radheef.info
ރަދީފު


ގާ
ނ (1) ކެލްސިޔަމް ކާބަނޭޓުން ކަނޑުގެ މާހައުލުގައި އުފެދިގެން ބޮޑުވާ ހަރުއެއްޗެއް. މިއީ އޭގެ އަމިއްލަ ޒާތުގައި އުފެދި ގިނަވާ އެއްޗެކެވެ (2) ރާތަލެއްގެ ހަތަރުބައިކުޅަ އެއްބައި (3) ބައެއްކަހަލަ ތަކެތި ހިކިގެންވާހަރު މިސާލު: އުވަތައް ހުރީ ގާވެފައެވެ (4) ގަސްގަހާ ގެހި ކުރިލަމުން ހެދޭގޮތް ހުއްޓޭ ހުއްޓުން މިސާލު: އެމިރުސްގަސް މިހާރު ގާވެއްޖެއެވެ (5) މަޖާޒު: ކުދިން އުމުރާ އެއްވަރަށް ބޮޑުނުވެ ވާހަރު މިސާލު: އެކުއްޖާއެހެރީ ގާވެފައެވެ (6) ހިތްކޮށި މިސާލު: އެއީ ވަރަށް ހިތްގާ ކުއްޖެކެވެ
ކާފޫރުމެޓާ
ނ އެތެރެއަށް ކާފުރު ތޮޅިއޮށެއްކަހަލަ އޮށެއްލާފައި ބޭރުގައި އުންހުންނަ ލާގުޅައެއްވަރުގެ މެޓައެއް މިގެނެސް އުޅުނީ ބަންގާޅުންނެވެ
ކާފޫރުގަސް
ނ މެދުމިނަކަށް ހެދޭ ގަހެއް މިގަހުގެ ގޮފިތަކުގެ ތޮށިގަނޑު ހުންނަނީ އޮމާން ކޮށް ފެހިކުލައެއްގައެވެ ތޮށީގައި ވިދާގޮތްހުރެއެވެ މިގަސް އެންމެ ވައްތަރުވާނީ ދެބުދާރުގަހާއެވެ ފަތްތައް ހުންނާނީ މޫނިމާފަތާ ގާތްގޮތަކަށެވެ މިގަހުގެ ހުރިހާ އެއްޗެއްގައިވެސް ދުވާނީ ކާފޫރުވަހެވެ
ކިރާހަނޑޫ
ނ ހަނޑުލުގެ ބާވަތެއް މިއީ ފުއްކުދިކޮށް ހުންނަ މީރު ވަހެއްދުވާ ހުދުކުލައިގެ ހަނޑުލެކެވެ މިއީ ބަންގާޅުން ރާއްޖެއަށް ގެނެސްއުޅުނު ހަނޑުލެކެވެ
ކިރުމައިން
ނ (1) މީހުންގެ ޅަކުދިންނަށް ތިމާގެ ގާތުން ކިރުދީއުޅޭ މީހުން (2) ގިނައިން ކިރުހުންނަ އަންހެނުން
ކިރުތުނބުން ވީއްލުން
މ މައިމީހާގެ ގާތުން ކިރުބުއިމުގެ މުއްދަތު ހަމަވުން
ކިލާފަނިފޮޅު
ނ "ކިލާފަނި ކެއުން" މިނަން ކިޔާ ބަލީގައި ނަގާ ފޮޅު
ކީއްތާނި
ނ (1) ނައުފަހަރާއި ބޯޓުފަހަރުގެ ރިޔާ ކަނޑާބޯފޮތި ވިޔާން ވަކަ ނަގާ ގަސް (2) މިބާވަތުގެ ވަކައިން ވިޔާ ފޭރާން
ކުނބު
ނ ރިޔާ ނެގުމުގެ ބޭނުމުގައި ފުރާދުއްވާ ތަކެތީގެ މެދުތެރޭގައި ޖަހައިފައި ހުންނަ ދިގުދަނޑި ރިޔާ ނުނަގާ އެއްޗެތީގައިވެސް އެކިއެކި ބޭނުމަށްޓަކައި މިޖަހައިފައި ހުރެއެވެ
ކުނބުރު
