radheef.info
ރަދީފު


ވ
ތާނައިގެ ނުވަވަނަ އަކުރު
ފިހާވަރު
ނ )ބދ ( ބައިވަރު
ފިހިވަޅު
ނ ކުލައާއި ދަވާދު ފަދަ ތަކެތި ލައިފައި ހުންނައިރު ފިހިޖެއްސިތަން އެނގޭގޮތަށް ހުންނަ ތަންތަން
ފިހިގަނޑާކުޅުވުން
މ ބުޅާކުޅުވުން
ފިށަށްތެލިވުން
މ )ސ ( ކުރާނެ މަސައްކަތެއް ނެތުން
ފިށައްސެލިވުން
މ )ޏ ( ހަދާނެގޮތެއް ނެތިގޮތްހުސްވުން
ފިނދުވީދައިގެންކެއުން
މ (1) އެއްޗެއް ފިނދުދޮށަށްލައި ފޮރުވައިގެން އިދެ އެތިއެތި ކޮޅުން ކެއުން (2) މަޖާޒު: މީހަކަށް އުޖޫރައެއް ނެތި މަސައްކަތް ކޮށްދޭއިރު އަމިއްލަ އަތުން ޚަރަދުކޮށްގެން ކައިބޮއި ހެދުން
ފިނޑިވުން
މ (1) ނުކެރުން (2) ހިތްވަރު ދެރަވުން (3) ކަންކަމާމެދު ޖެހިލުންވުން
ފިނޑިފީށަށްއެރުވުން
މ )ސ ( ތަޅައި ކުދިކުދި ކޮށްލުން
ފިނިހިއްޕެވުން
ނ ބައްދަލުވުންތަކުގައި ދެވޭ ފިނި ފޮނި ބުއިމަށް މާތްބަހުން ބުނާގޮތް
ފިނިހޫނުއެއްވަރުވުން
މ ހޫނުކަން ނުވަތަ ފިނިކަން މާމައްޗަށް ނުވަތަ މާތިރިއަށް ނުގޮސް އިންސާނުން ދިރިއުޅެން ފަސޭހަ މިނެއްގައި ހިފެހެއްޓިފައި ހުރުން
ފިނިނޭވާ
ނ ހިތާމައާއި ހިތްދަތިކަމާއި ވޭނުން ފުރިގެން ލެވޭ ނޭވާ
ފިނިބާރުވުން
މ ފިނިގަދަވުން
ފިނިބޮޑުވުން
މ (1) ފިނިކަން ގަދަވުން (2) ފިނިކަން މައްޗަށް ދިއުން
ފިނިވުން
މ (1) ހޫނުގެ އަސަރުކެނޑުން (2) ގަނޑުފެނާއި ފިނިކުރި އެއްޗެހިންވާ އިޙްސާސް އުފެދޭ ގޮތްވުން މަޖާޒު: (3) ބިރުންފަސްޖެހޭ ގޮތްވުން (4) ރުޅި މަޑުވުން (5) ކަމެއްގެ ބާރުކެނޑުން
ފިނިވެލުން
މ ފިނިވުން ލުއިކޮށް ބުނާގޮތް
ފިނިގަދަވުން
މ ފިނިބާރުވުން
ފިރާވަރު
ނ )ބދ ( ގިނަ ބައިވަރު
ފިރިހެންވަންތަ
ނއ ފިރިހެނެއްގައި ހުންނަންވީ ފުރިހަމަ ސިފަތައް ލިބިގެންވާ. މިސާލު: ހިތްވަރުގަދަ ޖެހިލުންކުޑަ ކެރޭ މިފަދަ ސިފަތައް ލިބިގެންވާ
ފިރިހެންވަންތަކަން
ނއނ ފިރިހެނެއްގައި ހުންނަންވީ ފުރިހަމަ ސިފަތައް ލިބިހުރިކަން މިސާލު: ހިތްވަރުގަދަކަމާ ޖެހިލުން ކުޑަކަންފަދަ ސިފަތައް ހުރިކަން
ފިރިހެންވުން
މ (1) ކަންކަމާ ކެރިގެން ކުރިމަތިލުން (2) ޖެހިލުން ކުޑަވުން (3) ހިތްވަރުގަދަވުން (4) އަންހެނަކު ފިރިހެނަކަށް ހެދިގެން އުޅުން