radheef.info
ރަދީފު


މަޖާޒު
ނ ބަހުގެ އަސްލުމާނަނޫން އެހެން މާނައެއް ދޭހަވާބަސް
ކާފަރު
ނ (1) ޣައިރު ދީނުގެމީހާ ނއ (2) މަޖާޒު: ޝަހުވާނީގޮތުން ލަދުކުޑަ
ކާފަރުކަން
ނއނ (1) މުސްލިމަކަށް ނުވާކަން (2) މަޖާޒު: ޝަހުވާނީގޮތުން ލަދުކުޑަކަން
ކާތަށްޓަށްވެލިއެޅުން
މ މަޖާޒު: ކާންބޯންލިބޭ ފަރާތަކުން އެލިބޭއެއްޗެއް މަނާވާނޭގޮތެއް ތިމާ މެދުވެރި ކުރުން
ކިހިޅިބިސީ
ނ )ޏ ( މަޖާޒު: (1) ކުޑަކުދީން (2) މުޖުތަމަޢުގައި އަގެއްނެތް މީހުން
ކިއްލާހެދުން
މ މަޖާޒު: އެހެން ބައެއްގެ ތަނެއްގައި ތިމާގެ އަމިއްލަ ކަންތައް ގަނޑެއް ހިންގުން
ކިޔާހާލަވަޔަކަށް ނެށުން
މަޖާޒު: ބުނިހައި ގޮތަކަށް ބުނިހައި ކަމެއް ނުކުރެވޭނެއޭ ބުނަން ބޭނުންކުރާ ބަހެއް
ކުނބުނެގުން
މ (1) ފުރާދުއްވާ ތަކެތީގެ ކުނބު އޭގައި ކޮޅަށް ޖެހުން. (2) މަޖާޒު: ދެބުމަ ދޭތެރެއިން ފެށިގެން މައްޗަށް އަނދުން ރޮނގެއް ދެމުން. އަނދުން ނޫން އެހެން އެއްޗަކުން މިރޮނގު ދެމި ނަމަވެސް ކިޔާނީ މިހެންނެވެ
ކުނޑިކޭވާހަކަ
ނ މަޖާޒު: މީހާގެ ކިބައިން ވެފައިއޮންނަ ދެރަކަމެއްގެ ވާހަކަ
ކުރަފިއެރުވުން
މ މަޖާޒު: ކޮންމެ ކަމެއްވެސް ކުރަންނޭނގޭ ޙާލުގައި މާދެރަކޮށް ކުރުމުން ބުނެއުޅޭ ގޮތެއް
ކުރަލުން
މ (1) ގައިގެ ހަމުގައި ގިނަފަހަރު އެއްޗެއް ކޭއްތިގެން ހަންބޯވުން (2) މަޖާޒު: ކަމެއްކޮށްކޮށް އާދަވެގެން އެކަމަށް ހޭނުން
ކުރިބިމުޖެހުން
މ މަޖާޒު: (1) ކުއްލިއަކަށް ނަސީބުދެރަވުން (2) ދަރަޖައާއި ގަދަރު ވެއްޓުން
ކުރިފެޅުން
މ (1) މަޖާޒު: ދެކެވެމުންދާ ވާހަކަ އަކުން އާވާހަކައެއް އުފެދުން (2) ގަސްގަނޑުން ނިރު ނުކުތުން
ކުރުދޮށީގައިހިފުން
މ މަޖާޒު: ކަމެއް ނުވަތަ މަސައްކަތެއްގައި އަތްމަތި އަވަސްކުރުން
ކުރުދޮށްޓަށްއެރުން
މ (1) މަސްއައިން ދަހިވެގެން ކުރުދޮށީގައި ހިފާވަރުވުން (2) މަޖާޒު: ކަމެއް ނުވަތަ މަސައްކަތެއްގައި އަތް ހުއްޓައިލާހާ ތަންވަޅުނުވުން (3) އަވަސް އަވަހަށް ކެއުން ނުވަތަ ބުއިން
ކުރުގެޅުން
ނ (1) ޖެހުނު ޖެހުމަކުން ނުވަތަ ފިތުނު ފިތުމަކުން އެއްޗެއް ހުންނަންވީ ވަރަށް ވުރެން ކުރުވުން (2) ޢިށީނދެ އިނުމުގައްޔާއި އޮށޯވެ އޮތުމުގައި ކުރުޖެހުން (3) މަޖާޒު: ދެރަވުން (4) ފިނޑިވުން (5) ކެވުނުލެއް ގިނަކަމުން ހިންދަމައި ނުލެވުން
ކުޅަނދުރު ހަތަޔަށް އޮއްގައުލުން
މ މަޖާޒު: ތިމާގެ މައްޗަށް ގަދަކަން ފޯރުވޭވަރުގެ މީހަކަށް ނުވަތަ ބަޔަކު ރުޅިއަންނާނެ ކަމެއްކުރުން
ކުޅިވަރަށްދުއްވައިލުން
މަޖާޒު: ކަމެއްގެ ޙަޤީޤީ ބޭނުމަށާއި މަޤްޞަދަށް ވިސްނައިލުމެއްނެތި އެކަމެއް ކުރުމަށް ދޭންވާ ސަމާލުކަން ނުދީ ވަގުތު ބޭކާރުކުރުން
ކުޅިވަރަކަށްހެދުން
މަޖާޒު: އެކަމެއްގެ ޙަޤީޤީ ބޭނުމަށް ނުވިސްނައި މަޖަލެއްގެ ގޮތުގައި ވަގުތު ދުއްވައިލުމަށް އެކަމެއް ކުރުމުން ބުނެއުޅޭ ގޮތެއް މިސާލު: ކިޔެވުން ކުޅިވަރަކަށް ހަދައިގެން ދެކޮޅެއް ނުޖެއްސޭނެއެވެ
ކުޅިވަރުހުރުން
މަޖާޒު: ކަންތަކެއް ހުއްޓޭ ބުނުމަށް ބުނާގޮތެއް
ކުޅިވަރުދެއްކުން
މަޖާޒު: ލިބިހުރި ބާރު ދައްކައިލާނަމޭ ބުނުމަށް ނުރުހިގެން ބުނާ ބަހެއް މިސާލު: ނިކަން ދެކެން ހުންނާށެވެ ރަށަށް ދެވުނީމައި ކުޅިވަރު ދައްކައިލާނަމެވެ