radheef.info
ރަދީފު


ބަ
އ އައްބަ
ފެންކަޅިވުން
މ ކުރާ އަސަރެއްގެ ސަބަބުން ލޮލުގެ ތެރޭގައި ކަރުނަ އުފެދުން
ފެންކައްކާބޮލި
ނ (1) ބޮލީގެ އެންމެ ބޮޑެތި ވައްތަރު މިބޮއްޔަށް ފެންކައްކާ ބޮއްޔޭ ކިޔަނީ ކަރުވިހަ ފަދަ ވިހައަށް ބޭސްފެނެއް މިބޮއްޔަށް އަޅައިގެން ކައްކާތީއެވެ މިއީ ވިލުދޮޅީގައި ނުވަތަ ދޮންފަޅުގައި އުޅޭ ބޮއްޔެކެވެ މިބޮލީގެ ތުންފަތަށްވާ ހިސާބު )މަސްގަނޑު އަރާ ހިސާބު( ހުންނާނީ ރަތްކުލައެއްގައެވެ ބޭރުތޮށިގަނޑުގައި އުންތަކެއް ހުންނާނެއެވެ (2) މަޖާޒު: އެމީހެއްގެ ބޭނުމެއް ޖެހުނީމާ ކަމޭ ހިތައިގެން އުޅެފައި ބޭނުން ކެނޑުނީމާ އަޅާ ނުލައި ތިބޭ މީހުންނާމެދު ބުނެއުޅޭ ބަހެއް
ފެންކައްކާބޮލީގެޢިއްޒަތް
ނ )މިސާލުބަހެއް( ވަކިމީހެއްގެ ފަރާތުން ނޫނީ ފުއްދެން ނެތްކަމެއް އެމީހަކު ލައްވައި ކުރުވަން ވީމާ އެމީހަކަށް ކަމޭހިތާ ކަމޭހިތުން
ފެންކިހުނު
ނ ކިހުނުގެ ބާވަތެއް. މިބަލީގައި ވާގޮތަކީ ފެންފޮދެއްހެން ހުންނަ ދިޔައެއް ކުރިމަތިފަރާތުގެ ދޮރުން އައުމެވެ
ފެންކެނޑިޔަށް
މ މަޖާޒު: އެއްޗެއް ބޭނުންވެގެން އުޅޭވަރަށްވުރެ މާގިނައިން ގެނައުމުން ބުނެއުޅޭ ބަހެއް
ފެންކެނޑުން
މ (1) ވާރޭހުއްޓުން. (2) ގައިގެ ދެހަން ދޭތެރެއަށް ފެން އަރައި ހަންގަނޑު ކެނޑުން. (3) )ޏ.ސ.( ފިރިހެނެއްގެ ކިބައިގައިވާ ހީވާގިކަމާއި ކެރުމާއި މުރާލިކަން ހުރުން
ފެންއިސްކުރު
ނ ފެން އަންނަ ގޮތަށާއި ފެން ބަންދުވާގޮތަށް ފެން އަޅާ އެއްޗަކާ ނުވަތަ ހޮޅިޔަކާ ގުޅުމަށް ހަދައިފައި ހުންނަ އެއްޗެއް
ފެންއެރުން
މ (1) ބިމުން ނުވަތަ އިސްކުރެއް ފަދަ އެއްޗަކުން މައްޗަށް ފެން އައުން. (2) ފޮޅު ބިހިފަދަ އެއްޗެހީގެ އެތެރޭގައި ފެން އުފެދުން. (3) އޮޑިދޯނިފަހަރުގެ މަތިކަން މަތިން އެތެރެއަށް ލޮނު އެޅުން. މިއީ ދިޔަބޮޑުވުމުގެ ސަބަބުން ނުވަތަ ދުއްވައިފައި ދާއިރު ކަނޑު ގަދަވުމުގެ ސަބަބުން ދިމާވާގޮތެކެވެ (4) )ޏ ސ ( ކުޑަކުދިންގެ ރޫފަޖެހުން
ފެންފިސްތޯލަ
ނ ވަޒަންލުމުގެ ބަދަލުގައި ފެންއަޅައިގެން ފެން ދުއްވާގޮތަށް ކުޑަ ކުދިން ކުޅެން ގެންގުޅޭ ފިސްތޯލެއް
