radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ދަތްގަނޑު
ނ (1) ޖައްރާފުގައި ފަސްނެގުމަށް ހުންނަ އެތި. (2) ތަންތަން ކޮނުމަށް ކުރޭނުގައި ހުންނަބައި. (3) ފަހާފޮށިން ފަހާއިރު ފޮތިގަނޑު ހިފެހެއްޓުމަށް ބޭނުންކުރާބައި. (4) ބަރަވެއްޔާއި ކަކުންޏާއި ނަގުލަންދާށި ފަދަތަކެތީގައި ހަނޑަހެއްގެ ސިފައިގައި ހުންނަދަތް
ދަލުބޭރުންޖެހުން
މ މަޖާޒު: (1) ތިމާޔާ ނުބައްސާ ކަމެއްގެ ތެރެއަށް ނުވަތަ ވާހަކައެއްގެ އެތެރެއަށް ވަދެގަތުން (2) މަތިންބައިން ޖެހިގެން މީހަކާ ހިތާވުން
ދަލޭކަ
ނ ދިވެހި އަންހެނުންނަށް ކިޔާނަމެއް
ދަގަނޑު
ނ (1) އެންމެ ގިނައިން ބޭނުންކޮށްއުޅޭ ބަރު މަޢުދަނެއް މިނަގަނީ ބިމުންނެވެ މިއީތެތްވައިގެތެރޭގައި ދަބަރުޖަހާއެއްޗެކެވެ ދަގަތްފާނަށް ދަމާ މަޢުދަނެކެވެ (2) ވަޅުޖަހަން ދަގަނޑުން ހަދައިފައި ހުންނައެތި (3) ނއ ދަގަނޑުން ހަދައިފައިވާ (4) ނއ އާދަޔާ ޚިލާފަށްހަރު
ދަގަނޑުރާ
ނ ރާހުތަށް ދޮން ދަނގަނޑު ލައިގެން ތައްޔާރުކުރާ އެއްޗެއް މިއިންކުރާ ކަމަކީ ފޭލީގެ ކަޅުހިރުގެ އުއިގަނޑު ކަޅުކުރުމެވެ
ދަގަނޑުކެނޑި
ނ ބޭހަށް ބޭނުންކުރާ ފަތްޕިލާވެއްޔެއް މިގަސް ވައްތަރުވާނީ ވައްފުފުޅިގަހާއެވެ މިގަހުގެ ފަތުގައި ތުނޑު ހުންނާނެއެވެ މިގަހުގެ ފަތުގެ ދިޔަ ޖަހައިގެން ދަގަނޑު ފީކުރާބޭސް ހަދާކަމަށްވެއެވެ
ދަގަރުނާސި
ނ ކުދިންނަށް ކިޔައިދޭ ފުލޯކު ވާހަކައެއްގައި ބުޅާޙައްޖުވާ ރަށް
ދަގަތްފާނުފަރުބަދަ
ނ (1) ދުނިޔޭގެ އުތުރާއި ދެކުނު ކޮޅުގައިވާ ދަގަތްފާނުގެބާރު (2) ސަމުގާގެ ކަށިހުއްޓޭ ދުނިޔޭގެ އުތުރުޕޯލު
ދަގަސް
ނ ފުލޯކު ވާހަކަތަކުގައި ދުނިޔޭގެ ބޭރުގައިހުންނަ ކަމަށްބުނެއުޅޭ ޚިޔާލީގަހެއް
ދަގުހަރު
ނ ދޯނީގެ މަތިކަންމަތީގެ ދެކޮޅު މައްޔަލާ ގުޅައިފައި ފޭވިޔަ ނުދިނުމަށް އަޅާ ހުރަހެއް މިއޮންނާނީ ކުރަދިން ނުވަތަ ލޮއިންނެވެ ހަމަ މިބޭނުމުގައި މިތަނުގައި ރޯނުން ކުސައެއްވެސް ފުރައެވެ
ދަސްކިއުން
ޤުރުއާން ކިޔަވާ ނިޔާކުރުމުންﷲ މާފިއްސަމާވާތި ދަލީލުން ފެށިގެން އާމަނަށްރަސޫލު ދަލީލުގެ ނިޔަލަށް ނުބަލައި ކިޔެވުން މިކަން ކުރަނީ އެދުރުމީހާގެ ކުރިމަތީގައެވެ
ދަސްމާލު
ނ ބޮލުގައި ބަންނަން ބޭނުންކުރާ ރުމާލަށްވުރެ ބޮޑު ފޮށަޔަށްވުރެ ކުޑަ ހަތަރެސްކަން ފޮތިކޮޅެއް
ދަޑޮކިރެދި
ނ )ޏ ( ކުރަދީގެ ވައްތަރެއް މިގަސް ވައްތަރުވާނީ ހަލަވެއްޔާއެވެ
ދަޢުވަތު
ނ (1) ކެއުމަކަށް ގޮވައިލާ ގޮވައިލުން (2) ތަނަކަށް ހާޒިރުވާން ކިޔާ ކިޔުން
ދަޢުވާ
ނ (1) ތިމާގެ ޙައްޤެއް ލިބިގަތުމަށް ނުވަތަ އިންސާފު ހޯދުމަށް އެދޭ އެދުން (2) ކަމަކާމެދު ތިމާޔަށް ފެންނަގޮތް ގަދަކޮށްފައި ބުނާ ބުނުން މިސާލު: އެނާ ދަޢުވާ ކުރަނީ އޭނާއަކީ ރާއްޖޭގައި ހުރި އެންމެ ބޮޑު ޝާޢިރު ކަމުގައެވެ
ދަޢުވާއުފުލުން
މ (1) ދަޢުވާކުރުން (2) ސަރިޔަތަށް މަސްއަލައެއް ހުށަހެޅުން
ދާ
ނ (1) މަސްހިފުމަށްޓަކައި ރޮދިފަދަ އެއްޗަކުން ގޮޅިގޮޅި އަށްވާގޮތަށް ބަނދެފައި ނުވަތަ ހަދައިފައިވާ އެއްޗެއް (2) މައުދަނީ ފަށްތަކުން ގޮޅިގޮޅިޔަށް ވާގޮތަށް ހަދައިފައި ހުންނަ އެއްޗެހި (3) ގައިގެހަމުގައި ހުންނަ ލޯވަޅުތަކުން ނުކުންނަފެން (4) )ޏ ސ ( ފުނޑާ ދައި (5) )ގ ( ދޯ (6) "ދިއުން" މިބަހުގެ ވާކަން (7) ދާވުން މިބަހުގެ ނަން އިތުރު
ދާނޑަށްދެމުން
މ ކުޅިޖަހާއިރު އެއްފައި މައްޗަށް ޖެހިލައި އަނެއްފައި ފަހަތަށް ދަމައިލައިގެން މީހާ ކުރިޔަށް ޖެހިލައި އޮތުން
ދާނޑު
ނ ކުޅިޖަހާއިރު އެއްފައި މައްޗަށް ޖެހިލައި އަނެއްފައި ފަހަތަށް ދަމައިލައިގެން މީހާ ކުރިޔަށް ޖެހިލައިގެން އޮންނަ އޮތުން
ދާން
ނ (1) މޮޅަށް ތައްޔާރުކޮށްފައި ހުންނަ އެނދު. (2) ތަންމަތި. (3) ތަޚްތު. (4) ދިއުން މިބަސް ކުރުވުމަށް ބުނާގޮތް މިސާލު: އެގެއަށްދާން ހިނގާށެވެ