radheef.info
ރަދީފު


ވާ
ނ (1) "ވައު" ބަލާ! (2) އ. ބައެއް ތަންތާނގައ ި "ވެސް" ގެ މާނައިގައި ބުނެއުޅޭ އަކުރެއް މިސާލު: ތިޔައީވާ ބޮޑުކަމެއްނޫނެވެ (3) ދަތިނޫންކަމެއް ނުވަތަ ބޮޑުނޫން ކަމެއްކަން އެންގުމުގެ މާނައިގައިވެސް މިއަކުރު ބޭނުން ކުރެއެވެ މިސާލު: އޭނާވާ އަތުވެދާނެއެވެ
ލިބާހަށްއައިބުވުން
މ އަންހެންކުއްޖަކު މޭމަތި ނިވާކުރަން ޖެހޭ ވަރަށް އުރަމަތި ބޮޑުވުން
ލިބާސް
ނ އިންސާނުންގެ ހަށިގަނޑު ނިވާކުރުމަށް ލައިއުޅޭ ފޭރާމެއް މީގެ ކިތަންމެ ވައްތަރެއް ހުރެއެވެ
ލިބާސްލެއްވުން
މ ލިބާހަށް އައިބުވެފައިވާ ކުދީންނަށް ތައްޔާރުކުރާ ހެދުން އެޅުވުން
ލިބޭތާލިބިގަތުން
މ އެއްޗެއް ލިބެން ދިމާވާ ވަގުތު އެ އެއްޗެއްގެ ބޭނުން ހިފުން
ލިސްޓު
ނ ސިލްސިލާކޮށް ލިޔެފައިވާ ނަންތައް ނުވަތަ ބަސްތައް
ލިޔަންކިޔަންއެނގުން
މ ލިޔެފައި ހުންނަ އެއްޗެހި ކިޔަން އެނގުމާއި ބުނަން ބޭނުންވާ އެއްޗިހި ލިޔަން އެނގުން
ލިޔާމޭޒު
ނ (1) އޮފީސް އޮފީހާއި ގޭގޭގައި ހުންނަ ލިޔުމަށް ޚާއްސަ ކުރެވިފައިވާ މޭޒު. މީގެ އެންމެ ޢާންމު ވައްތަރަކީ އެއްކޮޅުގައި ނުވަތަ ދެކޮޅުގައި ވަތްބަރިއެއް ހުރުމެވެ (2) އޮފީސް މޭޒު
ލިޔާދަވާދު
ނ (1) ދެލިދަވާދު (2) އަނދުން ދަވާދު
ލިޔުން
މ (1) ތަނެއްގައި ނުވަތަ އެއްޗެއްގައި އަކުރު އެޅުން. (2) ލިޔެފައިވާ އެއްޗެއް. (3) މަޒުމޫނެއް ނުވަތަ ޅެމެއް ނުވަތަ ފޮތެއް އެކުލަވައިލުން (4) ދިގު ހަރުގައި ނުވަތަ އަރިޔަން ހަރުގައި އަޅައިގެން ލިޔާ ކަށިން ލަކުޑި ކޮށައި މަށައި އެކިވައްތަރަށް ސިފަ ގެނައުން (5) ހިކިމަހާއި ކަށިކެޔޮ ފަދަ ތަކެތި ތުނިކޮށް ކޮށުން (6) ލޭތުކުރުން
ލިޔެލާޖެހުން
ނ ލަކުޑިގަނޑެއް ދިގު ހަރުގައި އަޅައިގެން ލިޔާ ކަށްޓަކުން ކޮށައި އެއަށް ގަސްތުކޮށްފައިވާ ސިފަޔެއް ގެނެސް އޭގައި ލާހިއްޕުން
ލިޢާނު
ނ ތިމާގެ އަނބިމީހާ ނުވަތަ ތިމާ ވަރިކުރި އަންހެން މީހާ ވިހޭ ދަރިފުޅު އެއީ ތިމާގެ ދަރިއެއް ނޫންކަމަށް ބުނެ ހަތަރުފަހަރު ތަކުރާރުކޮށް ކުރާ ހުވަޔާއި އަންހެންމީހާ އެ ދަރިފުޅަކީ އެދެމީހުންގެ ދަރިއެއްކަމަށް ބުނެ ކުރާހުވާ
