radheef.info
ރަދީފު


ނި
އ )ސ ( ނު
ނަލަފަށް
ނ މަސްދޯނި ފަހަރުގެ ފަތޭރި މަޑުލުގެ މަތީ ކައިރީން ބޭރަށް ނެރެފައި ހުންނަ ފަށަލަ
ނަގާހައި ވިލަޔަކުން ފެނެއް ނާންނާނެއެވެ. ޖަހާހައި ގުގުރިއަކުން ހޮނެއް ނާޅާނެއެވެ.
(މުސްކުޅިބަހެއް) (1) ކުރިމަތި ވެދާނެކަމަކަށް ހީކުރެވުނު ނުރައްކާތެރިކަމެއް ނުވެދިޔުމުން އެކަމާގުޅިގެން އެކަންނުވިކަން ދޭހަކޮށް ދިނުމަށް ބުނެއުޅޭ ބަހެއް (2) ކުރިމަތިވަމުންއައި ކަމަކުން ނުކުންނާނެކަމަށް ހީކުރި ނަތީޖާ ނުނިކުތުމާ ގުޅިގެން ބުނެއުޅޭ ބަހެއް
ނަގުލަންދާށިރާކަނި
ނ ނަގުލަންދާށި ސިފައިގެ ރާކަނި
ނަގޫ
ނ (1) ބައެއް ޙައިވާނުގެ ފަހަތުކޮޅުގައި މައިކައްޓާ އެކުވެގެން ޅިނދު މަތިން ފަޅައިގެން ނިކުމެފައި އޮންނަ ގުނަވަން (2) ވިލާގަނޑުން ފައިބާފައި ހުންނަ ގަދަވައިރޯޅި
ނަގޫހުދުމަޑި
ނ ނަގޫ ހުދުކޮށް ހުންނަ މަޑިއެއް މިއީ ތިލަފަޅުފަޅާއި ފަރުބޭރުގައި އުޅޭ މަޑިއެކެވެ މީގެ އެންމެ ޚާއްޞަ ސިފައަކީ ނަގޫ ހުދުކަމެވެ ބުރަކަށި ފަރާތް ހުންނާނީ ކަޅުކުލައިގައި ހުދު ތިކިތަކެއްޖަހާފައެވެ މަޑީގެ ނިގޫ ގާތްގަނޑަކަށް އޭގެ ހަށިގަނޑާ އެއްވަރުވާނެއެވެ
ނަސާސްތާ
ނ ނިސާސްތާ
ނާށިގަނޑު ކުކުޅު
ނ (1) ސީނުކުކުޅު (2) ގިނިކުކުޅު (3) ކަޅުނޫކުލައިގައި ހުދުކުލައިގެ ތިއްތިއް ޖަހައިފައި ހުންނަ ބިންމަތީ އުޅޭ ދޫންޏެއް މީގެ ބުރިކަށިމަތި އޮންނާނީ ތާވައްކާށި ނާށިގަނޑަކާ އެއްބައްޓަމުގައެވެ
ނާނަކަޓާ
ނ ފާރޮށި އުނދުނުގައި ފިހާ ފޮނިކާއެއްޗެއް. މިއީ ހަކުރާއި ގިތެލާއި ކުޅުބިހާއި ކާފޫރުތޮޅި ލައިގެން ގޮދަން ފުށުގައި ތައްޔާރުކުރާ އެއްޗެކެވެ
ނާނާ
ނ (1) ހަމައެކަނި އަޑުން އަޅުވާލާ ރާގު މިސާލު: ނާނަޔޭނާނާ އޫނ އޫނ އޫނ (2) ކުދިން ނިންދަވަން ކިޔާލަވަ (3) އ ނޫނެކޭ ބުނުން ގަދަކުރުމަށް ބުނާގޮތް (4) މަޖާޒު: ކިޔާއެއްޗެއް ނުފިލާގޮތަށް ނުވަތަ އަޑުއަހާމީހުން ފޫހިވާ ގޮތަށް ދައްކާވާހަކަ (5) ކިޔާއެއްޗެއް އޮޅުން ނުފިލާގޮތަށް ކިޔާ އެއްޗެހި
ނާނާކިއުން
މ (1) ކުދިން ނިންދަވާން ލަވަކިއުން (2) ހަމައެކަނި އަޑުން ރާގުއަޅުވައިލުން
ނާރިނގު
ނ (1) ފޮނިލުބޯ (2) އޮރެންޖު
ނާރިގުފާނަ