ފެންފުޅި
ނ (1) ބައެއްކަހަލަ އިންޖެކްޝަން ޖަހާއިރު ބޭނުންކުރަންޖެހޭ ފެން ހުންނަފުޅި (2) ފެންއަޅައިފައި ހުރި ކޮންމެ ފުޅިއެއް
ފެންފެލާލުން
މ ފެންފެލުން މިބަހުގެ ލުއިގޮތް
ފެންފޭބުން
މ (1) އުސްތަނަކުން ފެންއޮހުން. މިސާލު: ފަރުބަދަމަތިން ފެން އޮހުން. (2) ފުރާޅު ފަދަތަނަކުން ނުވަތަ ފެންއަޅައިފައި ހުރި އެއްޗަކުން ތަނެއް ހަލާކުވެގެން ފެންއޮހުން (3) ވާރޭ ހުއްޓުމަށްފަހު ގަސްގަސް ހެލިލުމުން ފެން އޮހޮރުން (4) ހަށިގަނޑުގެ ތަނަކުން ފެންނުކުމެ އޮހޮރުން
ފެންފޮޅު
ނ ހަށިގަނޑުގެ ހޫނުގަދަވުމުގެ ސަބަބުން ނަގާ ފޮޅެއް
ފެންފޮދާދިއުން
މ ގަނޑުވަރުތެރޭ ބޭފުޅުން އާލާސްވެ އިންނަވައި ހަތްމަސް ފުޅަށް އަޅައިގަތީމާ ކުރެންދޫ ޒިޔާރަތަށް ފެންފޮދު ބަލާދިއުން
ފެންފޮދުބަޑި
މ ގަނޑުވަރުތެރޭ ބޭފުޅުން ރައްކާވެގެން އަންނަ ސަމާގެ ދުވަސްވަރު ދުވާލު ދެއިރުޖަހާ ބަޑިއެއް. މިބަޑިޖަހާނީ ފިރިހެން ބޭފުޅަކަށް ނަމަ 7 ބަޑި އަންހެން ބޭފުޅަކަށްނަމަ 5 ބަޑިއެވެ މިއި ނައިނޭ ފިއްލަވާ ވަގުތު ޖަހާ ބަޑިއެކެވެ
ފެންފޮދުއޮޑިކޮޅު
ނ އިހުގައި ގަނޑުވަރުތެރޭ ބޭފުޅުން އާލާސްވެއިންނަވާ ހަތްމަސް ފުޅަށް އަޅައިގަތީމާ ކުރެންދޫ ޒިޔާރަތުން ފެން ފޮދު ބަލައިދާ އޮޑި މިފެންފޮދު ގެންނަނީ އެބޭފުޅަކު ނައިނެ ފިއްލެވުމަށެވެ
ފެންދަފަތް
ނ އެއްގަމުގައި ދުއްވާ ތަކެތީގެ ފުރޮޅުގެ ކައިރީގައި އެއެއްޗަކަށް ފެނާއި ކިސަޑާއި ވެލިބުރިޔަ ނުދިނުމަށް ހަރުކޮށްފައި ހުންނަ އެތި ޢާއްމުކޮށް މިހަދައިފައި ހުންނަނީ ރަބަރުންނެވެ
ފެންދިނުން
މ (1) ބޯފެންދިނުން. (2) ގަސްގަހަށް ފެންއެޅުން. (3) ދަނޑު ދަނޑަށާއި ބަގީޗާތަކަށް ފެންދޫކުރުން (4) ކަތިލާ ތަކެއްޗަށް ކަތިލުމުގެ ކުރިން ފެން ބޯންދިނުން
ފެންދުވަނި
ނ ކުޑަކުދިންގެގައިން ނަގާ ފެންއެރިފައި ހުންނަ ބިހިގަނޑެއް ބައެއް ފަހަރަށް މުޅިގައިންވެސް މިނަގާފާނެއެވެ
ފެންތަޣައްޔަރުވުން
މ ފެނުގެ ކުލަ ނުވަތަ ވަސް ނުވަތަ ރަހަ ބަދަލުވުން