radheef.info
ރަދީފު


ވަރު
ނ (1) މިންވަރު (2) ދަރަޖަ (3) ހަކަތަ (4) ބާރު (5) ބައެއް (6) ހަވަރުގެ ބައެއް (7) އެއްޗަކުން ޖަހައިގެން ނުވަތަ އެއްޗެއްގައި ޖެހި ފިތިގެން ހަށިގަނޑުގެ ތާކުން ފެންނަން ހުންނަ ނިޝާން (8) ފަންތޮށިން ނަގާ ފަތި
ކާ
ނ (1) ކާފިޔާ ހަމަކޮށް ހަދައިފައި ހުންނަ ވަޒަން ބަހުރުވައިގެ ބާވަތެއް މިއީ ހަބަސް ރައިވަރުގެ ކުރީ ހަތަރުބަހާ އެއްގޮތަށް އެއްވަޒަނަކަށް ހަތަރު ބަހުން ފިލިކޯޅި ހަމަކޮށް ހަދައިފައި ހުންނަ އެއްޗެކެވެ މީގައި ހަބަސް ރައިވަރުގެ ކުރިން ފެށޭ ބަސްނެތިފައި އަނެއް ތިން ބަހުގެ ވަޒަނަށް ހަދައިފައި ހުންނަ ބާވަތެއްވެސް ހުރެއެވެ (2) ބިލެތުވައް (3) ބައްތެލިފަހަރާއި ނާފަހަރުގެ ކަވަރުނާތަކުން ބޯރުދުވަށް އަރައިފައި ހުންނަތަން
ކާނިވާ
ނ ތަފާތު ކުޅިވަރުތަކާއި ހިތްފަސޭހަ ކަންތައްތައް އެކުލެވޭގޮތަށް ތައްޔާރުކުރެވޭ ޚާއްޞަތަނެއް
ކާޅު
ނ (1) ކަޅު ކުލައިގެ ދޫންޏެވެ. މިއީ އިންސާނުން ކައިބޮއި އުޅޭ އެއްޗެއްސާއި ހަޑި ކުނި ބުންޏާއި ފުޅަ ތަކެތިވެސް ކައި އުޅޭ. ދަހި ލަދުކުޑަ އެއްޗެކެވެ. މީގެ ތުން ވަރުގަދަވެފައި ކަޅުވާނެއެވެ. ކާޅަކީ އެއްސިފައަކަށް ހަރަކާތްތެރިވެއުޅޭ އެކިއެކި ހިލަމަށްސިހޭ ހޭބަލާ ދޫންޏެކެވެ (2) ނއ މަޖާޖު: ލަދުކުޑަ (3) ބަނިޔާދަންކަން ނެތް
ކާއު
ނ )ސ ( ބައްތެލިފަހަރާއި ނައުފަހަރުގެ ކަވަރުނާތަކުން ބޯރުދުވަށް އަރައިފައި ހުންނަތަން
ކާވެނިރަން
ނ ކާވެނިވާ ފިރިހެންމީހާ އަންހެން މީހާއަށް ޝަރުޢީގޮތުން ދޭންޖެހޭ އެއްޗެއް މިފައިސާ އިންނާއި ތަކެތީގެ ގޮތުން ދީއުޅެއެވެ މީގެ މިންވަރު ކަނޑައަޅާނީ އަންހެންމީހާއެވެ
ކާފޫރުމެޓާ
ނ އެތެރެއަށް ކާފުރު ތޮޅިއޮށެއްކަހަލަ އޮށެއްލާފައި ބޭރުގައި އުންހުންނަ ލާގުޅައެއްވަރުގެ މެޓައެއް މިގެނެސް އުޅުނީ ބަންގާޅުންނެވެ
ކާލިއެޅުން
މ (1) މީހަކު އަމަލުވެގެން ނުވަތަ ވަރުބަލިވެގެން ދެއަތަށް ދެއަތަށް ހޫރުން (2) ކާއްޔަށް އުއި ވެށުން
ކާސިމަޖާ
ނ ބޮޑުބެރުޖަހައި ލަވަކިޔަމުން ބޮލި މަލާފަތް ހިފައިގެން ނަށައިފައި ކުޅޭ ކުޅިވަރު
ކާސިމަޖާކުރުން
މ ކާސިމަޖާ ކުޅިވަރުކުޅުން
ކާޑުމަސްބައި
ނ ކާޑުގެޒަމާނުގައި )ދެވަނަބޮޑު ހަނގުރާމައިގެ ދުވަސްވަރު( ރަށްރަށުގެމީހުން ކާޑުގެއަށް އަޅައި އުޅުނު މަސްބައި މިއީ އިހުގައި ކޮންމެ ދޯންޏަކުންވެސް ފަޅުވެރިޔަކާ އެއްވަރަށް ނަގައިއުޅުނު މަސްބައެކެވެ. މި މަސްބައިނަގައި އުޅުނީ ރައްޔިތުގެއިން ކުރަންޖެހޭ ޚަރަދުތައް ކުރުމަށެވެ. މިސާލަކަށް: ރަށުގެރައްޔިތުން ދަރަންޏަށްގެންނަ ކާޑުގެބާވަތްތަކުގެ އަގުހަމަޖެއްސުމާއި މަދަރުސާ މަކްތަބު ފަދަ ތަންތަނަށް ޚަރަދުކުރުމާއި ބަންޑާރަދަތުރުގެ ކޮއްތުދިނުންފަދަ ކަންތައް ކުރުމަށެވެ
ކިހާ
