radheef.info
ރަދީފު


ޕ
އ ތާނައިގެ ބާވީސްވަނަ އަކުރު
ފެނަށްއެރުން
މ (1) ކަސްއަޅައިފައި ތިބޭ މީހުންނާއި ގައިގައި ބޭސްގަނޑު ހިއްޕާފައިވާ މީހުން އެތަކެތި ފޫދުމަށްޓަކައި ފެންއަޅައިފައި ހުންނަ އެއްޗަކަށް އެރި ފޫއްދުން. (2) މާބަނޑުމީހަކު ފަރުވާއަށްޓަކައި ބޮޑެތި އެއްޗިއްސަށް ފެން ނުވަތަ ލޮނު އަޅައިގެން އެއަށް އެރި އޮތުން (3) ފެންގަނޑަށް ފޭބުން
ފެންބަތްޕެން
ނ (1) އެހެން އެއްވެސް އެއްޗެއް އެއްނުކޮށް ހުންނަ ބަތްޕެން (2) އާދައިގެ ބަތްޕެން
ފެންބަޑި
ނ (1) ޢީދުވިލޭރޭ މެންދަމު ކިލެގެ ބުރުޒުން ޖަހާބަޑިއެއް (2) ހުކުރު ދުވަހު 01 ޖެހީމާ ކިލެގެ ބުރުޒުން ޖަހާބަޑިއެއް މިބަޑިޖަހަނީ ރަދުން ހުކުރަށް ފައިންޕުޅު އަޅުއްވާނެކަން އެންގުމަށް ޓަކައެވެ
ފެންކަނދިލި
ނ ބޭހަށް ބޭނުންކުރާ ތިރިކޮށް ހެދޭ ފަތްޕިލާވެއްޔެއް. މީގެ ދެތިން ވައްތަރެއް ހުރެއެވެ. މިސާލު: ކަޅު ކަނދިލި ރަންވަން ކަނދިލި
ފެންކަރު
ނ ފެންވައިރު ކުރާއިރު ބޭނުންކުރާ ފަސޭހައިން ގޮތްގޮތަށް ލެނބޭ ހޮޅިއެއް. މިއެލްމެނިއަމުންވެސް ޕްލާސްޓިކުންވެސް ހަދައިފައި ހުރެއެވެ. މިބޭނުން ކުރަނީ ފެން ފޮނުވާދޭ ހޮޅިއާއި އަތް ދޮންނަ ތަށީގެ އިސްކުރާއި ނުވަތަ ފާޚާނާތަށީގެ ތާނގީއާއި ގުޅުމަށެވެ
ފެންކުނބުރުވާނި
ނ ބޭހަށް ބޭނުންކުރާ ފަތްޕިލާވެއްޔެއް މިއީ ފަތްކުދި ކަފަކޮޅެއް ކަހަލަ މަލެއް އަޅާ ވެލެކެވެ
ފެރެތިކާލު
ނ ޕޯޗްގީޒުން
ފެޅުން
މ (1) އެއްޗަކުން ޖެހިގެން ބޯ ފަދަ ތަނެއް ހަލާކުވުން (2) ފުނާއަޅާއިރު އިސްތަށިގަނޑު ބައިކުރުން (3) މުޅޮއެއް ފަދަ އެއްޗަކުން ލަކުޑި ކުދިކުރުން (4) އޮށުން ނުވަތަ މުލުން ގަސްނުކުތުން (5) ކެފުން މިސާލު: ބޯކިބާކެފުން )ފެޅުން( (6) ބައެއްކަހަލަ މޭވާ ދޮންވެ ފައްކާ ވެގެން ގޮސް ތޮށިގަނޑު ކެނޑުން (7) ދަތް ނުވަތަ އިސްތަށި ފަދަ ތަކެތި ނުކުތުން (8) ކަންވާރު ފަދަ ތަކެތީގައި ރެނދުއެޅުން (9) އިރުން )01( އޮޕަރޭޝަން ކުރުން (11) މަޖާޒު: ތަސައްރަފު ނުފުދޭ ކުޑަ އަންހެން ކުއްޖެއްގެ ޢިއްފަތްތެރިކަން ނަގައިލުން
ފެކުސްމެޝިން
ނ (1) ލިޔުމެއް ކުރެހުމެއް ނުވަތަ ފޮޓޯއެއް ފަދަ އެއްޗެއް ނަރެއްގެ ޒަރީޢާއިން ނުވަތަ ރޭޑިޔޯ ސިގްނަލްގެ ގޮތުގައި ފޮނުވާލުމުން އަޞްލާއެއްގޮތަށް އަނެއްކޮޅަށް ކޮޕީކޮށްދޭ މެޝިން (2) މިގޮތަށް ތަކެތި ފޮނުވައި ދޭ މެޝިން
ފެސްކޯ
ނ ފެތުރިފައި ހުންނަ ގޮތަށް ތިރިކޮށް ހެދޭ ހިމަދިގުކޮށް ފަތް ހުންނަ ގަހެއް. މިގަހުގެ ފަތަށް ދަމާލީމާ ބުރިވާނީ ދެކަތްޕަށެވެ މިއީ ބޭހަށް ބޭނުންކުރާ ފަތްޕިލާ ވެއްޔެކެވެ
ފެޓިރޯލު
ނ )ސ ( ޕެޓްރޯލް
