޖެހުން
މ (1) އުދަރެހުގައި ވިލާ އުފެދުން (2) ބިއްލޫރި ފަދަ އެއްޗެހީގައި ފުސް އުފެއްދުން
ފޫ
ނ (1) ބައެއް ކަހަލަ ކާއެއްޗެހި ގިނަ ދުވަސްވެ ހަލާކުވެގެން ނުވަތަ ވައި ބަންދުވެ ދުވަސްވެގެން އޭގައިޖަހާ ކަފަގޮތަށް ނުވަތަ ކެހެރި ފާޑަށް ހުންނަ އެއްޗެއް. މިއީ ދިރުން ހުންނަ ހުދުކުލައަކަށްދާ އެއްޗެކެވެ. ދުވަސް ވީވީހެން ކުލަ ބަދަލުވަމުންގޮސް ކަޅުކުލައަށް ބަދަލުވެއެވެ. (2) ދާ ހިއްލާ ހިކުނީމާ ގައިގަޔާއި ފޭރާމުގައި ހުންނަ ހިކިފައިވާ ލޮނު. (3) ޖަންބާއި ޖަނބުރޯލުފަދަ ތަކެތީގެ މަލުގެ ފިޔަ ވެރުނީމާ މޭވާއަކަށްވުމުގެ ކުރީގައި ހުންނަބައި. (4) އެއްޗެހި ހަރުލާގޮތަށް ހުންނަ ކޮންމެ އެއްޗެއްގެ އަޑީގެ ދެފަރާތް. މިސާލު: ތެލި ވަޅު ތާނގީ ދަޅުފަދަ އެއްޗެހީގެ ފޫ (5) މަސްއަރީގެ ނިމޭކޮޅު (6) ދަނޑި ނުވަތަ ރިތް ފަދަ ތަކެތީގެ ފަލަކޮޅު (7) ފިނދުމަސްގަނޑު (8) މޭވާއާއި ތަރުކާރީފަދަ ތަކެތީގެ ތަނޑު ހުންނަކޮޅު ނޫން އަނެއް ކޮޅު
ފޫހަރުކުރުން
މ (1) ކޮޅަށްޖަހާ އެއްޗެހީގައި ފޫ ނުގުޑާގޮތަށް ގަދަކުރުން (2) މަޖާޒު: ތަނަކަށް ގަދަކޮށްލުން
ފޫބުރި
ނ (1) ވާގަނޑުނޮޅި ޖަހާ ފުޅި މިފުޅި ހުންނާނީ މައްޗަށް ހިމަކޮށް ކަރެއްލައިފައި ތިރިޔަށް ފުޅާކޮށް ފޫހަމައަށެވެ (2) މައްޗާއި ފޫހުންނަ ބައެއް ކަހަލަ އެއްޗެހީގެ ތިރީބައި މިސާލު: ސިލުނބުގެ ފޫބުރި
ފޫޅުދަނޑި
ނ ބަނޑުއަޅައި ވިހާ އެއްޗެހީގެ މަހާއިފޫޅާ ދެމެދުގައި އޮންނަ ފަށް
ފޫގެޅުން
މ (1) އަނދެފައިވާ މުންޑު ނުވަތަ ފޮށާ ފަދަ އެއްޗެހީގެ ތިރީކޮޅު އެއްފަށަށް ވާގޮތަށް ކުރިމައްޗަށް ބޮޑިކޮށްލައި އެބައި ދެފައި ދެގޯޅިން ފަހަތަށް ގެންގޮސް ފުރަގަހުން އުނަގަނޑުގެ ރޮދިގަނޑު ދަށަށް ޖެހުން (2) މަޖާޒު: ޢަޒުމާއެކު ކަމަކާ ކުރިމަތިލުން
ފެހިމުރު
ނ )ސ ( ވަޅުފެހީގެ ތެރޭގައި އުޅޭ ރަތްކުލައިގެ ހިމަ ފަންޏެއް
ފެހިޖެހުން
މ އަވިލިބޭގޮތަށް ތެތްފިނިކޮށް ހުންނަ ތަންތާނގައްޔާއި ފެނު އަޑީގައި ހުންނަ ތަންތަނާއި އެއްޗެހީގައި ފެހި ކުލައިގެ ދިރުން ހުންނަ އެއްޗެއް އުފެދުން