އ (1) މިންވަރު ނުވަތަ ވަގުތު އޮޅުން ފިލުވަން ސުވާލުކުރުމަށް ބޭނުންކުރާ އަކުރެއް މިސާލު: )ހ( ކިހާވަރެއްތޯ؟ )ށ( ކިހާތާކު ދާނުތޯ؟ (2) ދެރަވެގެން ނުވަތަ ހައިރާންވެގެން ނުވަތަ ނުރުހިގެން ބުނާ ބަހުގެ ތެރޭގައި ބޭނުންކުރާ އަކުރެއް މިސާލު: )ހ( ކިހާ ދެރަ )ށ( ކިހާ ރީތި )ނ( ކިހާ ބޮޑުކަމެއް )ރ( ކިހާ ގޯސް
ކިނބޫ
ނ އެއްގަމާއި ފެނުގައި ދިރިއުޅޭ މިނިކާ އެއްޗެއް މިއީ ހަރުތޮއްޓެއް އޮންނަ ބިންމަތީގައި ބަނޑުޖަހައިގެން އުޅޭ ޖަނަވާރެކެވެ މީގެ އަނގަ ވަރަށް ބޮޑުވާނެއެވެ އަދި ނަގޫ ދިގުވެފައި ވަރުގަދަވާނެއެވެ
ކިރިކެޓު
ނ ދަނޑުގައިކުޅޭ ކުޅިވަރެއް މިކުޅިވަރުގައި ބައިވެރިވާނީ ދެޓީމެވެ ޓީމެއްގައި 11 ކުޅުންތެރީންނެވެ އެއްބަޔަކު ބޯޅަ ހޮވަން ތިބޭއިރު އަނެއްބައިގެ ދެކުޅުންތެރީން ކުޅެން އަރާތިބެއެވެ ބިމަށް ޖަހާފައި ހުންނަ ތިންދަނޑީބުރީގެ ކުރިމަތީގައި ކުޅޭމީހާ އޮވެގެން ހޮވާޓީމުގެ މީހަކު އެއްލާބޯޅައިގައި ފިލާގަނޑަކުންޖަހައި ލަނޑު ހަދައެވެ ނުވަތަ ދުވެގެން ލަނޑު ހަދައެވެ ދަނޑިބުރިތައް ޖަހައިފައި ހުންނަނީ މެދުރިއަޅައިފައި އޮންނަ ތަނެއްގައި ދެކޮޅުގައެވެ
ކިބާ
ނ (1) ދުންކިބާ. (2) ތިލޭރުންގެ އުނދުން. (3) ގަނޑުވަރުތެރެ ބައިކޮށްފައި އޮންނަގޮތުން ރަސްގެފާނު އުޅުއްވާ ބަޔަށާއި ބޭފުޅުން އުޅުއްވާ ބަޔަށް ކިޔާފައި އޮންނަ ނަމެއް. މިސާލު: ބޮޑުކިބާ ކުޑަކިބާ
ކިލާސް
ނ (1) މަދަރުސާގައި ކިޔަވައިދިނުމަށް އެއްކޮށް ތިބެން ކަނޑައަޅައިފައިވާ ކުދީންގެ ބައެއް (2) ފަސިންޖަރުން ދަތުރުކުރާ ރޭލާއި މަތިންދާ ބޯޓް ފަދަ އެއްޗެހީގައި ދަތުރުކުރެވެން ހުންނަ އެކި ފެންވަރުގެ ބައިބައި
ކީމަ
ނ ގަނޑުވަރުތެރޭ އަންހެން ބޭފުޅުން ދުވާލު ތަންތަނަށް ވަޑައިގަންނަވާން ވެދެވަޑައިގަންނަވާ ފޭލިގެ. މިހުންނަނީ ހުދާއި ރަތާއި ކަޅާއި މިތިންކުލައިން ބިހުރައަޅައި ކުރަހައިފައެވެ
ކުނބުކޮޅު
ނ (1) ހަންޖާލައްވާ ފުރޮޅުހަރުކުރާން ކުނބުކޮޅުގައި ހުންނަ ބުރިވަރު (2) ނާފަހަރުގެ ފަރުމާނުތަކުގެ ވާވެލާވެލި
ކުނބުވައްގަނޑު
ނ އޮޑިދޯނި ފަހަރުގައި ކުނބުގެ ފޫ ޖަހާން އަލާ ވައްގަޑު މިވައްގަނޑު އެހެން ބުޑުވަކަށްވުރެ ވަރުގަދަ ވާނެއެވެ
ކުނބުވާންޖެހުން
މ ވަނޮޅަށާއި ކުނބުކޮށްޓަށް ކުނބުގެ ފޫ ވަރުކުރުން
ކުނަހަނގާލި
ނ ބޭހަށް ބޭނުންކުރާ ފަތްޕިލާވެއްޔެއް މީގެފަތް ހުންނާނީ ހުސްނުހީނާ ގަހުގެ ފަތާ ވައްތަރުކޮށް އެކަމަކު ރޫޖެހިފައެވެ ގަސްގަނޑުގެ ފަލަމިން ތިންއިންޗި ވަރުވާނެއެވެ އުސްމިން ހުންނާނީ ގާތްގަޑަކަށް 6 ފޫޓު ވަރަށެވެ މިގަހުގެ އޮށްތައް ހުންނާނީ ބޮނޑި ބޮނޑިޔަށެވެ މިއަށް ނިތުބަޑި ކިޔައެވެ އެއީ ނިތުގައި ޖައްސައިގެން ފެޅޭއިރު އަޑު ގޮވާތީއެވެ އަދި ވަލުކުރަދިވެސް މިގަހަށް ކިޔައެވެ