ލިޢާނުކުރުން
މ ލިޢާނުގެ ހުވާކުރުން
ލީޕުއަހަރު
ނ ތިންސަތޭކަ ފަސްދޮޅަސް ހަދުވަސް ހަމަވާ އަހަރު މިއީ މީލާދީ ހަތަރު އަހަރުން އެއް އަހަރެވެ
ލުހުން
މ (1) ތަނަކަށް ޖަހައިފައިވާ އެއްޗެއް ނުވަތަ އިންދައިފައިވާ އެއްޗެއް އެތަނަކުން ވަކިކުރުން. (2) ފެނުގައި ހުރިއެއްޗެއް ފެނުން ނަގައި ފެން ހިކޭ ގޮތަށް ބެހެއްޓުން މިސާލު: )ހ( މަސްލުހުން )ށ( ހަނޑޫފަދަ ތަކެތި ދޮވެފައި ގޮއްޓެއްފަދަ އެއްޗަކަށް ލުހުން (3) އުފުރުން
ލުނބޯ
ނ ނާރިނގު އާއިލާގެ ހުތްމޭވާއެއް ބައެއްކަހަލަ ކާތަކެތީގައި ހުތް ރަހަލެއްވުމަށާއި ބޭސްވެރިކަމަށް މިބޭނުން ކުރެއެވެ
ލުނބޯމޮޑުން
މ ލުނބޯ ކައްކައިގެން އެފެނާއެކު ލުނބޮއިން ބޯމަސާޖު ކުރުން މިއީ ބޮލުގެ ފަރުވާއަކަށް ކުރާ ކަމެކެވެ
ލުނބޯދެމުން
މ ހަބަރާއި ލުނބޯ ބޭނުންކޮށްގެން ތައްޔާރުކުރާ ބޭހެއް ތަދުވާ ތަންތާގައި ތެޔޮދަމާ ގޮތަށް އުނގުޅުން
ލުނބޯގަސް
ނ ނާރިނގު އާއިލާގެ ހުތްމޭވާއެއް އަޅާގަހެއް މިގަހުގެ ފަތުގައި ދުވަނީ ޅަލުނބޯގެ ތޮށީގައި ދުވާކަހަލަ ޒަވިވަހެކެވެ
ލުން
މ (1) އެއްޗެއްގެ ތެރެއަށް އެއްޗެއް ވެއްދުން ނުވަތަ އެއްޗެއްގެ ތެރެއަށް އެއްޗެއް ވައްޓައިލުން (2) ވަކިކަހަލަ މަސައްކަތެއް ކުރުމަށް ބުނެއުޅޭ ގޮތެއް މިސާލު: )ހ( ކަރަންޓުލުން )ށ( ފާޚާނާލުން )ނ( ބޯފެންލުން )ރ( ފަންގިލުން )ބ( ދަވާދުލުން (3) ގަޔަށްމެހުން މިސާލު: )ހ( ގަމީސްލުން )ށ( ގަންޖުފަރާސްލުން (4) ބައެއްކަހަލަ ކަންތައް ކުރުމުގެ މާނައިގައި ބުނެއުޅޭ ގޮތެއް މިސާލު: )ހ( ދޫލުން )ށ( ތަޅުލުން )ނ( އަޑުލުން (5) މަޖާޒު: ޖިމާޢުވުން
ލުންގި
ނ ފިރިހެނުން އަންނަ ފޭރާމެއް މިއީ ކަޅުރަތްކުލައިގެ ފޮތި ގަނޑެއްގައި މަޑުރަތް ކުލައިގެ ފަލަރޮނގެއް ދަމައިފައި ހުންނަ ފޭރާމެކެވެ މީގައި ހުދުކުލައިގެ ހިރެއް ދަމައިފައި ހުރެއެވެ މިއީ އިހުގައި ގަނޑުވަރު ތެރޭގެ ފިރިހެން ބޭފުޅުން އަނދެ ވަޑައިގަންނަވާ އެއްޗެކެވެ