radheef.info
ރަދީފު


ކުރަ
ނ (1) ދިރޭ އެއްޗެހީގެ ހަމުގައި ބޯކޮށް ރާޅުކޮށް ހެދިފައި ހުންނަ ތަންތަން (2) ބައެއް މޭވާއާއި ތަރުކާރީގެ ބޭރުގައި ބޯކޮށް ހަރުކޮށް ހުންނަ ތަންތަން (3) ގަސްގަހުގެ ތޮށީގައި ބޯކޮށް ހަރުކޮށް ހުންނަ ތަންތަން (4) )ސ( ވައްގަނޑުން އެއްޗެތި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު (5) )ބދ ( ފުށަތް
ފަރަންސާ
ނ ފުރާދުއްވާ ތަކެތީގެ ބޭރުގައި ކުރަންޖެހޭ މަރާމާތު ފަދަ ކަންތައް ކުރުމަށްޓަކައި އަރައިތިބުމަށް ބޭރުގައި އެލުވާ ފިލާ ނުވަތަ ޖާލިގަނޑު
ފަރަންޖީކަރުދާސް
ނ ބޭރުތަންތަނުގައި ލެޓިން އަކުރުން ނުވަތަ މިފަދަ އަކުރަކުން ޗާޕްކޮށްގެން ނެރޭ ނޫހުގެ ކަރުދާސް
ފަރިވުން
މ (1) ނަލަވުން (2) ރީތިވުން (3) ޗާލުވުން (4) މާމެލާމެލި ފޮޅެންވެގެން ފިޔަތައް ރޫޅިލުން (5) މާކެޔޮޅުކަމުގެ ބަހުރުވައިން އެންކޯމަސް ކުނިވުން (6) ކަމެއް ކުރަން ތައްޔާރުވުން
ފަރިތަކުރުން
މ (1) ކަމެއް ކުޅަދާނަކަމާއެކު އަވަހަށް ކުރަން ދަސްކުރުން (2) ތަމްރީނުކުރުން (3) ފިލާވަޅުތައް މުޠާލިޢާކުރުން
ފަރިތަކުރުވުން
މ (1) ކަމެއް ކުޅަދާނަކަމާއެކު އަވަހަށް ކުރަން ދަސްކުރުވުން (2) ތަމްރީނު ކުރުވުން (3) ފިލާވަޅުތައް މުޠާލިޢާ ކުރުވުން
ފަރުމާނުކުރެވި
ނ (1) ރިޔަލުގެ ފަރުމާނުގައި އައްސާ ކުރަވި (2) )ހ( ދިހި ކުރެވި
ފަރުޖެހުން
މ (1) ހަމަޖެހުން (2) ދެކޮޅުޖެހުން )ލިބިފައިހުރި އެއްޗަކުން ކުރަންވީ ކަމެއް ކުރެވުން( (3) ފުދުން
ފަރުޟުނަމާދު
ނ މުސްލިމުންނަށް ކޮންމެ ރެޔަކާ ދުވާލު ކުރަން ވާޖިބުވެފައިވާ 5 ނަމާދު
ފަރުޟުރޯދަ
ނ (1) މުސްލިމުންނަށް ކޮންމެ އަހަރަކު ރަމަޟާންމަހު ހިފުން ވާޖިބު ކުރައްވައިފައިވާ ރޯދަ (2) ހިފުން ވާޖިބު ރޯދަ
ފަޅާކޮޓަރި
ނ (1) މީހުން ހޭނައްތައިގެން ތަންތަން ކެފުމުގެ މަސައްކަތް ކުރުމަށް ހޮސްޕިޓަލުގައި ހުންނަ ޚާއްސަ ތަނެއް (2) އޮޕަރޭޝަން ކުރަން ހޮސްޕިޓަލުގައި ހުންނަ ޚާއްސަ ކޮޓަރި
ފަޅުމުރަކަ
ނ ފަޅުމަތީގައި ހެދޭ މުރަކައެއް. މިއީ ވަރަށް ކުރަކި ކުރިތައް ގިނަ ބޮނޑި ބޮނޑިއަށް ހެދޭ ކުދިގަސް ތަކެއްހެން ހުންނަ ގާތަކެކެވެ
