radheef.info
ރަދީފު


ވަރަ
ނ (1) އުދުހޭ އެއްޗެތީގެ ފިޔަ (2) ކެޔޮގަހު ބަނޑުފަތާއި ކަށިކެޔޮފަތް ފަދަ އެއްޗެތީގައި ހުންނަ ތުނިފަށްފަށް (3) މުއިރު (4) ދުނިދަނޑި ލަނބަންޖަހައިފައި ހުންނަ ފަށް (5) މަޑައިގައިޖަހާ އެތިފަށް (6) ފިޔަ
މެދު
ނ (1) ދިމާމެދު (2) ވައްބުރެއްގެ އެތެރެއިން ފެށިގެން ބޭރުރޮނގާ ހަމަޔަށް ދަމާލެވޭ ހުރިހާ ރޮނގުތަކެއް އެއްވަރުވާ ނުކުތާ (3) އެއްޗެއް އޫކޮށް ހުރިއެއްޗެއްގެ މަތީގައި ބާއްވައިފިނަމަ އެއެއްޗެއް ހުރިހާ ފަރާތަކަށް އެއްވަރުވާ ނުކުތާ (4) އެއްޗެއް ދެބައިކޮށްލާއިރު ދެފަރާތަށް އެއްވަރުވާ ނުކުތާ (5) ކަމެއްގެ ފެށުމާއި ނިމުމާ ދޭތެރެ (6) ބެހޭ މިސާލު: އެފޮތާމެދު (7) ފުޅަފުގައި ނުވަތަ ފުރާޅުގައި ފަންލާއިރު ނުވަތަ ދަމާއިރު ފަންގަނޑު އެއްވަރަށް ބެހެއްޓުމަށްޓަކައި ތަންތަންކޮޅުން އައްސާއެތިފަށް
މެދުއެރުވުން
މ ފަންދަމާއިރު ނުވަތަ ގަނޑު ފަންޖަހާއިރު ފަންގަނޑު އެއްވަރަށް ހިފެހެއްޓުމަށްޓަކައި ތަންތަން ކޮޅުން އެއްސުން
މެދުލުން
މ ފަންލާއިރު ނުވަތަ ދަމާއިރު ފަންގަނޑު އެއްވަރަށް ބެހެއްޓުމަށްޓަކައި ތަންތަންކޮޅުން އެއްސުން
މެޓާގަނޑު
ނ އަލަކައްޓަލަ ހަނޑޫފަދަ ތަކެތީގައި ހަކުރުއަޅައިގެން ވަރަށް ހަރުކޮށް ހިލާ ފޮނިކާ އެއްޗެއް މި ހުންނާނީ ފަތާކޮށެވެ
މޮޅިހަރުބީ
ނ ރަދުން ޢިއްޒަތުގައި ތަނަކަށް ވަޑައިގަތުމަށްފަހު ގަނޑުވަރަށް އެނބުރި ވަޑައިގަންނަވާއިރު ފުމޭ ހަރުބީއެއް )މިހަރުބީއަށް މޮޅިހަރުބީއޭ ކިޔަނީ ހިތާމަވެރި ރާގަކަށް ޖަހާހަރުބީއެއް ކަމުގައިވާތީއެވެ
މޮޅުއެޅުން
މ މަޖާޒު: (1) ދިމާވާގޮތަކުން ވަރަށް ބޮޑު ފައިދާއެއް ލިބޭގޮތްވުން (2) އެދިއެދިހުރި ކަމެއް ކާމިޔާބުވުން
މޮޓަ
ނއ ހެޔޮވަރަށްވުރެ ހަށިގަނޑުފަލަ
މޮޓަވުން
މ ހެޔޮވަރަށްވުރެ ހަށިގަނޑު ފަލަވުން
މޮޓާ
ނ އާދައިގެ ވަރަށްވުރެ ފަލަ
މޮޔަވުން
