radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ދޭލިޔާ
ނ ވަރަށް ރީތިކޮށް ހުންނަ ފިޔަގިނަމަލެއް
ދޮހަށްރިހުން
މ އިންސާނާގެ ހަށިގަނޑުގައި ތަނެއްދުޅަވެ ދޮސްއެރުމަށް ރިހޭރިހުން
ދޮށިމޭނާ
ނ (1) ކޮލީނަމެއް )ދޮށިމޭނާކަން ބަލާ( (2) ދިފާއީ ކަންތައްތަކާ ބެހޭ ގޮތުން އިހުގައި ހުންނަވާ ވަޒީރު
ދޮށިމޭނާކިލެގެ
ނ (1) ހަތްދަށުކޮލީގެ ނަމެއް (2) ދިފާޢީ ކަންތައްތަކާބެހޭ ގޮތުން އިހުގައި ހުންނަވާ ވަޒީރު
ދޮށިމޭނާވެޔޮ
ނ ފަތްކާން ބޭނުންކުރާ ވެލެއް މިފަތުގައި ދަނޑިއަލުވި ގަހުގެ ފަތާ ވައްތަރުގޮތެއް ހުންނާނެއެވެ ނަމަވެސް އެއަށްވުރެ މާކުދިވާނެއެވެ
ދޮނގު
ނ )ލ ( (1) ދިޔާ އެއްޗެހި އެޅުމަށް އަނގަކުޑަކޮށް މުށިން ހަދައިފައި ހުންނަ ކަންވާރެއް (2) އަނގަކުޑަ މަހެއް މިމަހަކީ ޙަރަކާތް ކުޑަ މަހެކެވެ
ދޮނަޅަ
ނ ފަތްދިގު އެއްތަނޑަށް ހެދޭގަހެއްގައި އަންނަ ކުރާގަނޑެއްގައި ހުންނަ ފުއްތަކެއް މީގެފުއްތައް ހުންނާނީ ބޮޑު ސާގުފުކެއް ވަރަށެވެ މިއީ ގޮވާމުގެ ބާވަތެކެވެ
ދޮން
ނ (1) ކުލައެއްގެނަން )މަޑުރީނދޫކުލަ( (2) ބައެއްކަހަލަ މޭވާ ދޮންވީމާ ހުންނަ ކުލަ (3) މީހުންނަށް ނިސްބަތް ކުރާއިރު ކަޅުގެ އިދިކޮޅު (4) މީހުންގެ މޫނުގައިދޭ ބޮސް (5) ބައެއް މޭވާ ހަރުވެގެންވާ ފައްކާ (6) މަޢުދަނީ ތަކެތި މާބޮޑަށް ވާހޫނު
ދޮންހަސަނު
ނ (1) ދިވެހިފިރިހެނުންނަށް ކިޔާނަމެއް (2) ދިޔާއެއްޗެހި އަޅަންގެންގުޅޭ ދޮންކުލައިގެ މުށިއެއްޗަކަށް ކިޔާނަމެއް (3) ކިރުފެލިހުންޏަށް ދިޔާހަކުރު އަޅައިގެން ހަރުކޮށް ހިލާ ބޮނޑިޔެއް
ދޮންހުނި
ނ ކާށިހުނީގެ ތެރެއަށް ރީނދޫލައިގެން ފުނޑައިފައި ހުންނަހުނި
ދޮންހުނިހަވާދު
މ ދިރިއާއި ދަވިއްގަނދާއި ހުންޏާއި ރީނދުލާއި ފިޔަޔާއި ލޮނުމެދާއި އިނގުރު އެއްކޮށްގެން ހަދައިފައި ހުންނަ ހަވާދު
ދޮންހޮނޑެލި
ނ އެމުގެ ބާވަތެއް މިއީ ހޮނޑެލީގެ ތެރޭގައި އުޅޭ ރޮނގު ނުހުންނަ ހޮނޑެއްޔެވެ
ދޮންނަކުނޑި
ނ (1) އެއްޗެހި ދޮވުމަށް ތައްޔާރުކޮށްފައި ހުންނަ ކުނޑި (2) ކުނޑި ސައިބޯނި
ދޮންނަމެޝިން
މ ފޭރާން ފަދަ ތަކެތި ދޮންނަން ހަދައިފައި ހުންނަ މެޝިނެއް
ދޮންނަސައިބޯނި
ނ އެއްޗެހި ދޮންނަން ހަދައިފައި ހުންނަ ސައިބޯނި
ދޮންނޫމަސް
ނ ފަޅުފަޅާއި ފަރުފަރުގެ ބޭރުގައި ދިރިއުޅޭ ވަރަށް ރީތިކުލައެއް ހުންނަ ވެހިމަހެއް މިމަސް ވައްތަރުވާނީ ފަރުނޫ މަހާ އެވެ
ދޮންނޫފާނަ
ނ ފާނައިގެ ބާވަތެއް މިމަހުގެ ނިގޫފަތާއި ކޮތަރިބައިތަކާއި ކަންފަތުގެ ކުލަ ރީނދޫ ވާނެއެވެ މަހުގެ ކުލައަކީ ގަދަނޫކުލައެވެ މިއީ ފާނައިގެ ބާވަތްތަކުގެ ތެރޭގައި ހިމެނޭ އެންމެ ދިހުންކުލަ ގަދަމަހެވެ މިމަހަކީ ވަރަށް މީރުމަހެކެވެ
ދޮންރީނދޫމަސް
ނ (1) ރީނދޫމަސް (2) އަރިމަތީގައި ނޫކުލައިގެ ހަތަރު ރޮނގުފާޅުކޮށް ހުންނަ ކޮތަރިބައި ރީނދޫ ކުލައިގައި ހުންނަ މަހެއް މިމަސް އުޅެނީ ތިލަވިލުގައްޔާއި ފަރުފަރުގެ ބޭރުގައެވެ
ދޮންރުއް
ނ ރުކުގައި ގަންނަ ތަކެއްޗާއި ފަންތޮށީގައި ދޮންކުލަހުންނަ ރުއް
ދޮންބިބީ
ނ (1) ބިބީ ޢާއިލާގެ މަހެއް މިމަހުގެކުލައަކީ ގަދަ ރީނދޫ ކުލައެވެ މަހުގެ ލޯހުރަސްކޮށް ކަޅުކުލައިގެ ހިމަރޮނގެއްދެމިފައި ހުރެއެވެ އަދިމަހުގެ އަރިމަތީގައި ކަޅުކުލައިގެލަފެއް ހުރުމާއެކު މަހުގެ ނިގޫފަތުގެ ބުޑުހުރަސްކޮށްވެސް ހިމަކޮށް ހުންނަ ކަޅުކުލައިގެ ރޮނގެއްހުރެއެވެ މީގެނިގޫފަތުގެ ކުލައަކީ ހުދުކުލައެވެ (2) ދިވެހި އަންހެނުންނަށް ކިޔައިއުޅޭނަމެއް