)ވަޅުފެހި( ފެހެލަ
ނ )ޏ ސ ( އެއްޗެހީގައި ޖަހާ ފެހި
ފެނާއިހި
ނ އިހީގެ ބާވަތެއް
ފެންނިލަނދި
ނ )ސ ( (1) ރަފީގު (2) ހީރި
ފެންބަޑި
ނ (1) ޢީދުވިލޭރޭ މެންދަމު ކިލެގެ ބުރުޒުން ޖަހާބަޑިއެއް (2) ހުކުރު ދުވަހު 01 ޖެހީމާ ކިލެގެ ބުރުޒުން ޖަހާބަޑިއެއް މިބަޑިޖަހަނީ ރަދުން ހުކުރަށް ފައިންޕުޅު އަޅުއްވާނެކަން އެންގުމަށް ޓަކައެވެ
ފެންކެނޑުން
މ (1) ވާރޭހުއްޓުން. (2) ގައިގެ ދެހަން ދޭތެރެއަށް ފެން އަރައި ހަންގަނޑު ކެނޑުން. (3) )ޏ.ސ.( ފިރިހެނެއްގެ ކިބައިގައިވާ ހީވާގިކަމާއި ކެރުމާއި މުރާލިކަން ހުރުން
ފެންއެރުން
މ (1) ބިމުން ނުވަތަ އިސްކުރެއް ފަދަ އެއްޗަކުން މައްޗަށް ފެން އައުން. (2) ފޮޅު ބިހިފަދަ އެއްޗެހީގެ އެތެރޭގައި ފެން އުފެދުން. (3) އޮޑިދޯނިފަހަރުގެ މަތިކަން މަތިން އެތެރެއަށް ލޮނު އެޅުން. މިއީ ދިޔަބޮޑުވުމުގެ ސަބަބުން ނުވަތަ ދުއްވައިފައި ދާއިރު ކަނޑު ގަދަވުމުގެ ސަބަބުން ދިމާވާގޮތެކެވެ (4) )ޏ ސ ( ކުޑަކުދިންގެ ރޫފަޖެހުން
ފެންފިޔާޒު
ނ ޖަވާހިރެއް މިހުންނަނީ މަޑުކުލަކުލައިގައެވެ އެތެރެ އެނގޭ ހެން ހީވާ ނުވާގޮތަކަށް އެއްކުލައަކުން ނޫނީ ދެކުލައެއް އެކުލެވޭ ގޮތަށެވެ
ފެންފުހި
ނ (1) ކާރު ލޮރީ ފަދަ އެއްޗެހީގެ ބިއްލޫރިގަނޑުން ފެން ފުހެދޭން ހުންނައެތި (2) ކަނޑުދަތުރުކުރާ އުޅަނދުފަހަރުގެ ހުންގާނުގައި ހުންނަ މީހާގެ ކުރިމަތީގައިވާ ބިއްލޫރިގަނޑުން ފެންފުހެދޭން ހުންނައެތި (3) ފެންހޭކެކުމަށާއި ފެންހިއްކުމަށް ބޭނުންކުރާއެތި
ފެލޯޝިޕް
ނ ޔުނިވަރުސިޓީގައި ނުވަތަ ކޮލެޖުގައި އެއްފެންވަރެއްގެ ތަޢުލީމީ މީހުންނާއެކު މަސައްކަތް ކުރުމަށް މާލީ އެހީއާއެކު ލިބޭ ނުވަތަ ދެވޭ ފުރުޞަތު
ފޭހިއެރުން
މ )ޏ ސ ( (1) މަގުހިނގާއިރު އެއްދިމާއަކަށް ނުދެވިއެގޮތް މުގޮތަށް ދެވުން (2) ދުއްވާ އެއްޗެހީގެ ހުންގާނު އެއް މިސްރާބަކަށް ނުހިފެހެއްޓިގެން ހޫރެމުން ދިއުން