radheef.info
ރަދީފު


އަން
ނ ތިމާދޭ އެއްޗެއްގައި އަނެކާހިފާން ކުރާ އަމުރު މިއީ ކަމެއްގެ ނަމެކެވެ
އާތް
އ (1) ޚާއްޞަކޮށް އަންހެނުން ބައެއްގޮތެއްގައި ސިހުނީމާ ބުނާ ބަހެއް (2) ނ އަންހެނުން ލަދުގަންނަކަމަށް ހެދިގެން އުޅޭ ސިފަ
އާތްވުން
މ އަންހެނަކު ލަދުގަންނަކަމަށް ހެދިގެން އުޅުން
އާލާ
ނ (1) ދިރޭގޮތް (2) ކުރިއަރަމުން އަންނަގޮތް (3) ރަނގަޅުވަމުން އަންނަގޮތް
އާޔާ
ނ ކުޑަކުދިން ބަލަން ގޭގައި ގެންގުޅޭ އަންހެނާ
އިންޒާރު
ނ މީހަކަށް ނަސޭހަތްދީ އަންނާންއޮތް ނުރައްކައުތެރިކަމާއި ދޭތެރޭ ހޭއެރުވުމަށް ބިރުގެންނެވުމާއިއެކު އަންގާ އެންގުން
އިންޒާރުކުރުން
މ މީހަކަށް ނަސޭހަތްދީގެން އަންނާންއޮތް ނުރައްކައިތެރި ކަމާއިމެދު ހޭ އަރުވައި ބިރުގެންނެވުން
އިންޤިލާބު
ނ (1) އެއްގޮތުން އަނެއްގޮތަށް ބަދަލުވާ ބަދަލުވުން (2) ތަނެއްގެ ވެރިކަމަށް ބުންޔާދީގޮތުން ކުއްލިއަކަށް އަންނަ ބަދަލު (3) އެއްދައުރަކުން އަނެއް ދައުރަކަށްވާ ބަދަލު
އިރުވައިކަންޒޫރި
ނ އިރުވައި ބަޑިހެލީމާ ކިޔަވާ ކަންޒޫރި މިކިޔަވަނީ ބަޑިހެލުމަށްފަހު އަންނަ ފުރަތަމަ ހުކުރު ދުވަހު މެދު ޒިޔާރަތް ދޮށުގައި ދެންއަންނަ ހޯމަދުވަހު ލޮނުޒިޔާރަތް ދޮށުގައި ބޮޑުކިޔެވެނީންނެވެ މިކިޔަވާ މީހުންނަށް ކެއުން އޮވެއެވެ
އިރުވައިމަސްވެރިކަން
ނ އިރުވައިލައިގަތީމާ އަންނަ މަސްވެރިކަން
އިއްދަ
ނ ފިރިމަރުވެގެން ނުވަތަ ވަރިވެގެން ދުވަސް ހަމަކުރާން އަންހެނުން ތިބެންޖެހޭ ދުވަސްވަރު
އިމާމާ
ނ (1) ވަކިބައެއްގެ ޚާއްޞަ އިމާމު (2) އަންހެނުންގެ ޖަމާއަތުގައިވެސް ހުންނަމީހާ
އިލްހާމު
ނ (1) ރަސޫލު ބޭކަލުންނާއި ނަބީބޭކަލުން )ޞަލަވާޠުﷲ ޢަލައެހިމް އަޖްމަޢީން( އަށް ވަޙީ އާ ޚިލާފު ގޮތަކަށް މާތްރަސްކަލާނގެ އަންގަވާ އެންގެވުން (2) އިންސާނުންގެ ހިތަށް ޤުދުރަތީގޮތުން އެނގޭ ތެދުއެނގުން (3) ކަމަކާމެދު ފިކުރުކުރީމާ އެނގޭ ރަނގަޅު އެގުން
އިސާރަތް
ނ އެކިއެކި ކަންތަކަށް އަންގައިލުމަށް ހަދާގޮތް
އިސާރަތްކުރުން
މ ކޮންމެވެސް ލިސާނަކުން އަންގައިލުން
އިސްފަރޫފަ
ނ އަންގާގެ ނަކަތްތެރިކަމުގައި ދުވަސް ބަހައިފައިވާ ބައިތަކުގެ ތެރެއިން ބައެއް
އިސްތިރި
ނ (1) އެލެކްޓްރިކް ކަރަންޓްގެ އެހީން ނުވަތަ އަލިފާން އަޅައިގެން އެއްޗެހި ރޫފިލުވަން ގެންގުޅޭ އެއްޗެއް (2) ދެމީހަކު ލޯބީގެގޮތުން ގުޅުވުމަށްޓަކައި ހަދާ ފަންޑިތަ (3) )ބދ ( ނ އަންހެން
އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
އީވުން
މ (1) ލަދުގަންނަ ކަމަށް ހެދިގެން އުޅުން (2) ލަދުނުގަންނަންވާން ކަންތަކަށް ލަދުގަންނަ ކަމަށް ހަދައިގެން އުޅުން މިބަސް ބުނެއުޅެނީ އަންހެނުންނާއި ކުޑަކުދިންނާ މެދުގައެވެ (3) އާތްވުން
އީދުހުޅު
ނ (1) ޢީދުވިލޭރޭކަން އަންގަން އަތިރިމަތީގައި އަންދާ އަލިފާން (2) ޢީދުވިލޭރޭ ފަތިހު ޢީދުނަމާދަށް ފެންވަރާއިރު އަލިކުރުމަށާއި ޢީދުގެ އުފަލުގައި ޢީދުވިލޭރޭ އަންދާ އަލިފާން
އީދުބަޑި
ނ އީދުވިލޭރޭ އިރުއޮއްސުނީމާ އީދު ވިލޭރޭކަން އަންގާން ޖަހައިއުޅުނު ތިންބަޑި