radheef.info
ރަދީފު


ޑ
ނ ތާނައިގެ އަށާރަވަނަ އަކުރު
ހިކާދުރުކުރި
ނ (1) އެންދަމާއިރު ހިކާތައް އައިސް އުނދަގޫ ކުރަން ފެށީމާ އެހިކާތައް ދުރުކުރަން ދުރަށްޖަހާ ފިލިގަނޑު މަޖާޒު: (2) ގޭގެއަށް ވަދެއުޅޭ ބޭނުމެއްނެތް މީހުން އަވަހަށް ފޮނުވައި ލުމަށްޓަކައި ދީއުޅޭ ކާބޯއެތިކޮޅު (3) ހިތުގައި އަގުނެތް މީހުންނަށް ދީއުޅޭ ކާބޯއެތިކޮޅު
ހިކިހިތްވަރު އެރުން
މ ކުއްލިއަކަށް އަންނަ ގަދަ ރުޅިގަނޑެއް އައުން
ހިކިހުތް
ނ ހުތްރަހަދޭގޮތަށް ހަދައިފައި ހުންނަ ކުނޑި މިހުންނާނީ ހިމުންލޮނާ އެއްގޮތަށެވެ
ހިކިބަލި
ނ އަނަރޫފަވާ ބައްޔެއް. މިއަށްކިޔަނީ ކެކެކްސިއާއެވެ.މިއީ މީހާގެ ހަށިގަނޑު މާބޮޑަށް ހިކޭބަލިތަކުގެ ނިޝާނެކެވެ. މިހެންވާ ކިތަންމެ ބައްޔެއް ހުރެއެވެ. މީގެތެރޭގައި ޓީބީ )ކެއްސުންބަލި( ޓައިފޮއިޑްހުން އެކިވައްތަރު ވައްތަރުގެ ކެންސަރު އަދި "ކާޑުބަލި" ހިމެނެއެވެ
ހިކިބުންދު
ނ އޮޑި ދޯނިފަހަރުގެ ކުނބުވަތުގެ ދެފަރާތް
ހިކިބޮނދެ
ނ )ގ ( ބޮޑުހިކަޔާ ވައްތަރު ލަނޑައެއް
ހިކިއެޅުން
މ (1) އެންމެބޮޑަށް ދިޔަވަރު ހިކުން (2) ފަރުމަތި އެކީގައި ހިކުން
ހިކިމަސް
ނ ގަނޑަށް ކަނޑައިގެން ކައްކައި ހިއްކައިފައި ހުންނަމަސް
ހިކިމިރުސް
ނ (1) ހިއްކައިފައި ހުންނަ މިރުސް (2) ދަނޑުމިރުސް
ހިކިފިންދަނޑި
ނ ހަށިގަނޑާ އަޅާބަލާއިރު ފިނދުމަސްގަނޑު މާބޮޑަށް ހިކިފައިވާ އަނަރޫފަ މީހާ
ހިކިދަހަނގުވުން
މ ގަސްގަހާގެއްސާއި ދަނޑުފަނގު މާބޮޑަށް ހިކުން
ހިކިދަރުމަސް
ނ މުޅިން ހިކި ހަރުވެފައިވާ ކަނޑުމަސް
ހިކިދަގަނޑު
ނ އެއްޗެއް ހިކިގެން އެންމެބޮޑަށް ވާހަރު
ހިކިދަގަނޑުވުން
މ މަސްފަދަތަކެތި ބޮޑަށް ހިކިހަރުވުން
ހިކިތަވާގައިލުން
މ ހުސްތަވާގައި ކުޑަކޮށް ހޫނުކޮށްލުން
ހިކުން
މ (1) ތެތްކަމާއި ރޯކަން ފިލައިގެން ދިޔުން (2) ފުރާނަހުރި އެއްޗެހި އަނަރޫފަވުން (3) ފެންގަނޑު ހިނދުން (4) ދިޔަވަރު ކުޑަވުން
ހިއަރި
ނ ކަނބުރުންގެ ބޮޑުމުށި
ހިއްކިކަނޑޫ
ނ ހިއްކައިފައި ހުންނަ ކަނޑޫ
ހިއްކުން
މ (1) ފެން ހުސްކުރުން (2) ތެތްކަން ކެނޑުވުން (3) ރޯކަން ކެނޑުވުން (4) ހަށިގަނޑުގެ ފަލަ ކަންކެނޑުވުން
ހިއްފަސޭހަކަން
ނއނ (1) ހިތްފަހިކަން (2) ފިކުރެއްނެތްކަން (3) ފިކުރުބޮޑުނުވާކަން (4) ހިތްއަލިކަން