radheef.info
ރަދީފު


ވ
ތާނައިގެ ނުވަވަނަ އަކުރު
ފެންވައިރު
ނ ޢިމާރާތެއްފަދަ ތަނަކަށް ފެން ލިބޭނެގޮތް ހެދުމަށް ތަފާތުގޮތްގޮތަށް ހޮޅިގުޅައިގެން ތައްޔާރުކޮށްފައި ހުންނަ ތައްޔާރުކުރުން
ފެންވައިރުކުރުން
މ ފެން ލިބޭގޮތް ހެދުމަށްޓަކައި ޢިމާރާތެއް ފަދަ ތަނެއްގައި ތަފާތު ގޮތްގޮތަށް ހޮޅިގުޅުން
ފެންވިއްސުން
މ ފެންބުރުވުން
ފެންވިލާ
ނ ކެރިއެކުލެވިގެން ނަގާވިލާ
ފެންވުން
މ (1) އެއްޗެއް ވިރި ދިޔާވުން (2) މަޖާޒު: ކަމެއް މާދެރަވުން (3) އެއްޗަކަށް ނުވުން (4) ތަނެއް އަޑިޔަށް ދިއުން
ފެންވެހުން
މ (1) ތަނަކުން ފެން ފޭބުން (2) ވާރޭވެހުން
ފެންވެރުން
މ (1) ފެން އަޅައިގެން ހަޑިގަނޑު ދޮވެސާފުކުރުން (2) ހިނައިގަތުން
ފެންވެރުވުން
މ އިންސާނުން ނުވަތަ ޙައިވާނުންގެ ގަޔަށް އޮހިގެންދާ ގޮތަށް ފެން އަޅައި ދޮއްވުން
ފެންވެއްޓުން
މ މަޖާޒު: މަނިބޭރުވުން
ފެންމަތިއަނދިރިވުން
މ އުޑުމައްޗަށް އަންނަ ބަނަކަމެއްގެ ސަބަބުން ނުވަތަ އިރު އޮއްސުމުގެ ސަބަބުން ދުނިޔެމަތި އަނދިރިވުން މިއީ ކަނޑު ދަތުރުކުރުމުގައި ބޭނުންކުރާ ބަހެކެވެ
ފެންމަތިވުން
މ (1) އިރު ހަނދާއި ތަރިތައް އެރުން ނުވަތަ އުދަވުން (2) އެއްޗެހި ފޯވެގެން ފެންގަނޑުގެ މައްޗަށް އެރުން
ފެންފައިވާން
ނ ފެނުގައި ހިނގުމަށްޓަކައި ނައިލޯނު ނުވަތަ ރަބަރު ނުވަތަ ޕްލާސްޓިކު ފަދަ ތަކެތިން ހަދައިފައި ހުންނަ ވަދުޖެހިފައިވާން
ފެންފައްސިޔަވުން
މ ފެންފަހިވުން
ފެންފަދަވުން
މ (1) ކަމަކަށް ފަރިތަވުން (2) ރަނގަޅަށް ދަސްވުން މިސާލު: އެފިލާވަޅު އަހަންނަށް ފެންފަދައެވެ (3) ބޮޑަށް ފަރިތަވުން މިސާލު: އޭނާއަކީ ބޮޑުއަކުރު ލިޔަން ފެންފަދަ މީހެކެވެ
ފެންފަލިވަތާ
ނ )ގ ( ވެވުގެ ދޫނިފަތް
ފެންފާޅުކުރެއްވުން
މ މާބަނޑުމީހާގެ ބަނޑުން ފެންބޭރުވުން މިއީ ވިހަންވެއްޖެކަމުގެ ޢަލާމަތެކެވެ މިފެނަކީ ކުއްޖާ އޮންނަ ދުލީގައި ހުންނަ ފެނެވެ ވަރަށް މަދު ފަހަރަކުނޫނީ މިދުލި ފަޅައިގެންދާނެއެވެ
ފެންފާޅުވުން
މ ފެން ފާޅުކުރެއްވުން
ފެންފިލާވަތް
ނ ކޮޅުވަތް
ފޮތުންކިޔެވުން
މ ފިލިދަސްވުމުން ޢައްމާފޮތުން ކިޔަވަން ފެށުން
ފޮތެއް އޮތަކަސް އެދުރެއްނުވާނެއެވެ
(މުސްކުޅިބަހެއް) ފޮތެއް އޮތަކަސް އެއިން އެއްޗެހި އޮޅުން ފިލުވައިދޭނެ މީހަކު ނެތި އަމިއްލަޔަށް އުނގެނި ނުގަނެވޭނެކަން އަންގައި ދިނުމުގެ ގޮތުން ބުނެއުޅޭ ބަހެއް.