radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ގުންޑޮޅި
ނ (1) ވަޅުގަނޑެއްގެ ނުވަތަ ފެންގަނޑެއްގެ އަރިމަތީ ފަސްގަނޑު. (2) ރާޅުޖަހައިގެން ގިރަމުންދާ ތަނެއްގެ ކައިރިފަށުގައި އުސްކޮށް އޮންނަ ފަސްގަނޑު (3) މަޖާޒު: އިސްމަތީގެ ކަށިގަނޑު
ގުންޑޮޅިކެނޑުން
މ (1) ކޮނެފައިވާ ނުވަތަ ކޮންނަމުންދާ ވަޅެއްގެ އަރިމަތީފަސް ގަނޑު ކަނޑައިގެންވެއްޓުން (2) ރާޅުޖަހައިގެން ގިރަމުންދާ ރަށެއްގެ ގޮނޑުދޮށުގައި އުސްކޮށް އޮންނަ ފަސްގަނޑު ކަނޑައިގެންވެއްޓުން
ގުރާމޮށުން
މ މަޖާޒު: (1) ތިމާގެ އަމިއްލަ ޚިޔާލެއްނެތި އަނެކަކު ބުނާހާ އެއްޗެއް ބުނުން (2) ތިމާގެ އަމިއްލަ ޚިޔާލެއް ނުވަތަ އިތުރު މަޢުލޫމާތެއް ހޯދުމެއްނެތި ހަމައެކަނި ތިމާދަސްކޮށްފައިވާ ގޮތަކަށް އެއްޗެއް ކިޔުން
ގުރު
ނ (1) ރުއްގަހުގައި އަޅާތަކެތީގެ ތެރެއިން ބޮޑުވާންވާ ވަރަށް ބޮޑު ނުވެހުންނަ ތަކެތި (2) ފުންނައިގެ ބާވަތެއް (3) މަޖާޒު: ބޮޑު ވާންވާވަރަށް ބޮޑުނުވެތިބޭ ކުދިން
ގުރުޑު
ނއ ގަސްގަހުގެ ފަތާއި ގަހުގައި އަޅާތަކެތި ރޫޖެހިގެން ނުވަތަ ކުރުގެޅިގެންވާ އައިބު
ގުރުޑުބަލި
ނ ގަސްގަހުގެ ފަތާއި ގަހުގައި ގަންނަ އެއްޗެހި ރޫޖެހި ކުރުގެޅޭގޮތްވާ ބައްޔެއް
ގުރުޑުވުން
މ ގަސްގަހާގެހީގެ ފަތާއި މަލާއި ގަހުގައި އަޅާތަކެތި ރޫޖެހިގެން ނުވަތަ ކުރުގެޅިގެން އައިބުވުން
ގުރުޒު
ނ (1) އިހުގައި ހަނގުރާމަވެރިން ބޭނުންކުރި ހަތިޔާރެއްގެ ނަން މިހަތިޔާރު ހުންނަނީ އެއްކޮޅު ވައްކޮށް ފަލަކޮށެވެ ހިފަން މުށްގަނޑެއް ލައިފައެވެ (2) ތާރަޖަހާއިރު ނަށާމީހުން ވަކިހަމަޔަކަށް ޖަހަންގެންގުޅޭ ކުރުދަނޑިކޮޅެއް ލައިފައި އޮންނަ ލޯބޮޅު ފައްޗެއް
ގުރުޒުޖެހުން
މ ތާރަޖަހާއިރު ގުރުޒު ހިފައިގެން ނަށަމުންގޮސް އެހެން މީހެއްގެ އުނގަށް ގުރުޒު ވައްޓައިލުން
ގުރޫޕް
ނ (1) ޖަމާޢަތް (2) އޮޅި (3) ބައިގަނޑު (4) ވަރު
ގުބުހަންޖެހުން
މ )ގ ( ޖިމާޢުވުން
ގުބުރެޖެހުން
މ )ގ ( ގުގުރިޖެހުން
ގުޅަކޮށްފައިޖެހުން
މ (1) އެއްޗެއް ބޮނޑިކޮށްލައިފައި ތަނަކަށް އެއްލައިލުން (2) މަޖާޒު: ކަންތައްތަކެއް ބޮނޑިކޮށްފައި އަނެކަކާ ޙަވާލުކުރުން
ގުޅައަކަށްޖެހުން
މ (1) ބޮޑިއަކަށް ޖެހުން (2) މަޖާޒު: ގުޅަމަތި ހިފުމުގެ ތެރޭގައި އަނެކަކު އުފުލައިލައި ބިންމައްޗަށް ވައްޓައިލުން
ގުޅަޖެހުން
މ މަޖާޒު: އަފިހުން ކެއުން
ގުޅާކޮށް
ކއ (1) ގާތްގާތްކޮށް (2) ޖެހިޖެހިގެން (3) ފޭރާން ހެޔޮކޮށް
ގުޅިބޭނުން
މ (1) ބޮޑެތި ގަސްގަހުގެ ގަސްކަނދާއި ރުއްރުއް ކަނޑާއިރު ވާ ޖަހައިގެން ބުރިބުރިޔަށް ތިރިކުރުން (2) ރުއްކަނޑާއިރު ފަހަރަކު ގުޅިޔެއް ކުރުކޮށް ބުރިކޮށްފައި ވެއްޓުން
ގުޅިތު
ނ ބޯ ކަނޑައިގެން ވައްދާ އިސްކުރުފަދަ ތަކެތިޖަހާއިރު އިސްކުރުގެބޯ ފޮރުވަން އިސްކުރުގެ މައްޗަށް ޖަހާއެތިކޮޅެއް މިހުންނަނީ ކީލި ހުރަހަށެވެ )އެޖަހާ އެއްޗަކާ އެއްކޮޅަށެވެ
ގުޅިގެންއުޅުން
މ (1) އެކުވެރިވެގެން އުޅުން (2) މަޖާޒު: އިނދެގެން އުޅުން
ގުޅުންހިނގުން
މ (1) ގާތްކަން އުފެދުން (2) މަޖާޒު: ދެޖިންސްގެ ދެމީހެއްގެ ދެމެދުގައި ޖިންސީ ޢަމަލެއް ހިނގުން