radheef.info
ރަދީފު


ބަ
އ އައްބަ
ފޮހޭރަބަރު
ނ ލިޔެފައި ނުވަތަ ކުރަހައިފައި ހުންނަ އެއްޗެހި ފިލުވައިލަން ގެންގުޅޭ ރަބަރު
ފޮށާ
ނ ފިރިހެނުން އުނު އަނުމަށާއި ބޮލުގައި އެޅުމަށާއި އުނަގަނޑުގައި ބަނުމަށް ބޭނުންކުރާ ހުދު ފޮތިގަނޑެއް
ފޮށިފެޅުން
މ (1) މީހުންގެ ފޮށި ފަދަ ތަކެތި ފަޅައިގެން ވައްކަން ކުރުން. (2) މަޖާޒު: ފަށުވި ފަންނުގެ ތެރޭގައި ހިމެނޭ އަނެކެއްގެ އުފެއްދުމެއް ނުވަތަ އުފެއްދުމެއްގެ ބައެއް ތިމާގެ އަމިއްލަ އެއްޗެއްގެ ގޮތުގައި ބޭނުންކުރުން
ފޮށިގަތުން
މ ފޮށުން މިބަހުގެ (1) ވަނަ މާނަ ބަލާ!
ފޮށުން
މ (1) ރުޅިއެރުވުމުގެ މަޤްޞަދުގައި ނުވަތަ ޖެއްސުމަށް މީހަކާއި ބެހިގަނެގެން އެއްޗެހި ކިޔާ އުޅުން (2) ނުރަނގަޅު ކަމެއް ކުރިމަތިވުން މިސާލު: ބަލިމަޑުކަމެއް ފެށުން
ފޮށެކިއުން
މ (ސ) ގ ފޮށުން މިބަހުގެ އެއްވަނަ މާނަ ބަލާ!
ފޮނި
ނ (1) މާމަލުގެ ކަރުގަނޑުގައި ހުންނަ އޮލަ ފެންފޮދު. (2) މާމުޔާއި ހަކުރު ފަދަ ތަކެތީގައި ދޭރަހަ. (3) މޭވާގައި ހުންނަ ހަކުރުގެ ރަހަ. (4) މަޖާޒު: ތިމާގެ މޮޅުކަމާއި ކުޅަދާނަކަން ދެއްކުމަށް ދައްކާ ވާހަކަ (5) ނއ ތިމާއާއި އެކަށީގެންވާ ވަރަށްވުރެ މައްޗަށް ބޮޑާވެގަނެގެން އުޅޭ އުޅުން (6) ދެވޭ ދޮން (7) އަރާމާއި ރާޙަތާއި އުފާ (8) ބަސްބަހުގައި ހުންނަ ބަލާޣަތްތެރިކަން
ފޮނިހުންޏަށްގޮސްހުސްވުން
މ (1) މަޖާޒު: ރަހަބަލަބަލާ ހުސްވުން (2) ސުންކަން ޖަހަޖަހާ ހުސްވުން
)ފޮނިބުއިން ބަލާ!( ފޮނިބޮއިލުން
މ ފޮނިބުއިން މިބަސްލުއިކޮށް ބުނާގޮތް
ފޮނިކަން
ނއނ (1) ފޮނި މިބަހުގެ ނަންއިތުރުގެނަން. (2) މަޖާޒު: މީހެއްގެ ކިބައިގައި ހުންނަ ކަންދައްކާ ގޮތް. (3) މަޖާޒު: ވާހަކަދެއްކުމާއި ލިޔެކިޔުމުގައި ބޭނުންކުރާ ބަސްބަހުގެ ބަލާޣަތްތެރިކަން
ފޮނިކަލިޔާ
ނ ގިތެޔޮ އަޅައިގެން ފޮނިކޮށް ކައްކާ ބަތެއް
ފޮނިކޮކާ
ނ އިރުވަޔާއި ހުޅަނގާއި ބެދޭ ދުވަސްވަރު އަންނަ މަޑު ދޮންކުލައިގެ ކޮކާލެއް. މިކޮކާ ގިނައިން އަންނަނީ އަހިގަހުގެ މަލަށާއި މާނިފާ ވެލުގެ މަލަށެވެ ބައެއް މޫސުމުގައި ކަނދުގަހަށްވެސް އާދެއެވެ
ފޮނިދެއްކުން
މ މަޖާޒު: ތިމާގެ މޮޅުކަން ބަހުންނާއި ޢަމަލުން ދެއްކުން
ފޮނިތޮށިކާފޫރުތޮޅިލުން
މ މަޖާޒު: އެކަކު ދައްކާ ވާހަކައެއް އަނެކަކުގާތުގައި ދައްކާ އިރު އެވާހަކަ ފޮނިކުރަން ބައެއް އިތުރު ކުރުން
ފޮނިޔަމަސް
ނ ބޮލުގެ ދެފަރާތުގައި ފަނޑުކޮށް ކުރެހުން ބައެއް ހުންނަ ގަދަ އަޅިކުލައިގެ މަހެއް
ފޮނު
ނ (1) ދިޔާ އެއްޗަކަށް އަންނަ ބަދަލަކުން ނުވަތަ އަންނަ ހަރަކާތަކުން އެއެއްޗެއްގެ މަތީގައި އުފެދޭ ކުދިކުދި ބޮކިތަކަކުން އެކުލެވިފައިވާ ހުދު ކުލައިގެ އެއްޗެއް. (2) އަނގައިގެ ތެރޭގައި ކުޅުން އުފެދޭ ކުދިކުދި ބޮކިތަކެއްހެން ހުންނަ އެއްޗެއް. (3) ރާޅު މުގުރާ އިރާއި ރާޅުޖަހާއިރާއި ބިންދާއިރު އަރާވައިގެ ބޮކި ތަކަކުން އުފެދޭ ހުދުކުލައިގެ އެއްޗެއް. (4) އަލިފާން ނިއްވުމަށްޓަކައި އުފައްދައިފައި ހުންނަ ލޮލަށް ނުފެންނަހާ ކުދިކުދި ބޮކިތަކަކުން އެކުލެވޭ ހުދުކުލައިގެ އެއްޗެއް. (5) ސައިބޯނި އޯމޯ ފަދަ ތަކެތި ފެނާ އެކުވުމުން އަރާވައިގެ ބޮކިތަކެއް
ފޮނުއެރުވުން
މ (1) ބިންމަތި ފަސޭހަވާ ބަލީގައި އަނގައިން ފޮނުތައް ނުކުތުން (2) ދޮންނަ ކުނޑި ނުވަތަ ސައިބޯނި ފަދަ އެއްޗެހިން ފޮނު ހެއްދުން )ވައިގެ ބޮކިތައް ހެއްދުން(
ފޮނުއްވުން
މ "ފޮނުވުން" މިބަސް މާތްކޮށް ބުނާގޮތް
ފޮނުވާލުން
މ (1) "ފޮނުވުން" މިބަސް ލުއިކޮށް ބުނާގޮތް (2) މީހަކު އެމީހާ ދިރިއުޅޭ ރަށުގައި ބަހައްޓަވަން ސަރުކާރަށް ފެނިވަޑައި ނުގެން އެހެން ރަށަކަށް ފޮނުއްވުން
ފޮނުވާލެއްވުން
މ "ފޮނުވާލުން" މިބަސް މާތްކޮށް ބުނާގޮތް