ނ ފާނައިގެ ބާވަތެއް މިއީ ރާއްޖޭގެ ފަޅުފަރުތަކުގެ ފުން ބޭރުގައި ދިރިއުޅޭ ނާރިނގު ކުލައިގެ ކުޑަ މަހެކެވެ މިމަހުގެ ނިގޫފަތުގެ ފަހަތުބައިގައި ހުރަހަށް ހުދު ނޫކުލައިގެ ހިމަ ރޮނގެއް ހުންނާނެއެވެ
ނާރު
ނ (1) ސިކުނޑިއާ ހަށިގަނޑުގެ އެހެންބައިތަކާ ގުޅައިދޭ މުވާސަލާތީ ވިއުގައިގައި ހިމެނޭފަށް (2) ލޭ ހިންގުމުގެ ނިޒާމްގައި ހިމެނޭ ހޮޅި (3) އަތްފައިގެ ހުދުހަމުގައި އެހަމުގެ ކުލަޔާ ތަފާތުކޮށް ހުންނަ ގުދުރަތީ ރޮނގު (4) ކާނާއާއި ފެންދައުރުކުރުމަށް ގަސްގަހާގެހީގެ ފަތުގައި ހުންނަ ފަށް (5) ގަސްގަހުގެ ފަތުގެ ބޭރުފުށުގައި އުސްކޮށް އެހުންނަ ފަށްފަށާއި މީގެ ބަނޑުފުށުގައި ހުންނަ ރޮނގު
ނާރޮވައްފަލުދަ
ނ )ޏ ( ބަނބުކޭލުގައި ހަދާ ފޮނިކާއެއްޗެއް މިހަދާގޮތަކީ ބަނބުކެޔޮ ފެނުކައްކައި މަޑުކޮށް ފުނޑައި ހިމުންކޮށް ދިޔާހަކުރު އޭގެތެރެއަށް އަޅައިގެން ހިލާ ވެށޭވަރަށް ހިލުމަށްފަހު ގުޅަވަށާ އޭގެ ސިފައަށް ގެނެސް ދޮލަގުގާ އަތުރާ ނުވަތަ ފިނިފެންމާ އަޅައިފައި އަވީލަނީއެވެ މިކެއްކުމުގައި ދޯބުރާލި ހަކުރުކޮޅެއްވެސް އަޅައެވެ
ނާބަ
ނ މަޣްރިބު ނަމާދަށް މާލޭ ހުކުރު މިސްކިތު މުންނާރުން ބަންގި ގޮވާ ނިމުމާއި ވިދިގެން ނާބުސްޚާނުން ޖަހައި އުޅުނު ބެރު. ރަސްމީ ބެރުޖެހުން އޮންނަރޭރެއަށް ނާބަ ޖަހައި އުޅުނީ އެބެރުގެ ފަހުގައެވެ. ބޮޑުދެހިތީގައި ޖަހާއުޅުނީ ހިތިގެދޮށުގައެވެ. ރަޖަބު ރަމްޟާން ޝައްވާލު މިމަސްމަހަށް ހަނދުބަލާރޭރޭ މިބެރުޖަހައި އުޅުނީ ބަޑިޖެހުމުގެ ފަހުގައި ނުވަތަ ހަނދު ފެނުނުކަން އެގުނީމައެވެ
ނިކަ
ނ (1) އަޅޯފައިބާ ބިޔަގަހެއް (2) ނިކަ ގަހުގެ މޭވާ މީގެ ރަތްކުލަޔާ ދޮންކުލަހުރެއެވެ
ނިކަން
އތ (1) ވަރަށް. މިސާލު: ނިކަން ރަނގަޅަށް ނިކަންނުބައި (2) އާދޭހުގެ ގޮތުންނާއި ރުޅިވެރިކަމުގެ ގޮތުންނާއި ބަސްގަދަކޮށްލުމުގެ ގޮތުން ބުނެއުޅޭ ބަހެއް މިސާލު: ނިކަން އައިސްބަލަ
ނިކަބިލިއްސަގަސް
ނ ބޮޑެތި ބިޔަ ނިކަގަސް
ނިކަކޯޅި ބަވާސީ
ނ ނިކަކޯޅިއެއްގެ ސިފައިގައި ފުރަގަސް ފަރާތުން ނިކުންނަ ބައްޔެއް
ނިކައަޅޯ
ނ ނިކަގަހުގެ އޮފިތަކުން ފައިބާމޫ މިމުލުގެ ޚާއްސަ ބޭނުމަކީ އޮޑިދޯނި ފަހަރުގެ ފަރުމާނު ހެދުމެވެ