ފަކުލަށްފަރިތަވުން
މ )ސ ( މަޖާޒު: މުޞީބާތް ޙައްލު ކުރަން އެނގުން
ފައިދޮށުފުރޭތަ
ނ ބަޑިބޭސް އަޅައިގެން ތައްޔާރު ކޮށްފައި ހުންނަ މައްޗަށް ނާރާ ހަވާގެ ބާވަތެއް މި ބޭނުން ކުރަނީ ހިތި ވިލޭރޭ ފަދަ ރޭރޭ ކުޅިވަރު ކުޅުމުގެ ތެރޭގައެވެ މި ރޯކޮށްލުމުން ބިންމަތީގައި ގުދުގުދު ލައްވަމުން ދާ ދިޔުމުގައި ކުޅި ބަލަން ތިބޭ މީހުންގެ ފައިދޮށަށް ވަންނާތީ އެނަން ކިޔަނީއެވެ
ފައިޖެހި ކުރަނޑި
ނ ލަކުޑިން ލިއެލާ ޖަހައިފައި ތިންފައެއްގެ މަތީ ހުންނަ ގޮތަށް ހަދައިފައި ހުންނަ ކުރަނޑި
ފައު
ނއ (1) މޭވާފަދަ އެއްޗެހި ދޮންވެގެން ފައްކާވެގެންވާ މަޑު (2) ބަނބުކޭލާއި ކުއްޅަވައް ފަދަ އެއްޗެހި އެކި ގޮތްގޮތުން ކުރާމަޑު (3) ނ ކަނޑޫ ނުވަތަ ކުއްޅަވައް ހެދިފައި ހުންނަ ތަންތަން (4) ބޮނބި މަޑުކުރަން ބަހައްޓައިފައި ހުންނަތަން (5) އަށްހިޔަބޮލި (6) ފާ (7) )ބދ ( ހާސް
ފަތްކޮޅު
ނ (1) ވަކިފެންވަރެއްގެ މަޤާމުތަކަށް އިސްކުރައްވާ ފަރާތްތަކަށް ވަޒީފާ ދެއްވިކަން އެންގެވުމުގެ ގޮތުން ދައުލަތުން ދެއްވާ ލިއުން. މިސާލު: އަތޮޅުވެރިކަމުގެ ފަތްކޮޅު. ވަޒީރުކަމުގެ ފަތްކޮޅު ސަފީރުކަމުގެ ފަތްކޮޅު (2) ޤައުމެއްގެ އިސްވެރިޔަކު އެދަރަޖައިގެ ވެރިޔަކަށް ނުވަތަ އެއަށްވުރެ ދަށުގެ މީހަކަށް ފޮނުއްވާ ރަސްމީ އެންގެވުން (3) ގަސްގަހުގެ ފަތުގެ މިންވަރެއް (4) މަޖާޒު: ބޮލުގައި މަދުން ހުންނަ އިސްތަށި
ފަތްވަދު
ނ (1) މަސްވެރިކަން ކުރަން ކުކުޅުފަތުން ހަދާވަދު (2) ކަށިކެޔޮ ގަހުގެ ކުރީގެ ޅަފަތް ފަދަ ފަތް ކަފައިގެން ހަދާވަދު
ފަތްސިލުނބުފުޅު ވަތްކުރުން
މ ދުންފަތް އެޅުން މިބަސް މިގޮތަށް ބޭނުން ކުރަނީ އާދައިގެ މީހަކު ބޭފުޅަކަށް ފަތްސިލުނބުފުޅު ވަތް ކުރާނަމައެވެ
ފަލީތާ
ނ ޑައިނަމައިޓް ފަދަ ގޮއްވާ އެއްޗެހީގައި ރޯކުރަން ހުންނަ ފީތާ ނުވަތަ ނަރު
ފަސްގަނޑަށްނުކުތުން
މ (1) ރަސްމީ ގޮތުން ކުޅިޖެހުމަށް ގުޅަކުޅޭ ފަސްގަނޑަށް ނުކުމެ ކުޅިޖެހުން (2) ކުޅިޖަހާ ފަސްގަނޑަކަށް ކުޅިޖަހާން ދަސްކުރަން ނުކުތުން (3) ގުޅަކުޅޭ ފަސްގަނޑަށް ހަވަރު އެއްވުން