މ (1) ބުއްދި ގޯސްވުން (2) ސިކުނޑި ހަމައިން ނައްޓައިލުން (3) އެކަކު އަނެކަކާ މާބޮޑަށް ހިތާވުން (4) މަޖާޒު: ހަމައިން ނެއްޓޭވަރަށް ކަމަކާ އުޅުން
ފަހަތުފަޔަށް ބެލުން
މ މަޖާޒު: (1) ޚަރަދުކުރުމުގައި ލިބޭ މިންވަރަށް ބަލައިގެން އުޅުން (2) ފަހުން ވެދާނެގޮތަކާއި މެދު ވިސްނައިގެން އުޅުން
ފަށަންވަޅު
ނ އޮޑިދޯނިފަހަރު ބަނުމަށްޓަކައި ފަށަނުގެ ޖާގަލިބޭ ވަރަށް ބިމުން ކޮނެފައިވާ ތަން
ފަށްކޮށްލުން
މ (1) އެއްކަމެއް އެކަކު ކުރިވަރަށްވުރެ މޮޅަށް އަނެކަކު ކުރުމުގެ ސަބަބުން ކުރީމީހާ ދަށްވުން (2) ރެކޯޑް މުގުރާލުން (3) ފަށްކުރުން މިބަހުގެ ލުއިގޮތް
ފަށްލިބުން
މ ބައެއްގެ ތެރެއިން މީހަކު ވަކިވަރަކަށް މައްޗަށް ދިއުމުން އެކަން ފާހަގަކުރުމުގެ ގޮތުން ދެވޭ ނިޝާނެއް ހާސިލުވުން
ފަނި
ނ (1) ފޮނި ރަހަލާވަރަށް ފެނުގެ ތެރެއަށް ހަކުރު އަޅައިގެން ގިރާ ނުވަތަ ކައްކާ ބުއިމެއް. ތަފާތު ބާވަތްތައް އެއްކޮށްގެންވެސް މިތައްޔާރުކުރެވެއެވެ. މިސާލު: އިސްބަގުލު ފަނި ސާގުފަނި ފުފުލުފަނި (2) ދިރޭސޫތްޕެއް މީގެ ތަފާތު ވައްތަރުތައް އެކިއެކި ވަރުވަރަށް ހުރެއެވެ މިސާލު: ކިލާފަނި އެކިއެކި ބަލިބަލީގެ ފަނި (3) )ޏ ސ ( ރާފޮނި
ފަނިހަނދި
ނ ހަނދީގެ ބާވަތެއް މިއީ ފަތިކޮށް ހުންނަ ވަރަށް ބާރަށް ދުވާ މަހެކެވެ
ފަނިފެންޖެހުން
މ އެއްޗެއް ނުދިރޭވަރަށް ޙާލުދެރަވެފައިވާ މީހަކަށް ފަނިފޮދު ފެންފޮދު ދިރޭގޮތްވުން
ފަނިތިކި ފެންތިކި ނުޖެހުން
މ މަޖާޒު: އެއްވެސް އެއްޗެއް ނުދިރޭވަރަށް މީހާގެ ހާލު ދެރަވުން
ފަނުފޫޖެހުން
މ ރުއްރުކުގެ ފަނުގެ ކުރި ފެނުގައި ޖެހޭވަރަށް ރަށުގެ މަލަ ފެނަށް ތިރިވުން
ފަންހާމަސް
ނ ފަރުފަރާއި ފަޅުފަޅުގައި މުރަކައާއި ގާތަކުގެ ތެރޭގައި އުޅޭ ބޮޑު ކޮތަރިބައެއް ހުންނަ މަހެއް. މީގެ ކޮތަރި ބައިގައި ވަރަށް ވިހަގަދަ ކަށިތަކެއް ހުންނާނެއެވެ ރުޅިއައުމުން ކޮތަރިބައި ފޮޅުވާލައެވެ މިއީ ވަރަށް ރީތި ތަފާތު ކުލަތަކެއްގައި ހުންނަ މަހެކެވެ