ފޭރާދަތް
ނ އިންސާނުންގެ ދަތްޕިލާގެ މެދުން ފެށިގެން ތިންވަނަޔަށް ކޮޅު އޫކޮށް ހުންނަ ދަތް
ފޮށި
ނ އެއްޗެހި ރައްކާކުކުރުމަށް ހަތަރު ބިތާއި މައްޗާއި ފޫ އެކުލެވިގެންވާ ގޮތަށް ހަދައިފައި ހުންނަ އެއްޗެއް. މިހުންނާނީ މަތިގަނޑު ހުޅުވޭ ލެއްޕޭގޮތަށް ހުޅުލައިފައެވެ. އަދި ތަޅުލެވޭ ގޮތަށެވެ
ފޮރޮއްޕާކަށްނެތް
ނ ފޮރުއްޕާކަށްނެތް މިސާލު: އޭނާގެ އުނދަގޫ ބޮޑުކަމުން ކުޅަދާނަ ވަރެއްނޫން ނުވަތަ މިކަމާހުރެ ލާހިކު ވަރެއްނޫން
ފޮޅު
ނ (1) އަވިން ނުވަތަ އަލިފާނުގެ ހޫނުކަން ލިބިގެން ގައިގެ ތަން ތަނުން ފެންއަރައި އުފުލިފައި ހުންނަތަންތަން (2) ބައެއް މަސައްކަތް ކުރީމާ ބުވަތަ ބާރު ފައިވާނަކަށް އެރީމާ ހަމުން ފެންއަރައި އުފުލިފައި ހުންނަ ތަންތަން (3) ދެ ފަށް ލާޖަހާއިރު ވަކި ވަރަކަށް ހޫނުގަދަވެގެން ލާބޮކިޖަހާ ވަރުވުމުން ފުއްޕާ ތަންތަން (4) ޖަންބު ފަތުގައި ހުންނަ އުން (5) ހަމުގެ ބައްޔެއް މި ބަލީގައި ގައިގެ ތަންތަން ކޮޅު ފުއްޕާފައި ފެންއެރި ފަހުން ދޮހަށްވެއެވެ
ފޮޅުނެގުން
މ ހަށިގަނޑުގެ ހަމާއި މަހާދެމެދަށް ފެން ފަދަ އެއްޗެއް އަރައި ފުއްޕުމަކާއެކު ތަންތަން އުފުލުން
ފޮޅުން
މ (1) މާމަލުގެ ފިޔަތައް ހުޅުވުން. (2) ގޮވާމާއި ހަވާދު ފަދަ ތަކެތީގެ ކުނޑި ފިލުވުމަށް ނުވަތަ އޭގެ އެކިއެކި ބައިބައި ވަކިކުރުމަށް ބަތްޕޮޅި ނުވަތަ ދޮލަނގެއް ފަދަ އެއްޗަކަށް އަޅައިގެން ވަކިގޮތަކަށް ޙަރަކާތްކުރުން (3) ތަނެއްގައި ހުރި ހިރަފުހާއި މަކުނުވާ ފަދަ އެއްޗިހި ފޮތިގަނޑެއް ނުވަތަ އެނޫންވެސް އެއްޗަކުން ތަޅައިގެން ސާފުކުރުން (4) ހަނާކުރާއިރު ގޮވާމުގައި މާޖެހުން (5) ތަންތަނުން ދަވާދު ދަބަރު ފަދަ އެއްޗިހި އުފުލި ކެނޑިކެނޑިގެން ނެއްޓުން (6) އެކިއެކި ގޮތްގޮތް ދިމާވެގެން ގައިގެ ހަން ތޮށިތަކެއްހެން ނެއްޓެމުން ދިއުން (7) ތަނަކަށް އެޅިފައި ނުވަތަ ތަނެއްގައި ހަރުލައިފައި ހުންނަފެން އަތުގެ ނުވަތަ އެނޫންވެސް އެއްޗެއްގެ ޙަރަކާތުން ބުރުވައިލުން (8) ނޭފަތުގައި ހުންނަ އަރިދަފުސް ނެރެ ސާފުކޮށްލުން (9) މަޖާޒު: އުފަލުން ގޮސް މޫނުމަތި އުޖާލެވެގެން ދިއުން
ފޮފަ
ނ ސިމެންތި ޖެހުމުގައްޔާއި ވަޑާން ކުރުމުގެ މަސައްކަތުގައި ބޭރަށް ފުއްޕުން ލައިފައި ހުންނަ ފަށް
ފޮފަނަގާރޮންދާ
ނ ވަޑާންކުރުމުގެ ތެރޭގައި ބޭރަށް ފުއްޕުން ލައިފައި ހުންނަ ތަންތަން ބޭރަށް ފުއްޕުން ލުމަށްޓަކައި ހަދައިފައި ހުންނަ ރޮންދާއެއް
ފޮފަނެގުން
މ ސިމެންތި ޖެހުމާއި ވަޑާން ކުރުންފަދަ މަސައްކަތުގައި ބޭރަށް ފުއްޕުންލައިފައި ހުންނަ ތަންތަން ބޭރަށް ފުއްޕުންލުން