ނ (1) ކަޅުރަތް ކުލައިގެ ފަތިކޮށް ވައްކޮށް ހުންނައޮށެއް. މީގެ މަދު ބޭހަށް ބޭނުންކުރެއެވެ. މިއީ ވެލެއްގައި އަޅާ އެއްޗެކެވެ. މިވެލުގެ ފަތް ހުންނަނީ ވަށްކޮށް ގޮނިކޮށެވެ. މިފަތް ބޯވާނެއެވެ. (2) ސިފައިންނާ މަގު ހިނގާމީހުން ފެން އަޅައިގެން ގެންގުޅޭ ވަށްކޮށް ފަތިކޮށް ހުންނަ ކަންވާރެއް (3) އިހުގައި ބަޑިބޭސް އަޅައިގެން ކަރައިން ގެންނަ ކަންވާރެއް (4) ފެންއަޅަން ގެންގުޅޭ ކަޅުމުށީގެ މުޑުކާ
ކުނބުކޮށި
ނ އޮޑިދޯނިފަހަރުގެ ކުނބު ނެގުމަށްޓަކައި ކުނބުވަތުގެ ދެތަލުގެ ދޭތެރޭ މެދުގައި ކުނބު އިންނަފަތާއެކު ތިން ފަރާތުގައި ފިލާޖަހައިގެން ހަދައިފައި ހުންނަކޮށި. މިއީ ކުނބުގެ ފޫ ވަނޮޅަށް ފައްތައި ކުނބުނަގާއިރު ފަރާތް ފަރާތަށް ކަސިޔާރުވެގެން ދިޔަ ނުދިއުމަށްޓަކައި ހަދައިފައި ހުންނަ އެއްޗެކެވެ
ކުނބުކޮޅުގޮވުން
މ ރިޔާނަގާ އުޅަނދު ފަހަރުގެ ކުނބުކޮޅުން ވައިމަޑުއިރަށް ކުރުކުރު އަޑުކިއުން
ކުނޑިކަށި
ނ އަތްކަންކުރާ މީހުން ރަންރިހި ބައްދާ ކުނޑި ނަގާން ގެންގުޅޭ ކަށި
ކުނަހަނގާލި
ނ ބޭހަށް ބޭނުންކުރާ ފަތްޕިލާވެއްޔެއް މީގެފަތް ހުންނާނީ ހުސްނުހީނާ ގަހުގެ ފަތާ ވައްތަރުކޮށް އެކަމަކު ރޫޖެހިފައެވެ ގަސްގަނޑުގެ ފަލަމިން ތިންއިންޗި ވަރުވާނެއެވެ އުސްމިން ހުންނާނީ ގާތްގަޑަކަށް 6 ފޫޓު ވަރަށެވެ މިގަހުގެ އޮށްތައް ހުންނާނީ ބޮނޑި ބޮނޑިޔަށެވެ މިއަށް ނިތުބަޑި ކިޔައެވެ އެއީ ނިތުގައި ޖައްސައިގެން ފެޅޭއިރު އަޑު ގޮވާތީއެވެ އަދި ވަލުކުރަދިވެސް މިގަހަށް ކިޔައެވެ
ކުނައުގޯލި
ނ )މަލިކު( ކުނަހަނގާލިގަނޑު
ކުންދާން
ނ ނައުފަހަރުގެ ކުނބު ދިގުކުރާން ކުނބުގެ މައްޗަށް ގުޅުވަމުން ނަގާ ބުރިބުރި
ކުރަފޮޅު
ނ ބައެއް ހުޅުހުޅު މަތީން ނަގާ ހަރުފޮޅު
ކުރުކާލި
ނ (1) ވަކި ހިސާބުގަނޑެއްގައި ދެކޮޅަށް ހިނގާ ހިގުން (2) އަތުން އުއިކަހާ ކާލި
ކުރުސި
ނ (1) އާޔަތުލް ކުރުސި. (2) ނާފަހަރުގެ ގާވިޔާ ކުންދާނާއި ސަފަރުކުންދާ ނާއިދޭތެރޭ އޮންނަ ކާލިގަނޑު
ކުރުސްކުރުސް
ނ ހުނިގާނާއިރު އިވޭއަޑު
ކުރޮޅިފިލާގަނޑު
ނ ކުރޮޅީން ހުނިގާނަން ތަންތަންކޮޅުން ލޯވަޅު ތޮރުފައި ކަށިކޮށް ހަދައިފައި އޮންނަ ޓިނުގަނޑު ނުވަތަ ލޯގަނޑު މިފިލާގަނޑެއްގައި ލޯނަރު ޖަހައި ގެންވެސް ހަދައެވެ